يالغاليات لي اول ولد يدخل المدرسه يعني باول سنه بس الصراحه جنني معاه والسبب اني لما حظرت اجتماعه
وحضرت له الحصه الاولى اكتشفت انه مايرفع ايده علشان يجاوب مع انه يكون عارف الاجابه والله يابنات اني
مت من الحره لان كلهم يرفعون ايدينهم الا هو واذا رفعها يكون متردد والشغله الثانيه انه اذا طلبت المدرسه انهم
يحلون شي بالدفتر يطبق اللي تقوله ويحل بس مايروح لمدرسته مثل الطلاب الثانيين علشان تصلح لهم المدرسه
وسالته ويقولي (ياماما زحمه شلون تبين اخلي المدرسه تشوف دفتري) وبعضالمرات يكون الحل ناقص ولما اساله
واشد عليه يعترف ويقولي كنت اسولف مع رفيجي اللي جنبي ……….. وعلمت ابوه عليه وكلمه ولافي فايده
قلت مافي غيركم ينصحني…… شسوي ودي انه يطلع امتياز وياليت تفيدوني كيف اتصرف معاه sid
لا تشدي عليه ولا تكبري الموضوع، فهو لا يفهم قيمة العلم الآن، كله تدريجي.
أعتقد أن الحل أن تجعلي المدرسة هي التي تتدخل، وهذا بكل بساطة أن تكلميها في المسألة وتطلبي منها أن تختاره لتسأله في الفصل من غير أن يرفع يده، وعندما يرى أنها تثني على إجابته الصحيحة سيتشجع ويشعر بفرح ويرغب المشاركة.
كما أنها تطلب منه الكراسة للتصليح إن لم يأت، وبعد أيام سيشعر بشجاعة أكثر ورغبة أكبر عندما يرى التشجيع منك ومن مدرسته.
اما مشكلة تصليح الدفتر فهذا يكون على المدرسة المفروض هيه الي تطلب منهم او تقول لهم الي يخلص يجيب دفتره ..
ابني يأخذ أحياناً ست صفحات كتابة يومياً !!
وهو سنة اولى ..
وقال ايش استاذهم قوي ويطلعهم يقرأون من سنة اولى !
طيب كلة على ظهورنا …ما ادري مستعجلين على ايش !!
والمشكلة كل اللي حولي مبسوطين ويشجعون !…وانا اللي زعلانة 
ولكن أن يعطى الطفل 6 صفحات من الواجب، هذا ظلم كبير وجهل من المعلمين صراحة!!
مع المتابعة باذن الله راح يتحسن
تصدقين بنتي جريئة وما دخلت المدرسة الا وهي تعرف كل المنهج تقريبا
ومع ذالك اول الاسابيع كانت خايفة ومرتبكة
وكل مرة عن مرة تتحسن
هنا يجي دور المعلمة نفسها كلميها امكن هي فعلا مع كثرة الطلاب في الفصل لاتعرف تتعامل معهم خصوصا اذا كانوا اولاد وحركتهم كثيرة , الطفل في هذه المرحلة يحتاج انه يثق في نفسه خليها هي تقومه وتمدحه اذا جاوب صح , لكن حبة حبة عليه انت اعطيه الثقة هذه في البيت ساعديه انه يكون اجتماعي اجلسي العبي معه مدرسة وكوني انت الطالبة وهو المعلم وخليه يتعلم منك كيف يتعامل مع المواقف الصعبة عليه .
طيب ليش ماتكلمين مدرسته .. وقوليلها انه يستحي ويخااف .. وخليها تتعاون معك بانها هي تقومه وتناديه
وتعطيه عبارات تشجيع .. عشان يتحمس ويسير هو اللي يرووح
طيب ليش ماتكلمين مدرسته .. وقوليلها انه يستحي ويخااف .. وخليها تتعاون معك بانها هي تقومه وتناديه
وتعطيه عبارات تشجيع .. عشان يتحمس ويسير هو اللي يرووح
الله يخليه لك يااارب