وان شاء الله الاخوات يفيدوكى
انتي شو قصدك بالخبز السوري
لانه نوع من الخبز الشامي
وهو متل الكماج ما بيكون رقيق ولا خميل يعني متين مثل خبز الدار الجزائري
وممكن فتحع وعمل فيه ساندوتشات
اذا كان هو طلبك حازودك بالروابط يا غالية
بس يمكن قصدك الخبز المشروح
الذي غالبا ما نراه بالمسلسلات الشامية القديمة
ستي الله يطول بعمرها كانت تعمله بفرن التنور
ويمكن عمله على الصاج
للأسف ما عندي مكوناته
اذا هو المقصود أحاول أحضر لكِ المكونات والطريقة
……شهيتيني الخبز أنا كمان 
بصراحة معك حق تشتهي لأن الطعمة تفوق الروعة والطعم غير الصورة
شي فاخر عالآخر 
يعطيك العافية ما قصرت يا غالية
في انتظار ردها
واذا كان طلبها
يا ريت توفينا بالمقادير
انا كمان اشتهيت الخبز هههه
والله أنا كمان دائما اشتهي نوعية هالخبز
والأفران اللي بتعملها بعيدة عنا شوي
ودائما أحن لأيام ستي ربي يطول عمرها
كانت تعمله وناكله هو وسخن ,ريحة خبز التنور وطعمته لا يعلى عليها
بانتظار أم عماد
في اشياء بتظل في ذاكرتنا محفورة لا يمكن ننساها
والخبز الساخن في البيت وريحته من الاشياء الي بيعشقها الانسان
مش بس لطعمه الرائع ولكن لانها بتحمل احلى ذكريات لايام نتمنى ان تعود من جديد
خير ان شاء الله منامك يا أم عماد
الله يطعمك زيارة بيت الله الحرام عمرة وحج إن شاء الله
أنا ما بعرف المسمن
بس هذا اسمو خبز التنور أو الخبز المشروح
وهو سهل جداً لكن يتطلب وجود الفرن التنور أو الصاج أقل شيء
هذا فرن التنور
سألت الوالدة عليه وأعطتني الطريقة
مكوناته :طحين مع رشة ملح وخميرة تقريباً لكل 2كأس طحين ملعقة صغيرة خميرة
وماء للعجن
يتم خلط المكونات وعجنها بشكل جيد حتى تتشكل عنا عجينة متماسكة وناعمة
تترك وتخمر ومن ثم نعمل كرات من العجينة وتخمر من جديد
نفرد كل كرة مع رشة طحين (والنساء قديما كانت تستعمل ايديها بتلويح الرغيف حتى يصبح ملائما لحجم الكارة
)
أم الكارة فهي قطعة قماشية محشوة من الداخل تساعدنا على لصق رغيف الخبز بالتنور
شوفي صورة الخبز داخل الفرن
الخبز لا يحتاج للكثير من الوقت
بصراحة هو سهل جداً لكن يشترط وجود الصاج أو التنور
طولت عليكي أختي
لكن وجب الشرح عسى ولعل تتوفر المواد وتجربي الخبز السوري
ملاحظة :
استعنت بغوغل حتى وضح الصورة لكِ أختي الغالية
كتبت بواسطة ام ليانة 
في اشياء بتظل في ذاكرتنا محفورة لا يمكن ننساها
والخبز الساخن في البيت وريحته من الاشياء الي بيعشقها الانسان
مش بس لطعمه الرائع ولكن لانها بتحمل احلى ذكريات لايام نتمنى ان تعود من جديد
الله يسعدك
كلامك درر والله
صح الواحد بحن لذكريات وأيام مضت مستحيل ترجع