بنات حبيت اشوف ارائكم بمسأله ماتصدقون لو أقولكم انها صارت شغلي الشاغل
وأخذه كل تفكيري
انا عندي خدامه في بيتي من أربعة شهور اول ماجت الامور عاديه اللهم تعب تعليمها الشغل لأنه جديده
لكن أخر الوقت صرت ماأطيقها ولا أحب أشوفهايالله أتحملها أحس الشي فوق أرادتي
خفت اني اظلمها بشي لاني معاملتي معها تغيرت جذرياً وأستغرب من نفسي أول ماجت أتكلم معاها
والامور جداً عاديه الحين انقلب الوضع نهائياً
والشهر هذا سافرنا وحطيتها عند حماتي ( زوجة أخو زوجي ) لمدة شهر لأنه والده وفي النفاس خليتهاعندها..
وجينا من السفر وباقي على رجعتها عشرة ايام
يوم رجعنا للبيت ماتخيلون وشلون حسيت بالراحه النفسيه فعلاً حسيت اني طليقه وعلى راحتي في بيتي
ولاأحس انه في أحد دخيل ..
لكن الشغل هدني هد ولا ولدي مرض وتعبت حيل
وانا جبتها بعد محاولات مع زوجي لإني بي فقر بالدم واتعب كثير لو هو شغل بسيط وتجيني دوخه ولو كثرت الشغل صار معي خفقان وعالجت هالفقر لكن مانفع العلاج ..
ماأدري انا أردها لبيتي ولا ابيعها محتاره مادري وش أسوي وزوجي يقول الشي راجع لك
أتمنى أني ألقى عندكم حل ,,
ان كنت لا ترتاحين نفسيا لهذه الخادمة .. من الممكن استبدالها بغيرها..
ويمكن يكون السبب انك تشعرين ان هناك من يشاركك بيتك في كل لحظة وهذا ما يؤلمك…
بدليل انك شعرت براحة نفسية حين لم تكن في البيت .. ويبدو ان المشكلة ليست بسبب الخادمة بل بشعورك ان هناك من يشاركك بيتك …
اختي هي مجرد خادمة عامليها برفق وحنان.. وحاولي ان تحددي لها مسؤولياتها والعمل المطلوب منها وأن لا تكون متواجدة في المكان الذي تكونين فيه ..
واتمنى ان تساعدك بقية الأخوات…
فانا حين استقدمت خادمة في فترة من فترات حياتي لم اشعر بشعورك ونفرت من واحدة واستبدلتها وانتهت مشكلتي.
تصدقين أنا ما عندي شغاله..
لكن فترة من الفترات جبت لي وحده…
وبعد مرور حوالي السنه جاني نفس شعورك..
لكني خليتها لأني محتاجتها….
حاولي أنك ما تحتكين فيها كثيير..
وخلي لها غرفه ما تقعد رايحه جايه قدامك في اليت..
يعني إذا خلصت شغلها تدخل فيها….
وإذا ما ارتحتِ أبد بدليها بغيرها…
والله أن حرية الوحده في بيتها تنشرى بفلووووس…
الله يكون في عونك يارب….
فلا ترجعيها أريح لك ولنفسيتك
وأنتي أعرف بالصالح العام لك ولبيتك
الله يسمح أمرك ويرشدك ويدلك عالصواب يارب
وخاصه ان ماعندك الا طفل صغير اكيد ماراح يكون فيه شغل كثير
وبرضه اكيد بتكرهيها لانها تعتبر مراقبتك في بيتك ولا تاخذين راحتك بوجودها…لكن سوي زي وحده من خواتي…تقول من بعد مايجي زوجي اقفل عليها في جناح غرفه وحمام ومطبخ وعندها تلفزيون…وما اطلعها الا بعد المغرب عشان تنظف المكان اللي كنا جالسين فيه…وتخليهافي الجناح حتى تحتاجها وما يكون زوجها موجود
والحين يوم نقلت في بيت صارت تخليها في الملحق فوق..وعندها ثلاجه وحمام…..وإذا احتاجتها نادتها بالتليفون…وماشاء الله مرتاحه
واتوقع إن شاء الله لو نظمتي وقتك ماراح تحتاجين ولا شغاله ..لاني وانا عندي طفل كنت اطفش وامل وماكان عندي اي شغل الا امشي ورا ولدي
والله يسهل عليك
هلا فيكي يالغاليه ومشكوره على كلامك الجميل وعلى مداخلتك الحلوة
وزي ماقلتي أنا حاطه لها جدول تمشي عليه لكن أنا مارتاح ماأدري وش أقولك أنا من النوع
الحار الي مايصبر ولو أشوف أي حاجه بسيطه يرتفع ضغطي
وأنا أحاول دائما أمسك أعصابي عندها واحاول اعاملها زين حتى اني كلما رحت لسوق لازم أشتري لها حاجه
رغم أني ماطيقها ..
وهي ماتحتاجلي لآن ابوها موجود وجي يشوفها ويجيب لها كل شي ماتخيلن وهذا الي مايريحني أكثر
يعني ماتقول لي أبغى حاجه تفول لاابوها يعني مستغنيه عني وأبوها عايش هنا من زمان ومعيشهم أحسن عيشه وعلى كلامها أنهاجايه علشان تحج وانا ماني ظالمتها هي طيبه وتتقبل الشغل ..
لكن لو تبي ترسل تعطيهم أبوها وحنا ماندري عنها بشي..
نورتينا بمداخلتك الآكثر من رائعه
والله يجزاك الف خير على كلامك الجميل والأجمل دعائك لي ..
تسلمين .
بالتوفيق
الله يجزاك عني كل خير فرحتيني بكلامك وبدعائك لي
ومشكوره ..
مشكوره يالغاليه على تفاعلك معي
وهي شغله كله بالصبح وحنا نايمين وبعد كذا كله في المطبخ وأذا خلصت تروح لغرفتها
وتسلمين ..
أنا عندي إقتراح شوفي إذا بناسبك……ليش ما تجيبي شغالهبالساعه
على أساس ما تبات بالبيت عندكم بعرف واحده كانت تيجيها الخادمه 3 ساعات في اليوم
إنت تحد د يهم بتعمل الشغل إللي بتطلبيه منها في ساعات محدده ….بعينك الله بتستحمليها
شوي وبعدين باقي اليوم إنت حره وطليقه 
فكرتك أكثر من رائعه لكن حنا ماعندنا شغالات بالساعات ولا كان بلأساس ماجبت شغاله
ومشكوره والله يجزاك عني كل خير ..