أنا بحاول أعمل الوحدة دي
و هي دي النتيجة,
مش عارفة ليه مموجة
و سؤال تاني لما اشتغل عمود في راس العمود اللي قبلة أدخل الإبرة فين و لو كنت هاشتغل عمودين في راس نفس العمود اشتغلهم في نفس المكان معلش اعذروني لسه بتعلم
سؤال تاني هو أنا استعجلت لما حاولت أعمل الوحدة دي , طب أعمل ايه نفسي أعمل حاجة مفيدة, حاسة أن أنا يعني تعلمت شوية و نفسي الناس يشوفوا شغلي, شوية أقول أعمل شنطة و شوية أقول أعمل مفرش و بعدين أرجع أقول مفرش كتير أعمل وحدة صغيرة و لو طلعت حلوة أكملها شنطة , أنا احترت و حاسة أن أنا ممكن أسيب الكروشية بسبب التردد ده 
أعمل ايه 
سااااااااااااعدوني
كتبت بواسطة farawlla07 
لأ يا فراولة أنا كنت عارفة غرزة السلسلة و العمود بس من زمان و تقريبا كده من شهر تعلمت باقي الغرز من الدورة التدريبية في المنتدى و عملت التطبيقات اللي في الدورة و عملت وردة كروشية من منتدى آخر و بس
كتبت بواسطة new_hanangalal طيب اقولك علي حاجه حلوه اعملي مساكات للمطبخ بس يكون فيها غرزه او وحده بحيث لو طلع فيها شئ متزعليش قوي
بالنسبه للوحده انتي بتعملي عمود فوق كل رايد عمود بتدخلي في فرعي السلسله حتلاقي كده العمود بتاع السطر السابق ليه فرعين بتدخلي فيهم ححاول اشوفلك صور انا مفهمتش السؤال التاني
كتبت بواسطة farawlla07 بالنسبه للوحده انتي بتعملي عمود فوق كل رايد عمود بتدخلي في فرعي السلسله حتلاقي كده العمود بتاع السطر السابق ليه فرعين بتدخلي فيهم ححاول اشوفلك صور انا مفهمتش السؤال التاني
فراولة أنا شاكرة اهتمامك في باترون الوحدة دي في السطر الرلبع 2 عمود في راس العمود السابق هل يكون الاتنين في نفس المكان؟؟
هو شغلي أكيد فيه حاجة غلط علشان كده طلع مموج مش كده ؟؟
كتبت بواسطة new_hanangalal هو شغلي أكيد فيه حاجة غلط علشان كده طلع مموج مش كده ؟؟
ايوه طبعا الاتنين نفس المكان والا مكنوش رسموها كده ف الباترون شغلك مموج يمكن انتي بتشدي ايدك انا مش قادره احدد الخطأ اقولك اختاري وحده اخري اسهل جربي فيها
ربنا يوفقك ويهنيك يا فراوله يا عسل
وبالنسبه لك يا حنان زي ما فراوله قالت لك إهدي وإنشاء الله كل يبقى زي ما تحبي
أنا كمان مبتدئه
أقول لك أول حاجه عملتها وطلعت صح فى موضوع للأخت هنهن إسمه صور لورش صغيره كان موجود وحده زي النجمه بالصور م الأول للآخر واتبعت الخطوات بالظبط وعملتها وما كنت مصدقه نفسي
إختاري حاجه تكون مشروحه بالصور وبإذن الله تتوفقي فيها أهم شئ تصبري وتثقى إنك بإذن الله هتعمليها
وإن شاء الله تعملي حاجات جميله تفرحي بيها ولازم تخلينا نشوف
أنا عارفه إني رغايه كبيره بس دي تجربتي من الصفر ويا رب تفيدك
بالتوفيق يا عسل
بصي يا اخت حنان طبعا فراولتنا ما خلتش حاجه لحد يقولها وانا من رايها انك تجربي في حاجه سهله وبعدين لما تتمكني من الشغل ابقي فنني براحتك وما تياسيش هههههههه انا الاسبوع دا كنت اكبر يا ئسه في المنتدي لكن دلوقتي الحمد لله من تشجيع الاخوات واولهم فراولايه خفيت ههههههههههههه ربنا يوفقك يا حبيبتي