….مره شريت من حائل ,من محل بهارات ,بصل مجفف ,لونه على اصفر ..(كأنه كان منقع ب..كركم )
ولما سويت الكشنة ,يعني طبخت فيه طلع طعم الاكل رهيب , والريحة حاجة جنان ..
والحين ابي من بنات الرياض النشميات يقولن لي وين القى هذا النوع من البصل ,وايش انظف وازين محل بهارات عندهم …
الله يسعدكم يابنات اللي تعرف ترد علي ..
تحياتي ..
عند محلات البهارات الشعبية ألاقي البصل والثوم المجفف00بس ما مرة جربت أشتريه لكن الآن شجعتيني أشتري منه0
تسلمين بس وين الطبخة اللي صرعت العالم0
ايه ..هو يكون بصل مجفف ,مايل لونه للاصفر(اللي اقول يمكن منقع بكركم ) ,اذا طبختي فيه اي طبق ,يعطيه نكهة لذيذة ..
يعني تكون ريحة الكشنة واااااااااااااو تهبل ..
انا مثلك ماكنت متشجعه ,لكن غامرت ,وطلعت مغامرة لذيذة ..
اذا تعرفين محل بهارات زينه بالرياض ,اذكري لي عنوانه الله لايهينك ..
انظف واحسن محل بهارات في الرياض ((بيت الأعشاب)) في حي المروج جنب سلة الفطائر
اذا ما عرفتي قوليلي اوصفلك بالتفصيل
بعدين راعيه شباب ومتواجدين وكل شي يلق وعليه ناااااااس مشاء الله
.يعطيك العافية ماقصرتي …نخدمك بالافراح باذن الله
ذكرتيني ببهارتي التي استخدمها في طبخي وجابيتها معايا لفرنسا مثل وصفت لكن معاه بهارات حب مخلطة تخلي الأكل طعمه لذيذ وخاصة الشوربة الحب ( يم يم يا سلام ) وريحتها تجيب العافيه وهذه اجيبها من مكه تباع اكياس عند البائعات وهي نظفيه ..إذا حبيتي أدلك عليها إذا رحتي تأخذين عمرة أن شاءالله ..ولا تنسين ترسلين لي
وتدعي لي في العمرة ..
أختكِ في الله
الغيورة
——
اختي الغيورة ..حفظك الله , هو نفس اللي تقولين عليه , انا اول مره شريته كذا مخلط ,والمره الثانيه لقيت البصل ينباع لوحده ..فأخذت منه …
الشهرين هذي مايمدني اروح لمكة المكرمة ,باذن الله آخر اسبوع من رمضان ان الله كتب رحت لها..ابشري اشتري بهارات مكة كلها وعلى طول على فرنسا ..
شمالية غربية…أضحك الله سنك ….وأن شاءالله تؤدي العمرة وأنت بصحة وعافية ..ولا تنسينا معاك ونحن في الغربة …وطبعاً لا تنسين البهارات
..حفظك الله ورعاك
أختك في الله
الغيورة