المقادير
ربيان من 2-3 ك
( انا اخلي السايق ينظفه )
عيش ( رز) 3 ملال ( انا قياسي قوطي العنصنص )الاناناس) مال اول عيوز شاسوي
بصل 4 مقطعه مثل المربعات ثوم مدقوق جنزبيل معاه
طماط 4 حبات مقطعه + 3 ملاعق صلصل اواكثر
بهارات خليجيه بهارات السمك + فلفل اسود+ دارسين عودين + مسمار مطحون براس القفشه يعني شوي
كمون كزبره ناشف مطحون
ليمون اسود 4 حبات +
شويه مطحون ليمون اسود +كركم علوب فلفل حار 4 حبات
============================== ==
الطريقه
في الجدر احط البصل بدون ماي وحمره يعني اقلبه وبالقفشه ارش ماي عليه حتى يلين او يعطيني البصل لون وريحه مميزه ( لا تخلين البصل عاد يحترق ) الحين انحط سمن او زيت شوي كثير مو عاد واجد
ونحمر ونقلب البصل ونقلب بسرعه حتى يصير لونه بني بس مو محروق عاد ونحط عليه الربيان
ونقلب حتى يتحمر الربيان وينشف مايه لا تنسين الثوم والجنزبيل حطيه مع الربيان علشان يكتسب
الريحه الحلوه
وتمي تقلبين حتي ينشف شوي ماي الربيان وتشوفين الربيان صار لونه حلو
الحين ضيفي البهارات كلها ما عدا الطماط وصلصل
علشان الربيان ياخذ ريحة البهارات واذا شفتي تمام
حطي الحين الطماط والصلصل واليمون الحب (طبعا اليمون مخرم) علشان بعدين تعصرين الليمونه على اليعش وانتي تغدين حافظي على قوامها الممشوق لين النشاب
المهم خليه مع التقليب حتى تتكون عندج صلصله حمرا شكلها حلو لا تنسين تملحين اذا ما فيش ضغط زيد شوي ترى انا اخف منه شوي حفاظا على صحتي (أحبني انا )
المهم الحينه حطي الماي مغلي بس لاتكثرين لان الربيان ما يبغيله شي اصلا هو ستوى
بس خليه يغلي غلييتين ويتسبك مع المروق حطي العيش (الرز يعني)
وشوفي الماي ما يرتفع واجد وخليه حتى يغلي وتطلعلج حبات العيش كنهم خوات
جنب بعض الحين قصري عليه وحطي عليه البقدونس والجلجلان (الكزبره) الاخضره مقطع
وخليه يتسكر براحته 
منقول من الاخت سكر
كبسه عراقيه من ام عبد الرحمن
المقادير:
دجاجتين مقطعه الى ارباع
ارزمزه ينقع حوالي نصف ساعه ثم يغسل ويشخل
5 بصلات مقطعه الى جوانح
بهارات مشكله
ملعقة كركم ملعقة ملح عن كل دجاجه او حسب الذوق
ماء كادي حوالي ربع كوب
زيت لقلي البصل 4مكعبات ماجي
الطريقة:
نغسل الدجاج ومن ثم نسلقه مع البهار(هيل حب,عودين قرفه)ومكعبات ماجي
بعد نضج الدجاج يتم نشلهواخراجه من ماء السلق واضافةالارز ونترك الارز على النار حتى يقارب النضج
نحضر قدر ثاني ونضعه على النار مع الزيت وعندما يحتمي نضيف البصل +البهارات المطحونه +الكركم عليه ونقلبها حتى يذبل البصل قليلا ثم نضيف عليه الدجاج ونتركه بعد تغطيته على النار لمدةنصف ساعه تقريباونضيف عليه ماء الكادي
عند انتهاء النصف ساعه ناخذ الدجاج
مع الخلطه التي معه ونضيفها على وجه الارز بعد التاكد من ملوحته وغطي القدر بقصدير ونتركه على النار لمده تقارب (10الى15 دقيقه )ثم نطفئ النار
كبسه سعوديه
المقادير …
نصف دجاجه مغسله ومنضفه كويس .
( رز ابو كاس او الشعلان ) كاسين مغسله ومنقوع في مار دافئ
3 اعواد من كل من ( قرفه . وهيل . وقرنفل . )
مكعب ماجي …
ملعقتين كبار صلصه حمراء .
بصل مقطع صغار وزيت للتكشينه ….
****************************** ****************************** *
الطريقه …
كشني البصل مع القرفه والقر نفل والهيل ليما تصفر البصله وشمي الريحه السنعه ..
بعدين حطي ملعقتين الصلصه ع الزيت وحركي ليما تذوب الصلصه شوي ..
بعدين حطي الدجاااجه المنضفه وحركيها واقلبيها من فوق ومن تحت (علشان تاخذ اللون الاحمر ) وبعدين حطي الماجي وعدلي الملح
صبي مار حااااار جدا ع الدجاجه ليما تغطيها وخليها تطبخ لمده نصف سااااااعه ..
وبعد النصف سااااعه شيلي الدجاااجه وصفي ا ماء الرز ..
وبعدين ….ز ما تلااحضون كثيره كلمة بعدين
كبي الرز في القدر وخلي المسافه بين الرز والماء قد الاصبع الابهااااام
علشان يطلع لك نثري ..
