السلام عليكم و رحمة الله و بركاته
كيفكم أخواتي الحلوات الطيبات 
يمكن العنوان لفت نظركم
كل مين بيتابع فتافيت أكيد بيعرف برنامج
تايلرز ألتميت
و الي ما بيعرفوه رح خبرهم عن فكرته
هيدا تايلر بيختار طبق معين
و بيروح لأخر الدنيا لحتى يشوف الطبق كيف بيتحضر على أصوله ..
بيشوف وصفتان من المنبع
و بعدها بيعمل وصفته الي بتجمع بين التنتين
و بتكون جامعة أطيب الشي من الوصفتيين
الفكرة موجودة عند الكل على ما أظن
كلنا نقراً كتير وصفات , و بعدها منجمع و منعمل إلي على زززءنا
المهم أنا رح ابدا هل السلسة اللذيذة بالشيش طااوق
انا كنت انقع الدجاج بكتير من عصير الليمون و زيت الزيتون و البهارات ..
و كانت تطلع طيبة ,, بس مو مثل الشيش طااووق الي مناكله بالمطاعم
و شوي شوي صرت اعدل على الوصفة
و اخد فكرة من هون و فكرة من هونيك لحتى وصلت لهل الطريقة
و هي ماااا أوصفلكم
بتااخد العقل
كتير كتير طيبة و طرية ,,,,,,مممممممممممممم
و انا أتحدى أي واحدة ان تجربها و ما تعجبها
رح اجمع بين ألذ وصفتين من كل الوصفات الي جربتها ..
أول وصفة
اتعلمتها من شيف لبناني و عنده مطعم ,, عطاني الطريقة الله يجزيه كل الخير و يوفقه يا رب
..
الوصفة على حسابه من أكتر الاطباق المطلوبة عنده بالمطعم ,, و هي مستاهلة
المقادير
600 غرام دجاج خالي من الجلد و العظام
ملعقة كبيرة بابريكا
2 ملعقة كبيرة عصير ليمون
5 ملعقة كبيرة عصير زيت زيتون
ملح و بهار حسب الرغبة
صلصة الثوم :
بيضة
راس كامل من الثوم
زيت نباتي
تحضر صلصة الثوم , تخفق البيضة مع الثوم المهروس في محضرة الطعام حتى يصبح مزيجاً ناعماً ثم يضاف الزيت نقطة نقطة حتى الحصول على مزيج سميك .
تمزج صلصة الثوم مع باقي المواد و تنقع بها قطع الدجاج لمدة 24 ساعة ثم تشوى و تقدم مع الخبز العربي و الليمون أو تقدم على طبق من الأرز .
الوصفة رائعة جداً , و لكن عليها بضعة ملاحظات
أولا تحضير صلصة الثوم قد يكون صعبا على الكثير من ستات البيوت
تانيا الصلصة فيها كمية كبيرة جداً من الثوم
و اخيرا التتبيلة تنقص أهم مكونات الشيش طاووق : الاوريغانو أو الزعتر الأخضر
الوصفة التانية
من كتاب سفرة أناهيد الشهية …و هي غنية عن التعريف
المقادير :
كيلو لحم دجاج
4 – 5 فص ثوم
نصف كوب مايونييز
2 ملعقة كبيرة عصير ليمون
ملعقة كبيرة أوريغانو أو زعتر يابس
نصف ملعقة صغيرة فلفل أحمر ( اختياري )
ربع كوب كريما طازجة
نصف ملعقة صغيرة فلفل أبيض
تخلط كل المواد مع بعضها و تنقع بها قطع الدجاج لمدة 24 ساعة ثم تشوى و تقدم مع صوص الثوم الجاهز
الطريقة لذيذة , و لكن عليها ملاحظتان
أولا تفتقر اللون الجميل للشيش طاووق لانها لم تستخدم كمية مناسبة من الفلفل الاحمر .
