عندي عزومة لــــ 10 أفراد و فرني بياخد ساعتين ونص علشان يسوي الفراخ
و مش عارفة أعمل إيه
انا نويت اعمل فراخ بس مش عارفة اعمل جنبها إيه ،كان نفسي اعمل مكرونة بالباشمل علشان تاكل العزومة بس خايفة تبوظ مني و خاصة أني معملتهاش من زمان فنسيت الطريقة
فلو واحدة عندها أفكار ياريت تقولي بس تكون حاجات سريعة عشان هما جاييين من الصبح و بوتجازي يعل
جزاكم الله كل خير
تفضلي هذه الروابط ان شاء الله تفيدك
اعملى ورق عنب و سويه من قبلها بيوم و رصيه فى قارب يتحمل الحرارة بعد ما يستوى و غلفيه بالفويل كويس و دخليه التلاجة
تانى يوم قبل العزومة تطلعيه 15 دقيقة فى المطبخ يهدأ من السقوعية بتاعة التلاجة و تدخليه الفرن و هو ملفوف بالفويل حايسخن و تطلعيه على السفرة
**********
جنب الفراخ حطى مكعبات بطاطس صغننة و بسلة و تاخد من طعم الفراخ و تبقى كده عملت طبق جانبى من الخضار
******
رز مفلفل و عليه شوية زبيب و لو عندك لوز ممكن طبعا تحطيه بيبقى تحفة او اعملى رز خلطة
**********
كوسة بالبشاميل و دى برصه اعمليها قبلها بيومو لفيها حلو و دخليها الفرن تانى يوم تسخن
كل اللى بقولهولك مجرباه فى عزومات قبل كده
جزاكي الله كل خير فعلا افكار سهلة ممكن توفر جامد في الوقت
ربنا يباركلك ياجميل