العجينه اللي استخدمتها هي نفسها عجينة العشر دقائق وطبعا معروفه لدى الجميع
الحشوه :
3 علب صغيره لبنه مخلوطه معاها علبه قشطه واذا حابه طعم الحموضه زياده شوي بدال القشطه حطي علبه زبادي
2 كيس جبن موزريلا
وعسل عند التقديم
الطريقه:
اول شي تجهزي العجينه عادي
افرديها بصينيه تيفال ومدهونه زيت طبعا بعد ماتفرديها اعملي فتحتات فيها بواسطه الشوكه لانه مانبيها تنفش كثير معانا
بعدها ادهني وجهها باللبنه وحاولي قد ماتقدري تبعدي عن الاطراف حتى ماتحترق
وبعدها رشي فوقها بطبقه وفيره من الموزريلا
دخليها الفرن اللي محميتيه قبل بفتره 200 درجه مئويه او 350 فهرنهيت
حوالي عشر دقائق للربع ساعه وحمري وجهها بعد ماتستوي
بعدين قطعيها بالشكل اللي يعجبك وعند التقديم صبي عليها عسل وانا عن نفسي بحبها مغمسه بالعسل كثير لانها اطيب بالعسل الكثير
وسلامتكم اتمنى تعجبكم ……….. واي سؤال انا حاضره
تحياتي للجميع
هي للاخت ام عزيزان واتعتبر كنز من كنوز المعجنات
عجينة العشر دقائقالمقادير:
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق.
وانا زدت عليها 2 ملعقة حليب بودر … لان الحليب يعطيها طراوه اكثر
الطريقه:
تخلط هذه المقادير مع بعض وتترك لمدة 10 دقائق
بعدالعشر دقائق يضاف لها
3 كاسات دقيق /نصف كاس زيت.
وتعجن جيدا وتستخدم على طول
ملاحظات
مثل ما شفنا العجينه تنقسم لقسمين وتتخمر عشر دقايق في القسم الاول … وتضاف عليها باقي المكونات
يعني مجموع الطحين في العجينه هو خمس كاسات
استخدمتها كلها بالصينيتين صينيه كبيره ووسط مثل مو طالع لكم بالصور
واي سؤال انا حاضره
تم الحفظ شكرا