شغلات زوجج المفروض ما يعرف عنها 2024.

1- أخبار الصديقات، ومواصفاتهن…
وهذا المشكلة اللي دايماً تتكرر عندنا، حريم ما ننلام كلام نهذرب، ما يصير عرس نروحله إلا وقلنا فلانة، وشفتي فلانة، وفلانة كيف كانت كاشخة، والريل ساكت ومستانس على هالسوالف أونه يسوق..مع أنها أكبر مصيبة، بهذي الطريقة عزيزتي إنتي تفتنين زوجج بمواصفات غيرج، وتتكلمين على أعراض الناس، تكون بنت مستورة في بيت أهلها، ولا حرمة متزوجة وراعية ريال وإحنا نقطع فيهن من العلوم والحبيب ميلس…

2-الأمراض الخاصة…
مو أهذرب وأقول لزوجي، والله حبيبي ريحة غريبة طالعتلي وأفرازات بيضة مش طبيعية في المكان الفلاني،اتلوع جبده منج ولا يقربج عقب قولي والله زوجي برد….لو كانت علاقتكم وايد قوية مع بعض…بس لا تلوعين جبده وتنفرينه منج بطرقة غير مباشرة.

3-إذا شفتي شي ما عجبج في أهل بيته، شكيتي في علاقات لا سمح الله خواته…باختصار، ظبي لسانج، ترا ما يخصج، وإلا باتستويلج سالفة حشيمة…بينج وبينه، بينج وبينهم، بينه وبينهم، خليج في نفسج زوجج وعيالج…تحذري…

4-مشاكل بيت أهلج لا تطرينها أبداً، ترى إذا ما احترمت أهلج وخصوصياتهم ماظنتي زوجج بيحترمج، ولا تنتقدين أحد فيهم جدامه، ولا تتكلمين عنهم في سوء، أبداً…

سلمكن الله هذا اللي عندي وأرجوا إني أفدتكن خصوصا الحبايب اللي على وش جواز والسموحة

مشكووووووورة أختي

صدى الدكريات
تسلمون الغاليات

noran5
تسلمين على ترحيبج فيني وأن شاءالله بتفادى أمر اللغة المرة الياية