السلام عليكم ورحمة الله و بركاته
قبل مدة هفففففف على بالي اخبز في البيت !!! سابقة ماكانت موجودة منذ زمن
ولانني كنت اكره العجن سواء الخبز او العجاين فكان اشي عجيب اني انعكست وصرت احب ههههههه
يعني من كم سنة كنت 3 كبايات طحين تعملللي ازمة في عجنهم كنت اكره كتير المعجنات وعملهم و تشكيلهم وامل كتير
اعجن شوي و اطنش
المهممممممممممممم الان صرت سوسو عضلنجي و صرت انا مستشارة العيلة في العجن لما اروح لاهلي وماما بدها تعمل معجنات اعجن انا هههههههههههه
وحتى في بيتي الحمدلله ماشاءالله لما اعمل معجنات تطلع زي الي في المحلات واحلا من طراوتهم لو زارني حد يفكرني شارياهم
ماشاءالله لاقوة إلا بالله تبارك الله
خبزت قبل اسبوعين تلاتة واخدت طريقة العجين من اختي الحبيبة ام مالك شكرا كتير الها ولكن كانو الارغفة كبار وتطعجو لكن طلعو كتير طريين ولكن مش خلقة تصوير وتنزيل في المنتدى
وبس مبارح
كررت العملة مع الحرص على الحجم المناسب
عملت 24 كباية طحين ماشاءالله
وعجنت لغاية مالعجينة نطقت وقالت حلي عني انا تعبت منك ههههههههههههههه
القصد سر نجاح العجينة كتر العجن كل مضليتك تعجني بتطلع طرية
وفعلا و الله خبزاتي طلعو طريين اكتر من الجاهز بالف مرة
وجوزي بندهش فيهم كتير وبقلي لولا مابدي ظهرك يوجعك و مابدي اتعبك كان حكتلك اخبزي كل مرة بس مش ناقصك تعب و شغل
حكتلو اه ياحبيبي ماتحلم
والان بعد كللللللللل المقدمة والنفخ والمدح اقدم لكم السيدة المحترمة خبزاتي الطرية الحلوة
وسر اهدائي لانجي اني مرة كنت فاتحة الكام معها و سكرتها عشان اروح اخبز وزعلت فقلت اهديها الخبز
والشكر موصول لام مالك 
عملت من نفس العجينة مناقيش زعتر وجبنة ولا ازكا من هيك
كانت كتير لزيزة ماشاءالله تبارك الله
شكرا مرة اخرى ام مالك
خبز الكماج العربي من طقطق الى السلام عليكم من مطبخ ميسوو لعيونكم الحلوه
لكن انا بضيف حليب ناشف كمان مع الوصفة بطلع كتير حلو بعطيه لون حلو و نكهة حلوة برضو
انا مثلا عملت 24 كباية طحين مبارح وحطيت عليهم 4 ملاعق كبار حليب
يعني لو حعمل مقدار واحد فقط اي 3 كوب طحين ححط نص ملعقة كبيرة او وحدة بالكتير
والخبز تقريبا كلو واحد يعني اغلب الناس مابعملوه الا بالتقدير يعني مابحطة مقادير بس انا مابحب التقديرات هي ابدااااا مع اني استخدمها احيانا بس مابحبها مابعجبني الا المقادير المحددة هوة الخبز بس انك تحطي طحين وخميرة و سكر وملح
بس السر الي عنجد هوة السر في طول مدة العجن انا بقعد في الخبز والمعجنات اعجن يمكن نص ساعة واحيانا اكتر حسب كمية العجين مبارح الكمية كتيرة علي ماقدرت اطول اكتر من نص ساعة تقريبا وكتافي تخلعو بس النتيجة كانت تستحق ماشاء الله تبارك الله
وااه صحيح انا حسيت الملح كتير والمرة الي فاتت حسيت الخبز مالح اكتر
فقللت الكمية للنص
وممكن كمان حسيت انو مالح يمكن لو اقل كمان احسن حسب انت شو بتحبي
نور ركن المعجنات
اممممممممممممممم ولا احلى ولا اطرى
اخدت وحدة افطر بيها واترك الباقي للصبايا اللي حيجيو بعدي
لي عودة لموضوعك الحلو
شكلهم حلوووو كتير زي الجاهز فعلا
الشكر للغاليه ام مالك الله يعطيها العافيه
بس ياريت حبيبتي تضعي رابط الوصفه
خبزات بيشهوا
اليوم عندي خبيز
خلاص ابعت لك الطحين وانت عليك الباقي
وبعدين انجل عاملة دايت ما بتحب الخبز الأبيض
فأكيد هالخبزات من نصيبي
تسلم الايادي
وبانتظار معجناتك الحلوة متلك
ما شاء الله شو هالخبزات الحلوين
تسلم ايديك يا سوسو
وعودة شو هالافرا هدا
بتطلعي على لساني اشاعات عشان تاكلي كل الخيزااااااات
لالالالالالا هدول الي كلهم
ما عندي ريجيم و لا شي
و لو بنحافظ عالصحة بس خبزات سوسو مش شي هين
يعني بيشهو و من ايدين سوسو
مين بيطلعلوا 
سما شكرا اختي والوصفة هية
خبز الكماج العربي من طقطق الى السلام عليكم من مطبخ ميسوو لعيونكم الحلوه
لكن انا بضيف حليب ناشف كمان مع الوصفة بطلع كتير حلو بعطيه لون حلو و نكهة حلوة برضو
انا مثلا عملت 24 كباية طحين مبارح وحطيت عليهم 4 ملاعق كبار حليب
يعني لو حعمل مقدار واحد فقط اي 3 كوب طحين ححط نص ملعقة كبيرة او وحدة بالكتير
والخبز تقريبا كلو واحد يعني اغلب الناس مابعملوه الا بالتقدير يعني مابحطة مقادير بس انا مابحب التقديرات هي ابدااااا مع اني استخدمها احيانا بس مابحبها مابعجبني الا المقادير المحددة هوة الخبز بس انك تحطي طحين وخميرة و سكر وملح
بس السر الي عنجد هوة السر في طول مدة العجن انا بقعد في الخبز والمعجنات اعجن يمكن نص ساعة واحيانا اكتر حسب كمية العجين مبارح الكمية كتيرة علي ماقدرت اطول اكتر من نص ساعة تقريبا وكتافي تخلعو بس النتيجة كانت تستحق ماشاء الله تبارك الله
وااه صحيح انا حسيت الملح كتير والمرة الي فاتت حسيت الخبز مالح اكتر
فقللت الكمية للنص
وممكن كمان حسيت انو مالح يمكن لو اقل كمان احسن حسب انت شو بتحبي
وعودة اهلا وسهلا وكل الخبز الك وهاتي الطحين يختي هاتي مافيش مانع :d
والله قبل فترةصغيرة يمكن قبل اسبوعين تلاتة عملت معجنات بيتزا و فطاير نقانق و جبنة كانو بجننننننوو اخدتهم وكنت رايحة ابات عند اهلي وانبسطو فيها كتير بس انا انهلكت فيها كتير
مابتوقع في الفترة القريبة اعمل ههههههههه
اول مااعمل اكيد بنزلهم لتاكليهم كلهم
انجي كل الخبز الك و انو دايت هادا من ورايا مثلا؟
صحة وعافية ياريتك جمبي يااختي الحلوة والله كان بعتلك بس بينا بلاد 
الله يورينا اياكي على خير وتاكلي خبزي :d
تسلم ايديك
أنا كمان متعقدة من العجن و الخبز
العجينة بتطلع رائعة و تقريبا نفس مقاديرك
بس الشكل عجايب