✿✿المطبق بالجبنه النابلسيه الحلوه اتفضلووووووو 2024.

بسم الله الرحمن الرحيم

كيفكم يا صبايا شو الاخبار
اليوم عنا المطبق

المقادير

رح نحتاج الى طحين +ماء فاتر+زيت +جبنه نابلسيه حلوه

قطر او شربات بارد

الطريقه

نعجن الطحين بالماء حتى نحصل على عجينه ملساء وسهل الشغل بها
نقطع العجينه الى قطع بحجم البيضه الكبيره ونتركها ترتاح ربع ساعه

نضع قطعة العجين بصحن الزيت ثم نضعها على طاولة الرخام ونرقها باليد وليس بالشوبك الى ان تصبح رقيقه جدا جدا وبواسطة اصابعك اسحبي العجينه من كل الجهات بهذه الطريقه تصبح ارق
مش مهم اذا انمزعت العجينه شوي لانا بدنا نطويها مره تانيه
نثني طرف العجينه الى الوسط
نثني الطرف الثاني فوق الاول
نفرد الجبنه الحلوه على وسط العجينه
نثني الطرف الثالث فوق الجبنه ثم نثني الطرف الرابع فوق الثالث
نتركها ترتاح كمان رع ساعه
نضع زيت في صينيه واسعه على الغاز ونجعله يسخن جيدا
نرق المطبقه مره تانيه بعد ما ارتاحت ونحملها بانتباه ونضعها في الزيت الساخن
نقلبها على الوجه التاني بحيث تصبح شقراء
نصفيها من الزيت ثم نضعها في القطر البارد
ونقدمها بالف صحه وعافيه يا رب
على قسم المعجنات سوف تجدين طريقتي كمان في المطبق الفاضي والمطبق بالجوز

القطر

3 كاسات سكر
2 كاس ماء
3 حبات هيل
عصرة ليمون
نضع الجميع معا على الغاز حتى يغلي بنوطي الغاز ونتركه يغلي ربع ساعه