اتمني منكم اخواتي بعد غيابي الطويل ان تقولوا لي اين اجد طاجين الشيزكيك في طرابلس وبكم سعره
ولا بنوتة ليبية ترد عليا ليش مطنشيني اسمي ماعجبكمش ولا شن السبب
والله يا فرجانية اسمك عاجبنا وانتى علي العين والراس يا اوخيتي لكن انا والله والله مرت كادة مرة ونفتح في موضوعك لكن والله انا مش قاعدة في ليبيا هدا علاش مرديتش عليك لكن كوني واتقة بان البنات حيساعدوك سامحيني يا اوخيتي لاني مساعدتكش
أنا اخذته مرتين من محل سالم مقابل مكتبة بن صالح جنب محل عويطي
3 احجام مع بعضهم بـ9 دينار
و شفتهم حجم صغير في العاشوري من مدة
الأن اكيد تلقيهم متوفرات في محلات سوق الثلاثاء و المحلات الاخرى
لان البضاعة هذه موسمية يجيبوها قبل شهر رمضان
مش معقولة الليبيات الفالحات مايبوش ايردوا عليا نستني في ردودكم
شكرا لجميع الليبيات اللي خشوا لركن الحلويات مابوش يساعدوني والله توقعتكم تساعدوني بطلبي الصغير
السلام عليكم
أني أول ماشفت النداء جيت
بس لي الأسف منقدرس إنساعدك أني مش
في ليبيا لكن زي ماقالت الأخت زينب
في محلات سوق الثلاثاء تلقي لأنه تو
قرب رمضان وكل شيء متوفر .
تقبلي مروري .
اذا لم تجديه فى محلات المواد المنزلية قد تجديه فى المحلات التى تبيع لوازم الحلويات لانهم حاليا اصبحوا يعرضوا مثل هذه الاشياء من ضمن مستلزمات اعداد الحلويات انا شفته فى بنغازى مش تيفال اعتقد المينيوم و مكون من ثلاث قطع 9 دينار و لكن اعتقد انه بيصدى انا ما جربته .
ماشاء الله عالاخوات كفووا ووفوا
حبيبتى لو قاعدة فليبيا ما كنت انقصر
لكن الله غالب ليا زمان على ليبيا
والله يعينا جميعا