سلطـــــة الباذنجـــــــان
السلام عليكم يا أحلى صبايا
السلطه هاي قريبه على الباباغنوج
هاي بنحط فيها فلفل وثومه زياده
هاي وصفة جوزي .. وكيف كانت حماتي الله يرحمها تعملها
في زبديه فخار .. وكتيير في غزه بيعملو السلطات في الزبادي الفخار
بتعطي طعم حلو للأكل فيها .. فأنا هون عملتها في زبديه فخار
وبتتقدم فيها كمان
مقاديرها كتيير قليله لانو كان جوزي راح ياكل بس وأنا أكلت شوي
حبة باذنجان كبيره مشويه ومقشره
حبة طماطم اما مشويه أو مبشوره خضرا
سن ثومه
قرنين فلفل حاااااااااااار طبعا حسب الرغبه
زيت زتون
عصير نص ليمونه + ملح
في الزبديه بندق الثومه مع شوية ملح .. بعدين نفرم الفلفل ونضيفه
فوق الثومه وندقهم مع بعض
بنضيف الطماطم المبشوره أو المشويه المقطعه
مع الباذنجان المقطع وبيندقوا كلهم مع بعض
في الاخير نزيد عصير الليمون وزيت الزتون
اتركم مع الصور
هاي الزبديه الفخار
هاي منظرها في النهايه
طبعا بتتاكل بخبز وأنا أكلتها بتوست خفيف
هاي كمان صوره عن قريب
شفتو الفلفل يومها انحرقنا حرق فظييييييييييييييع
ههههههههههههههههههههههههههههههه
ان شاء الله نالت رضاكم يا صبايا
وكل عام وانتو بخيييييييييييييير
شوفو هالاكلات جديده في موضوع السحور ان شالله تعجبكو
أطبـــاق مختلفــــه للأفطار أو السحوووووور (ملف متجدد وبالصور)
وهاي صورهم
التوست بالموزوريلا
التورتيلا الاسبانيه
ان شاء الله يعجبوكو يا قمرااااااااااااااات
وكل رمضان وانتو بألف صحه وسلامه
انا تقريبا بعمل نفس طريقتك لكن الاختلاف في لمقادير
بس هذه شكلها مبين شهى جدا ح اجربها ان شاءالله
تسلم الايادى وتسلمى إنتى من كل شر
يعطيك العافية
دمتى بود
طبق رائع بس ما جربتيه مع الطحينة كمان رائع
ممكن سؤال من فين جبت الزبدية ……………انا كان عندي واحدة وانكسرت والسنة لفيت عمان كلها كل محلات الي ببيعوا فخار ما لقيت
المهم تسلم الايادي طبق رائع
في انتظار جديديك يا عسل
ام المجد يسلموووووووووو شكلها شهية وريحتها وصلت عندي
الله يعطيكي الف عافية