السلام عليكم ..
اشحالكم إن شاء الله بخير 
؟؟
اليوم يبتلكم بتي فور وااايد حلو ومثل الجاهز .. أتمنى انكم اتجربونة
ونبدا في المقادير والطريقة..
*المقادير:
– 3 بيضات.
– 1 م ص فانيلا.
– 2 م ص ريحة (روح) البرتقال.
– 5 أو 2/1 5 ك طحين.
– 4/1 م ص باكنج باودر.
– 4/1 1 ك سكر مطحون.
– 2 ك سمن.
هاي صورة المقادير..
وهذا كوب القياس المستعمل في المقادير..(على فكرة أنا استعملة كمقياس في كللللل الوصفات ويطلع مضبوط)..
*الطريقة:
1) ننخل الطحين+ الباكنج باودر ويترك الخليط على جنب.
2) نخلط السكر المطحون + السمن جيداً حتى يذوب السكر.
3) نخلط البيض+الفانيلا+ريحة البرتقال ..
ونضيفهم لخليط السكر والسمن وعندما يصبح الخليط متجانس مثل اللي في الصورة..
نضيف خليط الطحين والباكنج باودر ولكن بالتدريج يمكن ما تحتاجون كل كميه الطحين المهم تكون العجينة متماسكة وسهلة التشكيل مثل اللي في الصورة..
هني عند إضافه الطحين..
وهاي صورة العجينة لازم تكون شبة طرية عشان ما اتعبكم عند التشكيل و الأهم عشان تكون طرية بعد ما اطلعونها من الفرن..وعشان ما يتكسر معاكم..
4) نشكل البتي فورة على حسب الرغبة ويوضع في صينية الفرن(يفضل أن تكون غير مرتفعة الأطراف) مدهونة بالقليل من الزبدة أو السمن يوضع في الفرن على حرارة 200 درجة لمدة 10 دقائق تقريباً أو حتى يحمر قليلاً.
شوفو هنيه شكلت البتي فور بكيس التزيين اللي واضح في الصورة وهاي الصينيه فبل ما ادخلها الفرن..
وهنيه شكلت البتي فور على شكل وردة بواسطة الآلة..
هاي صورة الآلة اللي شكلت فيها البتي فور على شكل وردة وطبعاً في وايد أشكال معاها..
هذا شكل البتي فور بعد ما طلعته من الفرن..
وهنيه جمعت الأشكال..عشان تشوفونها..
وممكن تقدمونة بهاي الطريقة..
وبالعافيه عليكم..
# ملاحظة: إذا أردنا أن نعمل بتي فور بالشوكولاتة نضع القليل من الكاكاو البودرة على العجينة بشرط إضافة المزيد من السمن لأن الكاكاو يجعل العجينة جامدة لذلك نضيف المزيد من السمن.
# ممكن تحتفظون بالبتي فور لمدة 3 أسابيع أو شهر بشرط انكم تحفظونة في وعاء يكون مغطى عشان ماييبس..
بتي فور لذيذ و حلو و مرتب
تسلم ايدك حبيبتي
و الله يعطيك العافية
بس سؤال بعد اذنك :
آلة تشكيل البسكوت ما تغلب في الشغل و لالا سهلة و بسيطة جدا؟
آخ عورني بطنــي <<< يعني جوعـــانه
خخخخخخخخخخخخخخخ
تسلم الايــادي
بالنسبة لي يعني جربت أشكل بكيس التزيين و بالآلة والصراحه الآلة واااايد أريح وسهلة وسريعه .. بس على حسب النوع في بلاستيك و في استيل وطبعا استيل أحسن شي ..
والله يسلمج أختي و تسلميين
الجــوري
تسلمين والله حياج عندي كل البتي فور حقج عشان تشبعين ههههههههه
وصور جميله
تسلم ايديكِ
تستاهلي التميز عزيزتي
ماشاء الله تبارك الرحمن
الله يعطيج العافية دوم الغالية اتحفينا بوصفاتج الروعة
ماننحرم يارب وانشاء الله على التجربة
لله يعطيك الصحة
جزاك الله كل خير
الله يسلمج يالغاليه
.. ماشاء الله عليج متابعه ممتازة للمنتدى الله يحفظج إن شاء الله
عذبة لحساس
وعليكم السلام بالأخت الغاليه ..
عاد ما أوصل لروعه أطباقج واتمنى انج اتجربينة وتقوليلي على النتايج ..
manalo
الله يعافيج عزيزتي
cham
الله يسلمج أختي
والسمن مب وايد لأنه البتي فور لازم يستهلك سمن عشان يطله هش .. بس إذا حبيتي نقصي الكمية إلى كوب ونص بس الصراحه ما جربتة بهاي الكميه