السلام عليكم []
[/]
اكلة الحراق باصبعو نزلت صورتها بموضوع بس كل البنات سألوني عن طريقة عملو
وان شاء الله الان رح اكتب لكم الطريقة بالتفصيل
ويارب تجربوها وتعجبكم
على فكرة انا بطبخ كمية كبيرة
بس رح اقول لكم المقاديربشكل سهل
العدس نفس وزن المعكرونة يعني كيلو عدس ونسلق كيلو معكرونة
بس هذه كمية كبيرة
انتي اعملي يلي بيناسبك
وعلى فكرة قديما اهلنا كانو يعملو هالاكلة بدل المعكرونة عجين
بس البنات هالايام قليلة مروة اكتر من الزمان[IMG]
[/IMG]
لذلك استسهلنا الموضوع وصرنا نطبخها بالمعكرونة
بس مو كتير الفرق كبير
[IMG]
[/IMG]
بسم الله نبدأ بتشويح بصل حوالي بصلتين بزيت الزيتون
ثم اغسل عدس اخضر حبه كبيرة ..( واكون نقيتو ونظفتو سابقا )..
ثم اضيف العدس على البصل واضيف عليه ماء حتى يغمرو
وكل ما ينزل مستوى الماء اثناء الغليان اضيف ماء بارد…. وهذه العملية تساعد العدس على النضوج سريعا
واثناء نضوج العدس يمكننا ان نسلق المعكرونة
ممكن استعمال اي شكل لكن معكرونة الشرايط الفوتوتشيني افضل شي
نسلقها سلق عادي ونصفيها
وكمان في هذه الاثناء نحضر عصير التمر الهندي لاعطاء الحراق اصبعو النكهة الحامضة المتميزة
وطريقتو كما يلي
اولا نضع التمر الهندي بالماء ونسخنو قليلا
ثم نطحنو بالخلاط هو وماؤه مع بعض حتى يصبح هريس لين وناعم
ثم نصفيه بمنخل ناعم
ونأخذ الخلاصة
ونسكبها على العدس لما يستوي و بالتدريج وحسب الذوق وهو على النار الخفيفة
طبعا حسب كم نريد حموضة الاكلة
ونرش الملح وقليل من دبس الرمان وكزبرة خضراء مهروسة مع التوم
وكلو حسب الذوق في ناس بتكتر من التوم وفي ناس بتحب الكزبرة
كل شي بتضيفوه يكون حسب الذوق
ثم تصبح الاكلة تمام
وبعدها نضع المعكرونة المسلوقة والمصفاة
ثم نحرك منيح
ونتركها على نار هادية شي 10 دقائق
وبعدين
نسكبها
[IMG]
[/IMG]
ونزين الوجه بالكزبرة الخضرا
والتوم المهروس مع الكزبرة
والخبز المقطع المقلي
وقليل من البصل الشرائح المقلي المقرمش والف صحة وعافية[IMG]
[/IMG]
ويارب اكون ما نسيت شي
ولكم مني اغلى الاماني
تسلم دياتك يا رب
تعيشي وتعمليلنا اكلات طيبة
ربنا يشفيلك الوالد يا رب
يسلموا ايديكي عزيزتي
لكم مني كلللللللللللللللللل الاماني الطيبة [IMG]
[/IMG]
والف شكر للاخت رندوش لاضافة شعار التميز على موضوعي المتواضع[IMG]
[/IMG]
والشرح الحلو الواضح
.gif)
ولك كل الشكر