تانياً فيها قشطة و هي مش متوفرة دايما
بعد تجربة الطريقتان جمعت بينهم و بطريقة واحدة و جربتها ,, و الله طلعت تحفة بشهادة الجميع …
الشيش طاووق بطريقة منى 
الصورة أولاً :
المقادير :
600 غ لحم الدجاج بدون عظم و جلد
صلصة التتبيل :
ثلث كوب مايونيز
6 فص ثوم
ملعقة كبيرة دبس فليفلة أو معجون البندورة
ملعقة صغيرة فليلفة حمراء ناعمة
عصير ليمونة
7 ملعقة كبيرة زيت زيتون
نصف ملعقة كبيرة زعتر أخضر يابس أو أوريغانو
ملح و فلفل أبيض حسب الزوق
الطريقة :
• يقطع الدجاج إلى مكعبات متوسطة الحجم بحيث تكون المكعبات متساوية قدر الإمكان .
• تخلط مواد صلصة التتبيل ثم تتبل بها مكعبات الدجاج .
• توضع مكعبات الدجاج في وعاء زجاجي و تغطى و تترك منقوعة في البراد لمدة 24 ساعة .
• عند الشواء ترفع المكعبات من الصلصة و تغرز بأسياخ الشواء مع ضرورة رص مكعبات الدجاج على بعضها البعض .
• تشوى أسياخ الشيش طاووق على الفحم أو على المشواة حتى تبدأ بالتلون و النضج و تقدم مع صلصة الثوم .
ممكن اضافة مكعبات من البطاطا و تنقع مع الدجاج لمدة 24 ساعة ثم تشوى على الفحم و تشك مكعب دجاج مكعب بطاطا ..
البطاطا رح تكون تحففففة
بالصحة و الهنا يا رب ,,
و اتمنى انك تجربي الشيش طااوق بطريقتي و تحكمي بنفسك
و الله رح تدعيلي و تصير طريقتك على طووول
أوعدكم بالمزيد من ألذ و أشهى الوصفاات من مطبخي
سلاام يا عسل
اولا يعطيك الف العافية على مجهودك الرائع وخبراتك المتنوعة في فن الطبخ ويجزيك الخير على كل ما تقومين به لكي يستفيد منه الجميع …………جعله الله في موازين اعمالك ويرزقك الخير والصحة والعافيه .
بس يا غالية انا لما با عمله بضيف عليه زبادي وكاتشاب وفي بهارات مخصوصة للشيش طاووق في السوبر ماركت وبطلع رائع
وانا حسب خبرتي تفاجأت لعدم وجود الزبادي والكاتشب في الخلطة لانه كنت اعتقد انهم الاساس في خلطات الشيش طاووق
انا حاجربه بطريقتك الحلوة واكيد حتكون رائعة ايضا متل كل وصفاتك
ودمت بكل الحب يا غالية
الروعة وجودك و ردك في موضوعي
هلا أختي لبنان و حبايبه
الله يعافي قلبك و بدنك يا رب
ألف شكر على زوءك و تنويرك في مواضيعي
تسلمين
هلا أختي ام لينانة
و انا متلك أختي ,, ما جربت وصفة الا عملتها
من الزبادي للكتشاب لعصير الليمون لزيت الزيتون ,,
بس متل ما خبرتك
هل الطرق واحدة من صاحب مطعم مشاوي
و التانية من كتاب اناهيد
و الاتنتين ما فيهم لا كتشاب و لا زبادي
و اذا جربتيها و ما طلعت أحلى شيش طاووق عملتيه بحياتك , علي اني أراضيك
تسلمين
ويعطيك الف عافية
مقادير الدجاج كيلو من لحم الدجاج عوضاً عن 600 غ ,,
هذا خطأ مطبعي 
:
مشكورة للاهتمام أختي , و اتمنى انك تجربيه و يكون على زووءك
هلا حنونة
الله يسلمك و يخليك اختي
دائما متميزة يا عسل تم الحفظ
جزاك الله كل خير