ازيكن يابناويت …. يارب تكونوا بخير
وطبعا كله عمال يعجن ويعمل كحك وبسكويت
يللا ألف هنا وشفا
النهارده عملت اختراع وقلت حتمن لازمن ولابد تشوفوه معايا
برضه حاقول المقادير والطريقة مع بعض
الأول غسلت البطاطا كويس وحطيتها فى الشوايه علشان تتشوى وكانوا كيلو وربع
وبعد ماتشوت كويس قشرتها
وحطيت عليها 4 بيضات وفانيليا
وحطيت كبايه ونص لبن وحوالى معلقتين كبار دقيق وسكر حسب الرغبة
وقلبت كويس بعدين حطيت معلقه ونص سمن أو زبد
وبعدين حطيت كبشة مكسرات مفريه
وقلبت الكل كويس جدا وابتديت احشى السمبوسك
وادى بعد ماتحمرت ورشيت عليها رشة قرفه ورشة سكر بودرة
وبجد بجد طعمها تحححححففففففففهههههههه وتبيض الوش قدام الناس ويبقوا مش عارفين هم بياكلوا إيه لكن مذهولين من حلاوة الطعم
جربوها وعلى ضمانتى ….
ولو بتحطي اسمك على الصورة بيكون احسن لك غاليتي ..
يعطيك العافية
جزاك الله كل خير
randd…..تسلمى ياجميله يارب …. وفعلا طلع طعمها خرافى …. جربيها وقوليلى …. وجزانا واياكم ان شاء الله …
يسلموا ايديكي
عاشقة الأقصى …. انتى اللى روعه تسلمى …..
sama_sehab ….. تسلمىىىىىىىىىىىى حبيبة قلبى يارب وربنا يحفظك انتى واسرتك كلها … قولى امين