و اذا اتبعتم نفس الخطوات بالضبط مش ممكن تلاقوا فيه ميه و هاتلاقوه متماسك جدا
اولا لا زم تسيبي كوب الزبادي الخميره بره التلاجة لمدة ليلة
و بعدين تاني يوم اول حاجة تشغلي الفرن
و بعدين ترصي الاكواب اللي ها تعملي فيها الزبادي في صينيه و تضعي ملعقه زبادي خميرة في كل كوب و تضيفي علي كل كوب ملعقة صغيرة من الحليب البارد و تدعكيها مع الخميرة بضهر الملعقة
و هكذا في كل كوب
و بعدين تدفي الحليب علي النار لحد ما تلاقي انك لما تضعي اصبعك البنصر فيه و تعدي لغاية عشرة يادوب يادوب تتحمليه
و بعدين تصبي الحليب في الاكواب و تقلبي تقليب بسيط
و بعدين تغطي صينية الاكواب بصينية تانية
و ها يكون فات علي تشغيل الفرن حوالي 10 دقائق
اطفي الفرن و دخلي الصينية و اقفلي باب الفرن لمده 3 ساعات و اذا كان الجو بارد جدا يبيقي اربع ساعات
و افتحي الفرن و شيلي الغطاء ها تلاقي الزبادي جاهز
حطيه في التلاجة شوية و بالهنا و الشفا
علي فكرة انا في شهر 7 و 8 بيبقي الجو عندنا في مصر حر و رطب جدا جدا علشان كده ساعتها مش بادخله الفرن يادوب بالف الصينية بفوطة عادية و احطه في المطبخ عادي وقت ما اطبخ علشان المطبخ يكون سخن و بعد حوالي 3 ساعات برضه يكون جاهز
ياريت اكون اضفت حاجة جديدة ليكم
و علي فكرة دي اول مشاركة ليا في الركن مع اني دايما اتابع كل الجديد في المنتدي
مستنية ارائكم
فأهلا وسهلا بك معانا في المنتدى مفيدة ومستفيدة
طريقتك في عمل الزبادي جديدة عليي وإن شا ء الله نجربها
وحنا في السعودية مع حرنا ما يحتاج فرن ولا شيء ولا بتاخذ ثلاث ساعات حرنا كافي إن يخليها تحمض مو بس تتماسك
تحياتي لك وننتظر منك جديدك
أنا اللي سعيدة جدا باهتمامك بموضوعي و انك اول واحدة ترد عليا
الطريقة دي ماما بتعملها من زمان جدا و فعلا انا باستعمل الفرن بس في الشتا لأن الشتا عندنا في مصر بيبيقي بارد و ماينفش معاه غير الفرن
انما في الجو الحار الرطب مش محتاج غير تلفيه في فوطة في المطبخ و بس
ياريت تجربيها و اعرف منك رأيك ايه
شكرا
حبيبة قلبي ام بودي
ياميت اهلا وسهلا فيكِ عنا منوره والله انتي وخواتنا الكرام
ياعيني ياعيني لو اجي بشهر ثمانيه والله اشتقت لشوب القاهره بالصيف
حتى احنا بالصيف يدوب ساعتين بالرطوبه بكون راب الحليب وتكون اللبن
واحنا روبنا معه
طريقتك بالفعل حلوه خصوصا لو بدك تحتفظي في كل علبه بدون ماحد يلمسها او يخبص فيها
بس مش شوي بتغلبه خصوصا تحركي وتقلبي
احنا مافي ماعنا دلع
هو قرص واحد وخميره مره وحده بس
:
ناس مابتعرف الدلع بعيد عنك
عموما يسلمو ايديكِ ياقلبي
وبانتظار جديدك
انا سعيدة جدا بردك علي موضوعي خصوصا اني باحب فيك خفة دمك جدا
و أهلا و سهلا بيك و بكل اخواننا العرب في مصر
بالنسبة للغلبه ممكن تعملي المقدار اللي انت عايزاه في وعاء واحد و بنفس الطريقة
لكن صدقيني لو ما اضفتيش حليب بارد علي الخميرة و قلبتيه مش ها تطلع النتيجة حلوة و ها يبقي مليان ميه
و علي فكرة الموضوع مش بياخد اكتر من عشر دقايق بس و بعدين تسيبيه يتماسك لوحده
انا دايما باعمله علشان ابني عمره سبع شهور و باخاف اديله زبادي جاهز بافضل اعمله في البيت بيكون انضف و بدون اي مواد صناعية
ياريت تجربيه و انت تعرفي اد ايه سهل و سريع جدا
خصوصا انو مثل ما فهمت انو مافي داعي نغلي الحليب و بعدين ندعه يفتر صح ؟
و لو بدي اعمله في وعائ كبير بيصير ؟
باذن الله بجرب طريقتك و بخبرك بالنتائج
تسلمي يا ام بودي و و مية اهلا و سهلا بيك حبيبتي
انا دائما بعاني من مشكلة المية مع اللبن
ان شاء الله تعالى راح اجرب طريقتك بخلط الحليب البارد مع اللبن الخميرة
وتسلمي سلفا
لنوشة منورة
وينك يا بنتي اختفيتي فجأة.
الله يسعدك حبيبتي ويجبر بخاطرك
كلك ذوووق
حبيبتي صح كلامك بس انا مابحط الروبه لما يكون الحليب سخن
لاء بكون فاتر ….. وبطلع قرص واحد
طريقتك حلوه لابنك لانه هيك بتضمني كل علبه تضل بجديتها
ريتو صحتين وهنا يارب
اذا كنت متأكدة من تعقيم الحليب اللي ها تستعمليه مافيش داعي انك تغليه
و ممكن تعمليه في اكواب او وعاء كبير (زي ما تحبي) مافيش فرق خالص المهم انك تضيفي حليب بارد الي الخميرة بنسبة متساوية و تقلبيهم و بعدين تضيفي الحليب الدافئ (لما تضعي اصبعك و تعدي لعشرة يادوب تستحمليه) و تقلبي تقليب بسيط جدا
ياريت طريقتي تظبط معاكي
و في انتظار رأيك
أن شاء الله اذا جربتي الطريقة دي بالضبط مش ها تلاقي فيه ميه
المهم انك تضيفي حليب بارد الي الخميرة بنسبة متساوية و تقلبيهم و بعدين تضيفي الحليب الدافئ (لما تضعي اصبعك و تعدي لعشرة يادوب تستحمليه) و تقلبي تقليب بسيط جدا
ياريت طريقتي تظبط معاكي
و في انتظار رأيك