اخواتى الغاليات كل سنة وانتو بخير وصحة وعافية عيد الاضحى على الابواب
عايزين نتجمع هنا وكل واحدة فينا تكتب وصفة بتحب تعملها بمناسبة عيد الاضحى
والف هنا وشفا على قلوبنا
كل واحدة تدخل تكتب الوصفة وتقول هى من اى بلد
انا منتظرة الوصفات ياحلوات
نور الهدى انا بانتظار وصفاتكو الحلوة
احنا يا ستى بناكل اول يوم العيد كبدة الصبح لان بيبقى الخروف او العجلي لسه مدبوح و الكبدة طازة فتبقى هايييييييييييييييلة
مش بنحط عليها بصل و لا اى شئ بس الكبدة نقطعها فى حلة مع شوية ملح وفلفل اسمر ومعلقهة سمن
والغدا بقى الفته طبعا
عند اهل جوزى دايما بياكلو يوم العيد الصبح مخ بالبيض مش عارفه ليييييييييييه
بس برضه بيكون خفيف و وحلو
والغدا برضه فته
مع شوية ملح ونقليهم في الزيت
انا من مصر واسكندرانيه وبحب جدا الاكلات البحريه بجميع انواعها ووصفاتها وبالاخص السبيط و الجمبري
لكن مش ممكن اطبخ اول يوم العيد سمك لازم اختار اكلات فيها الحوم شىء اساسي
يعنى صنيه رقاق ما تقولش لاء فته لحمه برده ما تقولش لاء محشى عصبان وده بقى عمره ما يقول لاء
اشكرك جدا اختك ام مازن ولؤي
احنا بقى ياستى بنفطر كبدة زى ملك ما قالت نقطعها فى حلة مع شوية ملح وفلفل اسمر ومعلقه سمن و فصى توم
و الغدا طبعا فتة و رقاق باللحمة المفرومة
بس كل الكلام ده كان ف بيت امى ربنا يخليهالى يارب
بس دلوقتى فى الغربة الحمدلله على كل شئ بنقضى اليوم بره البيت عشان نحاول نحس بالعيد فبنتغدى بره
ربنا ينهى غربتنا على و خير و نرجع مصر بحالة كويسة ياااااااااااارب
على فكرة جدتى الله يرحمها كانت بتعملنا اكلة اسمها يخنى هى عبارة عن لحمة و بصل كتير و صلصة و بتكون مشطشطة و حامية اوى بس تحفة
و عموما ده رابط الفتة بتاعتىالفتة المصرية
و ده رابط الكبدة كبدة بالتوم اسهل و اسرع