اليوم وانا اقرى جريدة الناس قريت لقاء مع اخت فى اللة اسمها ام حسين تعالج بالاعشاب وعندها علاج لجميع مشاكل الحريم من بشرة لشعر لعقم لوجع دورة وغيرة كثير انا اخذت الرقم ودقيت عليها وسالتها عن زيت الشعر وحلفت لى انة يطول الشعر نص شبر فى شهر ويتعم الشعر حيل وينبت الشعر ويكثفة بس اصدمتنى فى سعرة :eek 40 دينار بصراحة لقيت انة غالى وانا ماجربتة ولا عرف احد جربة قلت اسال خواتى فى اللة يمكن احد يعرفة او يعرف احد جربة واسم الزيت عجب العجاب بنات اللى تعرف عنة شى تكتب اللة يجزيها خير عشان الفايدة تعم للجميع وانصح بنات الكويت يشترون جريدة الناس مكتوب فيها لقلءها وشرح وافى عن خلطاتها ورقم تلفون الحرمة واضح على علبة الزيت وتسلمون لى
نابصراحةمثلج قريت اللقاءوانبهرت واتصلت عليهاوفعلا قالت نفس ماقلتي،لكن السعرغالي.
وانشاءالله تردعليناوحده من البنات وتفيدنا.
ليش هو يسحب ويجر الشعرة ،، معليه أعذروني …يعني طبيعة الشعر يطول بحد أقصى 12 مم
في الشهر.
اخاف انه يضر بدل مايفيد .
والله وحشتيني جدا جدا جدا شخبار بنتك انشاءالله مشى حالها
بالنسبة للزيت يا اختي اول مره اسمع عنه بس ما اتوقع انهو زين ما ادري عندي احساس انهو موشيئ وبعدين غالي جدا اشدعوه من شنو يعني مسويته
وبعدين فعلا مثل ما قالوا خواتي البنات اشلون نص شبر بشهر مو معقوله
لا تدقين يا اختي كل اللي ينكتب او ينقال
خلنا نشوفك مره ثانية ولا تقاطعينا
تحياتي
كيفكم اخواتي انشألله بخير وصحه
انا مو من الكويت من الرياض نصيحتي لكي ابتعدي عن الزيت
الأ ن طالعين الحريم والرجال ببيع زيت الحشيش في كل مكان يمكن الزيت الي تقولين
عنه محطوط فيه نسبه من هاذا الزيت اختي انصحك الأبتعاد عن الأشياء المشكوك فيها
اخخختي عندك زيت الثوم خخخذيه من العطار وهو زين وليس له راأحه خخخخذيه من المعصره
وجربيه شوفي كيف انتيجه فعاله ويمنع تصاقط الشعر وزين مرررررررره وراح يعجبك
اتمنا ان تستفيدي عزيزتي
مع السلامه 
فكري قبل أي شيء
نصيحه مني
شلونكم خواتى الغاليات واللة انكن فعلا غاليات على قلبى وانا بعد كلامكم استخرت وما راح اشترية لانى حسيت انكم تنصحونى من قلبكم لا خلا ولا عدم شلونج حبيبتى ورد الصبا واللة لج وحشة بس تدرين المدارس والجهال وابشرج بالنسبة لبنتى انشالة فية تحسن بسيط ولونة للحين ما ينمسك بالشباصة بس اللة كريم ولا تحرمينا من مشاركاتج وكلامج الحلو ومشكورين كلكم حبايبى
الله يخليك لعيالك ويوفقهم كلهم واتشوفينهم معاريس انشاءالله