دارت في ذهني عدة تساؤلات حول التوائم , بحثت ولم أجد الكثير حتى في موسوعة الفراشة لم يولوا التوائم اهتمام كبير …
قلت ما في افضل من الخبرة …. أسألكم ….
يولد التوأم بوزن يعادل طفل واحد , يعني مجموع وزن الطفلين = طفل واحد …مثلا أحدهم 2 كيلو والآخر كيلو و800 غم.
السؤال: التوأمين صغيرين جدا, في أي شهر يدركا في وزنهما الاطفال من عمرهما !؟ ام هل يبقى الطفل التوأم أقل في حجمه ووزنه عن الباقين(ولا أعتقد ذلك مما نراه!)
هل يكون معدل نموهما سريعا فيدركا الأطفال بعمرهما سريعا؟
السؤال الثاني : عند ولادة الطفلين بهذا الوزن هل يشترط أن يدخلا الحاضنة لفترة ما حتى يكبرا ؟ أم ان الأم تاخذهما إلى البيت مباشرة وتعتني بهما؟
السؤال الثالث : هل يكفيهما حليب الأم ؟ وما هي طريقة الإرضاع ؟ فمن المعلوم ان الطفل يرضع من صدر أمه الجهة الأولى لبضع دقائق ثم الجهة الثانية , ولكن ماذا مع التوائم ؟ هل يكتفى بجهة واحده لكل منهما مع زيادة الوقت 
(معلش أسئلة غريبة لكن فعلا عندي فضول أعرف)
بانتظار امهات التوائم , وكذلك دندوش ودندون
اسمحي لي اكون اول مين يرد على موضوعك .. باعتباري دندوش 
انا و دندون لما اتولدنا كان وزني انا 1 كغم و دندون 800 غرام.. !! بس و الله اعلم هاد اقل من المعدل الطبيعي حتى للتوائم، لانه احنا اتولدنا سبعة اشهر ما كملنا ,… ما تحملنا بعض
مع هيك عمتي عندها توأم، اكبر منا بسنة، و ما شاء الله مجموع وزنهم وقت الولادة كان حوالي 4.5 كغم، و حماتي ضربت الرقم القياسي و عندها حاليا توأم (عمرهم 42 سنة) لما اتولدوا كانوا مع بعض حوالي 7 كغم!!!
اما بالنسبة للبقاء اقل من المعدل .. بدك تشوفيني انا و دندون ما شاء الله ما بتحكي لا توأم و لا سبع شهور بتفكرينا قعدنا ببطن ماما سبع سنين و نزلنا عالصف الاول على طول
لا لا مو لهالدرجة و الله … هلا دندون بتاكلني .. بس ما بنعاني ابدا من اي نحافة "عدلت الوضع 
)
سؤالك التاني .. احنا بقينا بالحاضنة اربعين يوم .. هاد لانه سبع شهور.. لكن باقي الحالات اللي حكيت لك عنها روحوا مع الام عالبيت بدون اي حاجة للحاضنة او الخداج..
و بالنسبة للرضاعة. كمان احنا ما كنا مقياس لانهم من اول يوم اعطونا الصناعي .. لكن حماتي قالت لي انها رضعت التوام و كنا كفاية .. لكن الطريقة بالضبط . ما بعرف كيف..كنت رح اتعلم لو انه البيبي ما اكل اخوه
و سلمي لنا على عمر
"على فكرة.. كنت مفكرة اسمي البيبي عمر اذا كان ولد.. لكن دندون حاجزة هالاسم من زمان و حالفة تقتل اي حدا بياخده … ديري بالك "
انا مش بس استفدت من كلامك أنا استمتعت , والبسمة كانت على وجهي عرييييييييييييضة !
ما شاء الله كيلو , ودندون 800 !! لعب باربي !!! بالله الوالده حست فيكم لما انولدتوا ولا نزلتوا وهي مو عارفه
وحماتك فعلا حطمت الرقم القياسي ما شاء الله , وين حطتهم التنين !؟ ويا ترى ولدت طبيعي؟
ونصيحة تعلمي كيف كيفية الرضاعة , ما بتعرفي زي ما اختفى الأخ يمكن يرجع يبين فجأة !!