وخلاص اذا تشارب ونشف قصري النار وخليه ربع سااعه
والدجاجه لاتنسينها … اعصري عليها ليمونه وحطيها با الشوايه من فوق
ويلا اذا تحمرت واستوى الرز ….
اغرفي الرز في صحن التقديم وحطي فوقه الدجاجه المحمره .. ويزين با الليمون والبصل …..
وقدميه مع سلطة زباااااادي يممممي ماتشبعين ولا الطعم احلىىىىىىىى
(دجاجه تغسل وتنظيف زين بعد غسلها توضع في القدر__ واغمريه بالماء__ وليمون اسود__ واعواد قرفه__ وملح__ وكركم__ وكمون مطحون)
وبعد ماينضج اخرجي الدجاجه وضعيها في صنيه وضعيها في الفرن تتحمر
ثم بعد ذلك قطعي بصل قطع صغيره وضعيها في قدر وزيت الكميه اللى راح تكفي
للرز وخليه الى ان يذبل وبعد ذلك ضعي الجزر المبشور وخليه كمان الى ان يذبل بعد
مايذبل ضعي الرز بعد غسله وخليه شويه يتقلى مع البصل والجزر واذا شفتي الرز
بدأ يلصق في القدر صبي مرقة الدجاجه وخليه الى ان ينضج
بعد ذلك اغرفيه في صحن التقديم وضعي فوقه الدجاجه والمكسرات حسب الرغبه
دجاجة منظفة ومقطعة الى اربع / 3-4 حبات بصل متوسطة / ثوم /3 حبات طماطم /
4-6 حبات فلفل اخضر حار/ زنجبيل اخضر مبشور ملعقة صغيرة / 4 ملاعق كبار زبادي
بهارات (فلفل – كمون- قرفة – قرنفل – هيل – كزبرة ناشفة- ورق غار- ليمون ناشف-
ملعقة كاري – نصف ملعقة صغيرة زنجبيل ناشف- ملح)ممكن اضافة بشر برتقال للي يحبوا
ملاحظة بالنسبة للبهارات: لطعم مميز في الطبخ انا اجيب البهارات كلها حبوب ووقت الطبخ اطحن المقدار اللي احتاجه واضيفها للطبخة وراح تعطيكي ريحة قوية
وفي البرياني اطحن م ص فلفل – م ص كمون – م ص كزبرة وباقي البهارات حبات كاملة
زعفران وكركم للتلوين
ثلاث ونصف كاسات صغيرة ارز ابو كاس
اول شي نسلق الدجاجة عشر دقائق او اقل ونضيف شوي ملح وحبتين هيل واحتفظي
بماء السلق
اثناء السلق نقطع البصل قطع صغيرة جدا ونحمره في شوي زيت الى ان يذبل ونضيف
اليه قرنين فلفل الى ان يصبح لونه بني نضيف له الزنجبيل الاخضر والثوم
والبهارات ونقلب ثم نضيف الدجاجة المسلوقة مع قرن فلفل وغطي القدرلمدة عشر
دقايق مع التقليب من فترة لفترة ونضيف عليه الزبادي ويكون مقلب ومخفف
او ممكن تخلي اضافة الزبادي مع الكشنة وانا استخدم الطريقتين وممكن بدون زبادي
تعصري الطماطم وتضيفيه على الدجاج وتخليها الى ان تتسبك ويثقل قوام الكشنة
ممكن تشيلي الدجاج اذا شفتيه نضج
اثناء ماتتسبك الكشنة طبعا تكوني مغسلة الرز من اول صفيه واضيفيه الى موية
سلق الدجاج ولا تضبطي مويته او تكثريها لاننا مانبغى الرز يستوي مرة نص سوى
واضيفي قليل ملح ولا تمليحيه مرة لان الكشنة كمان مملحة ونضيف الفلفل معاه
نرجع للكشنة طبعا لا تخلي موية الكشنة تنشف خلى فيها شوية موية وبعد مانقفل
على الرز نضيفه فوق الكشنة
ذوبي ملعقة كركم في فنجان موية ووزعيه على سطح الرز
وكمان الزعفران سوي زي الكركم ووزعيه على الرز
ونغطي القدر ونخليه على نار هادية بدون تقليب او تحريك وبعض الاحيان احط
شرائح ليمون فوق الرز
من خمسة الى سبع دقايق وقفلي
اقلبي القدر كله في صحن التقديم
اذا كنتي بتقدمي في صحنين انا بعد مايستوي الرز والكشنة
اقسم الكشنة في قدرين واقسم الرز على القدرين واقدمها في
صحنين>>>>>>خخخخ قلبناها شعر
واللي ماتحب الدجاج راح يضبط باللحم
وماراح ننسى السلطات
سلطة الزبادي
زبادي تقلبيه وتضيفي عليه نعناع مطحون وفص ثوم صغير مطحون وخيار مبشور وملح وفلفل وشوي لبن
سلطة الطماطم
حبة طماطم كبيرة- بقدونس – ثوم- فلفل حار
تفرميها كلها بفرامة الطماطم الصغيرة اليدوية (ان شاء الله عرفتوها)
وتخفيفيها بشوي موية وتضيفي الليمون والملح
شكرااااااااااااااااااااااااااااااااااااااااااااااا اا
شكرااااااااااااااااااااااااااااااااااااااااااااااا ااااااااااااا
أم رورو والله انك عسل بردلك اياها بالأفراح إن شاء الله
