**تطبيقي لكبة وعود الخير بالصور ** 2024.

الصراحة شكلها تشهي بروح آخذ طريقتها
مشكورة أختي

شو نضحك ..

ماشاء الله والله إشي بيفتح النفس .. الله يعطيك العافية على هالتطبيق ..

تسلم دياتك يا الووووووود
شي بيشهي عنجد
و الصور كتييييييييييير لزيزة
تسلم دياتك و دياااااااااااات وعوووووووووود العسسسسسسسسسل
و يعطيكي الف عافية يا رب

ودووووووودة عندي طلب
شو الطريقة اللي عملتيها بالزبط

تفضلي هذه طريقتي في تحضير خلطة الكبة
عادة أنا باحط نص مقدار البرغل لحمة ولااطيب..
وبعدين انت بتستعملي مفرمة كهربائية والا زي حالتي يدوية .. جاوبين علشان افيدك.. بس بسرعة
والا اقول لك على ايش ..
لو كنت بتستخدمي الماكنة الكهربائية .. بتحضري حسب مقاديري..
كيلو برغل مغسول وعليه كوب ماء دافئ وعليه بهارات الكبة وملح وفلفل أسود وبتخليه من أقل شيء ثلاث ساعات مع التقليب من وقت للتاني ونسيت أقول لك غطيه كويس
+ نص كيلو لحمة مفرومة ناعمة (خلي الجزار يفرمها مرتين) وبعدين راسين بصل مقطعين أرباع
وبتخلطي الحمة مع البرغل كويس وبتبلشي تفرمي .. .. والكهرباء الفرم مرتين كفاية
أما الماكنة اليدوية فطريقتها مختلفة شوية
بتفرمي البرغل مع البصل لوحده ثلاث مرات وفي المرة الرابعة بتخلطي مع اللحمة وبتفرمي…
وبعدين بتحطي العجنة في الثلاجة لمدة ساعة علشان تتماسك…
وبعدين بتاخذ حسب الكمية اللي بدك إياها.. وبتحضري صحن مية باردة (مثلجة) وبتبلي ايدك فيها وبتاخذ قطعة بحجم الليمونة الصغيرة وبتنقريها وبتحشيها (الحشو بعد ان تنضج ضعيها في مصفاة علشان تزل منها الدهن زالزيت الزايدة لأن وجودها ياسعد على تفتت الكبة وقت القلي)… وبعدين بتعطي الكبة شكلها المعروف..
لو كنت عامله الكبة للقلي في الحال.. عادي .. لو كنت ناوية تقليها بعد ساعة مثلا.. غطيها بفوطة مبلله علشان ما تنشف..
ووقت القلي بتخلي الزيت حار… وبعدين قبل ما تحطي الكبة في المقلاة بتتأكدي ان ما فيها أي شق ولو بسيط .ز خذي مية باردة وامسحيها من كل الاتجاهات ونزليها في الزيت وبعد شوية خففي النار تحتها مش كثير بس شوية ودير بالك تحركيها او تقلبيها قبل دقيقتين على الأقل علشان تتماسك… وبعدين قلبي على مهل .وبس تتحمر ارفعيها على ورق زبدة او اوي ورق لامتصاص الدهون..

ما شاء الله تبارك الرحمن
اول مرة ..
ما عندي تعليق غير انك اثبت انك ست بيت درجة أولى …
انا اخذت مني سنين حتى عرفت اتقنها .
رائعة انت.

ماشاء الله عليكي اذا من اول مره زبطيها انا قعدت 5 سنين مش مزبطها هههههههه بس صورك واضحين وحلوين كثير
تعي شوفي صوري شكل الكبه زي القنابل العنقوديه في جوالي بس رح انزلهم في القريب العاجل
سؤال كيف نقلتي الصور من الجوال للكمبيوتر بالكيبل ولا وصله بلوتوث