**كبة الدجاج فكرة خطرت بالبال وأتطبقت بالحال 2024.

كيف الحال يا غاليات؟؟ عضوات ومشرفات ؟؟؟

اليوم رح نزل موضوع كبة الدجاج واعتقد التاريخ مبين ع الصورة من متى عاملتها ..والحمدلله لقيت فرصة إني أنزلها .. ويارب تعجبكم …

للأمانه أنا ما شفت ولا سمعت حدا سواها .. عملتها لأنو أبو الشباب جاي عبالو كبة وماعندي لحمة ولقيت عندي صدور دجاج قامت خطرت ببالي اعملها .. وعن جد طلعت شو طيبة وشهية وماشاء الله شو عجبتو خصوصي اللي بالصينية وقالي إنها أخف من اللحمة .. وعجبت أهلي لأنهم كمان أكلو منها … وكان يومها حفلة كبة ..

– 3 أكواب برغل أسمر ناعم مغسول ومنقوع لمدة نص ساعة بماي بارد
– كيلو دجاج صدور
– 2 بصلة كبيرة مقطعة
– ملح حسب الرغبة – نص ملعقة صغيرة فلفل أسمر – 1ملعقة صغيرة بهار – نص ملعقة صغيرة كمون- نص ملعقة صغيرة قرفة – نص ملعقة صغيرة فليفلة حمرا مطحونة – 2 ملعقة صغيرة بهارات الكبة (بحب طعم البهار فيها )

نضع في فرامة اللحمة البصل مع قطع الدجاج والبرغل ويفرم .. ثم نضع جميع البهارات ونكمل العجن باليد .. مع تبليل اليدين بالماء البارد.. حتى تتماسك العجينة جيداً .. وتفرم مرتين ع فرامة اللحمة ..

– 1 – 2 كيلو دجاج مفرومة
– 4 بصلات مفرومين
– مكعب ماجي
– ملح وفلفل وبهار وقرفة وسماق وجوزة الطيب وكمون وسماق (الكمية حسب الرغبة وبصراحة أنا بكثر البهارات)
– سمنة أو زيت
– صنوبر مقلي

نحمس الدجاج بالزيت أو السمنة حتى تنزل ميتها ويتغير لونها ثم نضيف البصل ونقلبهم ثم الماجي وجميع البهارات ونقلب ونتركها لتستوي.. وآخر شي نضيف الصنوبر..

نشكلها بالطريقة الإعتيادية للأقراص ونقليها حتى تتحمر ..

وهاد شكل الأقراص ..

ناخذ جزء من الأقراص ونشويها بالفرن شوية خفيفة حتى يبدأ لونها بالتغيير.. و خلال فترة وجودها في الفرن نعمل اللبن ..

1 كيلو لبن زبادي
ا بيضة
2 ملعقة صغار مليانات نشاء مذوب بالقليل من الماء البارد
ملح
فلفل ابيض
3 حبات ثوم كبار مدقوقين
نعناع مجفف
ربع كوب أرز مصري مسلوق

نضع مصفاي في الطنجرة ونضع فيها اللبن ونروبه بخفاقة اليد حتى تنتهي كل الكمية .. نشيل المصفاي ونضع باقي المقادير ونكمل تحريك ونضعها على النار مع استمرارنا بالتحريك وبس يبدأ بالتماسك نضيف الأرز ونتركهم يغلو كم غلوة ثم نضع الكبة ونقلبها بشويش بملعقة خشب ..

في مقلاه نضع نقطتين زيت ونقلب الثوم والنعناع حتى يتغير لون الثوم ونصبهم فورا فوق اللبن ونحركهم للمرة الأخيرة .. ثم نسكبهم في صحون التقديم ..

وهاد شكل اللبنية ..

وأخير كبة بالصينية ..

حشوتها عبارة عن بصل وصنوبر مقلي ..

حوالي 4 بصلات كبار مفرومين خشنو محموسين بزيت زيتون على النار حتى يبدأ لون البصل بالتغيير ونقلب ثم نضيف البهارات (ملح وفلفل أسمر وبهار مشكل وشوية قرفة وسماق) وقلبي وآخر شي اضيفي الصنوبر المقلي ..

في بايركس مدي نص كمية عجينة الكبة وساويها ثم ضعي الحشوة في الوسط ثم ضعي النص الثاني من عجينة الكبة فوقها ومديها على مهل حتى يستوي السطح وقطعيها بالشكل اللي يعجبك وضعيها بالفرن حتى تتحمر وتستوي …

وهاي شكل الصينية ..

وأنا بكل الصور فاتحة الكبة عشان تشوفو الحشوة …

جربوها وماراح تندمو …

دعواتكم لي يا غاليات بالشفاء وراحة البال …