ولادتهم كانت طبيعيه فى الأسبوع 37 شرفوا ولكن أنا جلست فى المستشفى لمدة 20 يوم حتى يبقوا وقت أطول فى الرحم لأنى الرحم فتح 3 سم وبعد الراحه 20 يوم وأسبوع نزل توأمA
ووزنه 5 بوند وتوأم B
وزنه 4 باوند
الفارق بالطول كان ولا زال 2 إنش سبحان الله
مكثوا بالمستشفى أسبوع لأن المص كان مشكله عند توأم B
أما توأم A
فالصفيره ما بعرف إذا سامعه فيها كانت مشكلتوا
الرضاعه كنت أشفط مع الصناعى لكن تغلب الصناعى على الطبيعى وكملوا صناعى
بصراحه التوأم متعبيييين لانوم بالنهار ولا الليل
وكانوا يمرض واحد التانى وراه على طول
الحمد لله تجربه حلوه ومتعبه بنفس الوقت
لتكونى حامل بتوأم يا أم عمر
يعني انت مكثتِ 20 يوم بالمستشفى بإرادتك ولا بمشورة طبية ؟
وما فهمتينا أول نقطة , كيف نموهم بيكون سريع ؟ وبأي شهر بيلحقوا الأطفال بعمرهم في الوزن والحجم ؟
أما إني حامل بتوأم فهذا اللي كنت بدي أكتبه من الاول …ما تفهموني غلط , ما بسأل لإني حامل بتوأم , إنما للمعرفة وحتى يستفيدوا الحوامل بتوائم في المنتدى
بتسأليني عن الوالدة اذا تغلبت ……
اصلا كل ما تتذكر هاليوم بتكون بدها تاكلني لاني تاخرت بعد دندون سااااعة كاملة مو راضية انزل
"بالله ما معي حق .. يعني انا دافعة تسع شهور اطلع بعد سبعه لييييييه؟؟؟"
من ناحية الحجم ما تغلبت .. بس بتحكي انه ولادة من اول وجديد لانه ساعة و هي تستنى حضرتي
و بصراحة دايما بتحكيلنا اشكالكم كانت متل دجاج في مرطبانات !!
اما حماتي فما شاء الله لا قوة الا بالله بتعجبك .. بتحملهم و بتحمل زيهم و ما بتحس .. باخر واحد من اولادها اكتشفت انها حامل و هي بالشهر السادس .. "ما انتبهت ان وزنها زاد و لا شي .. "
و يا ريت الي عندهم توائم " طبيعيين" يخبرونا متل كلمات الله يعطيها العافية
رحت لزيارة الطبيبه الزياره الدوريه وإكتشفت إن الرحم مفتوح وعلى طول للمستشفى فحوصات وإبر لنرخى عضلات الرحم
20 يوم من الفحوصات وعمل الألترا ساوند مرتين بالأسبوع وحاله والله
بالنسبه للنمو طبيعى جدا وهلأ هنه 6 إسنين توأمA
أطول واحد بالصف
وتوأمB
كمان طويل
وكربوج
وهنه ليسه أشهر نموهم سريع إبيتغيروا بسرعه وخصوصا قبل ما يصيروا عمرهن سنه
دندوش
الفرق بينهن 3 دقائق بس مو ساعه
حماتك
طيب ما تسائلت وين الدوره الشهريه راحت
هو فى حوامل بتوأم بمنتدانا 
واكملت التاسع تقريبا فسبحان الله
بس انا
من هداك اليوم و هم بيحكوا اني عنيدة و راسي يابس .. مع ان المسألة مبدأ مو اكتر
و بالنسبة لحماتي … ما شاء الله عمرها 80 سنه، يعني لما حملت باخر واحد كانت قريبة من الخمسين .. و يمكن فكرت انه عادي.. و بتعرفي الناس كيف كانوا زمان عالبركة
ما بعرف اذا في حوامل بتوأم في المنتدى . انا كنت بس الحمد لله رب العالمين على كل حال