ازيكم يا بنوتات بجد كلكم وحشتونى اوى
انا عايزة اعمل الرز باللبن
فلو فيه طريقة حلوة ياريت تقولولى عليها اكون شاكرة جدا
بحط الرز فى كوبين ماء على النار وتمون هاديه مع التقليب المستمر
ولما يشرب الماء تشوفيه استوى ولا لأ لو لسه زودى كوب تانى ومع التقليب لغايه مايستوى
واول ماتحسى ان الرز بدأ يدخل فى السوا حتى شويه سكر ولبن وقلبيه خليه يشربه علشان الرز يبقى شرب طعم اللبن والسكر
ولما يشربهم ضيفى اللبن وقلبى وضيفى السكر حسب رغبتك وتذوقك وياسلااااااااااااااااام لو عندك كريم شانتيه
وحطيتى معلقتين هايطلع ولا المالكى فى جماله
وبعد مايغلى اللبن قلبى معلقتين نشا فى قليل جدا من الماء وضيفى وقلبى لحد قوامه مايثقل شوى مش قوى علشان مايبقاش تخين لانه لما بيبرد بيبقى اتقل من وهو على النار
لو حسيتى انه خفيف حطى معلقه نشا تانى فى كوب من الماء وضيفيها مع التقليب السريع علشان مش يكلكع واول مايغلى اطفى النار وضيفى قليل من الفانيليا وقلبى سريعا وغطى الحله
ودوقى اطعم رز باللبن انا لما بيكون فى مناسبه فى العيله بيطلبوه منى هو وكريم الكراميل
احلى حاجتين بيطلعوا من ايدى
واسفه لو طولت فى الشرح بس حبيت يكون وافى
الف شكر حبيبتى جزاك الله خير
طريقة فعلا جميلة وبالتفصيل فادتنى كتير يا جميل
راندا حبيبتى تسلمى موضوعك جميل اوى والصور شكلها يجنن
ربنا يخليكو ليا وما يحرمنى منكم ابدا
بس انا باضيف ماء ورد او ماء زهر ومستكة
ولو عندك قشظه كمان ياه يا الطعم روعة
وبالهنا على قلوبكم
ღ♥ وصفة مبتكرة ღ♥ارز باللبن << حلى لذيذ .. صحى و مفيد .. لكل الاعمار >> من أم شادى
بس عندى استفسار هو فايدة المستكة ايه؟
شكرا لكى مرة اخرى
كتبت بواسطة جنى 23 
بس عندى استفسار هو فايدة المستكة ايه؟
شكرا لكى مرة اخرى
شكرا حبيبتى على ذوقك و كلامك الجميل
ربنا يحفظك و يبارك فيكى حبيبتى
المستكه بتعطى نكهه جميله و مميزه
و انت بتاكلى توحى لك انك بتاكلى ايسكريم
جربيها حبيبتى حتلاقى الطعم مميز و يعجبك ان شاء الله