₪طبق متميز₪ الدجاج مع الذرة اكلة صينية من مطبخي بالصورة 2024.

السلام عليكم

كيفكم يا صبايا .. ان شاء الله اموركم كلها تمام ..
بعد غياب اليوم رح اقدملكم اكلة صينية وهي الدجاج مع الذرة ..
المقادير مع الطريقة :
صدور دجاج عدد 2 مقطعين و منقوعين بملح و فلفل اسود و 3 اسنان توم مهروس و القليل من الزنجبيل الطازج المفروم ناعم , و ملعقة كبيرة زيت سمسم, بتخليهم ساعتين .. و قبل ما تقليهم مباشرة بتحطي ملعقة نشا وتخلطيهم منيح
علبة ذرة .. بصلة مفرومة .. زيت .. ملح و فلفل

بتحطي 4 ملاعق زيت نباتي بالمقلاة و تضعي الدجاج لحد ما يستوي.. ما بدو وقت كتير ,, يعني شي 10 د
بتشيلي و بنفس الزيت بتقلي البصلة شوي بعدين بضيفي الذرة و رشة ملح و فلفل.. بتغطيهم و بتخليهم شي 10د .. بعدين بضيفي الدجاج .. وبتقلبيهم 5 د..
بتقدميها مع الارز الابيض .. وانا كنت عاملة خضار صيني كمان .. و هي الصور

وان شاء الله تكون عجبتكم ….