مشاركة الغالية لبنان وحبايبه من لبنان
المفتّقة
هذه من الحلوى اللبنانية المميزة واللذيذة..
المقادير
كوب رز قصير مغسول جيداً ومنقوع بماء دافىء
2 كوب إلا ربع سكر
كوب طحينة
أقل من ربع ملعقة صغيرة قرفة
كوب ماء
4 ملعقة كبيرة عقدة صفراء (كركم)
2 ونصف كوب ماء
ربع كوب صنوبر
ملاحظة: هذه الكمية تكفي لعمل صحنين كبار (كما في الصور أسفل) يعني هي كمية ليست بقليلة.
الطريقة
نضع الرز المنقوع والمصفى مع الماء والكركم في طنجرة ولما يغلوا نتركهم على نار هادئة مع التحريك بملعقة خشبية من وقت لآخر كي لا يلتصق الرز..
بعد حوالي 40 دقيقة أو لما تشوفي ان الماء نشفت تضيفي المكونات الباقية كلها ما عدا الصنوبر ونقلب جيداً ونخلط بطريقة الضرب – ودائماً بملعقة خشبية – ثم نتركهم على نار خفيفة جداً لحد ما يصير الخليط كتلة واحدة يعني حوالي 2 ساعة .. ما تخافي..مش لازم توقفي كل الوقت بس من وقت لوقت تعالي واضربيهم شوي 
لما يصيروا كتلة واحدة سوف تلاحظي أن زيت الطحينة (السيرج) فصل عن الخلطة – انفتق عنها – عندها تضيفي الصنوبر وتخلطي جيداً ثم تسكبيهم بالصحون متل الصورة..
وبالهنا والعافية….
هذا منظر الصحن الأول
وهذا الصحن الثاني
مهلبية الرز بالفرن
بحتة
هذه الحلوى عندنا في لبنان نسميها (بحتة) وكمان رز بحليب بالفرن
المقادير
4 أكواب حليب
7 م ك نشاء الذرة
5 م ك سكر
نصف كوب رز مسلوق (يعني نصف كوب بعد السلق مو قبل!!)
شوية ماء زهر وماء ورد
2 م ك قشطة (تضيف طعم رائع)
الطريقة
نضع 3 أكواب حليب بالطنجرة ونحرك بملعقة خشب إلى أن يغلوا..
ندوب النشاء في كوب الحليب المتبقي مع السكر والقشطة ونضيفهم إلى الحليب المغلي مع الخفق السريع بالخفاقة اليدوية..
نضيف الرز ونتركهم يغلوا ويتسبكوا 2 دقيقة ونضيف ماء الزهر وماء الورد..
نضع المهلبية بصينية لتدخل الفرن ونشعل فقط الفرن من العالي وندعها ليحترق الوجه وات تخافي لأن هذه هي سر النكهة اللذيذة..مممممممممممممم
نتركها لتبرد وندخلها الثلاجة…
أترككم مع الصور..
هذه مباشرة بعدما طلعت من الفرن
ما شاء الله ولا قوة إلا بالله
وهذه بعد ما بردت
وهذه القطعة المبردة لأحلى صبايا
