اي واحد مننا حابب يشتري اي جهاز غالي .. لازم يكون مع الجهاز ده ضمان … وبيختلف عمرالضمان من جهاز لجهاز ومن شركه لشركه ..
يعني مثلا شاشات الكمبيوتر بتكون 3 سنين
والموبيلات بتكون 11 شهر
وفي اجهزة سنتين
في ضمان I 2
وضمان رايه مدي الحياة
وضمان سامونج كويس بردو
وموتورلا ساعات بيكون كويس
إحساسك انت اول مثلا لما الجهاز بتاعك يحصل فيه مشكله اول شيء بتفكر فيه انا اشتريته امتا وتقعد تعد علي ايدك فات كم شهر علي ضمانك عشان تعرف الجهاز في الضمان ولا لاء واول ما تعرف ان الجهاز ده فاضل علي انتهاء ضمانه شهرين بتاخد نفس عميق وبتقول الحمد لله لسا في الضمان … ولما تكون شركه كويسه بتستريح اكتر ..
طيب لو قولنا التأمين ..بغض النظر عن حكمه
اي معرض سيارات بيأجر سيارات .. لازم يأمن علي السياره بتاعته عشان لو حصل فيها اي حادثه التامين هيشيل الموضوع
وأول لما اي حادثه تحصل صاحب المعرض يتصل بالمحاسب بتاعه يقول ليه يا استاذ فلان هو انت دفعت التامين بتاع العربيه الفلانيه الشهر ده .. التاني لو قال ليه اه دفعته … هياخد نفس عميق ( صاحب المعرض ) ويقول الحمد لله انها في التامين ..
اي مصيبه بتحصل أو حادثه بتحصل ممكن فرحه الضمان او التأمين تغطي علي زعل المصيبه طالما مفيش خسائر في الارواح …
موضوعي النهارده :
لما يكون في عقد بينك وبين ربنا …
وانت اشتريت من ربنا شيء … او ربنا اشترى منك شيء ..
( هذه تجارة ولهذه التجاره عقد .. ولها ايضاً ضمااان )
فهل نسيتم العقود التي بينكم وبين الله ؟؟
سأذكركم بها وشوفوا هل لما يكون في جيبك ورقه فيها ضمان خمس سنين لجهاز عندك في البيت هتكون مطمن اكتر وواثق اكتر … ولا هذه العقود التي سأذكر نصها …………
نص العقد :
إِنَّ اللّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الجَنَّةَ يُقَاتِلُونَ فِي سَبِيلِ اللّهِ فَيَقْتُلُونَ وَيُقْتَلُونَ وَعْداً عَلَيْهِ حَقّاً فِي التَّوْرَاةِ وَالإِنجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللّهِ فَاسْتَبْشِرُواْ بِبَيْعِكُمُ الَّذِي بَايَعْتُم بِهِ وَذَلِكَ هُوَ الْفَوْزُ الْعَظِيمُ(111) التوبه
فالذي اشترى هو الله عز وجل
والذي من المفترض أن يبيع هو المؤمن
. والسلعة هي نفسه وماله
والثمن هو الجنة.
والضمان .. مدته ( مازلت مؤمن )
والضامن … هو الله
وكيفية البيع هي عن طريق
"يقاتلون في سبيل الله فيقتلون ويقتلون"
ووثيقة البيع موجودة في التوراة والإنجيل والقرآن.
والله عزوجل هو الذي يشتري فهو القادر على الوفاء بالثمن. وهو الذي إذا وعد لايخلف.
فالله عز وجل اشترى منا أنفسنا وأموالنا، فهل بعناها؟ وهل يجوز لنا أن لا نبيعها؟ يعني هل ينفع واحد يقول بين الشاري والبايع يفتح الله ؟؟
وهل اذا لم يبيع سيربح ما ربحه من باع ؟
لما تسمع العقد
إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنفَقُوا مِمَّارَزَقْنَاهُمْ سِرّاً وَعَلَانِيَةً يَرْجُونَ تِجَارَةً لَّن تَبُورَ(29)
المطلوب
تلاوة كتاب الله وإقامة الصلاة والإنفاق في سبيل الله.. ( التجاره )
الضمان ( لن تبور )
و قال تعالي
يَاأَيُّهَا الَّذِينَ آمَنُواْ أَوْفُواْ بِالْعُقُودِ
المائده (1)
أنت كمؤمن هل ليك ضمان مع الله ؟؟
طيب هنفترض ان ليك
هل مصداقيه ضمانك انت واثق فيها ؟ يعني لما بيكون معاك في جيبك ورقه لجهاز بضمان خمس سنين هتكون مستريح اكتر ؟؟ ؟
لما الواحد مننا يشتري حاجه غاليه …
أولاً بيختارها ماركه محترمه وبالطبع بيكون عليها ضمان محترم وكمان لازم ينظر للوكيل بتاع الماركه في بلده هل تعاملاته مع المرتجعات بيكون كويس ولا اي كلام
بمعني انت اشتريت شيء hp وهي ماركه معروفه
لكن هل تعرف مثلا الوكيل بتاعها في مصر بتاع الصيانه والضمان مين ؟
اقولك انا هي شركه اسمها Math Egypt في المهندسين تحت بير سلم تعاملتهم زي الزفت …
مع ان اتش بي شركه جامده بس المهم مين الوكيل
لكن لو روحت لشركة زي توشيبا وكيلها في مصر ( العربي صناع الثقة ) فالعربي معروف لدي الجميع قد ايه هي شركة محترمه .. فالمهم الوكيل الي تعاملتك هتكون معاه في الصيانه والضمان وانك تعرف طالما قالك ضمانك معايه سنه يبقي فعلا في فتره الضمان اي شيء انت محتاجه هتكون مطمن لان انت تبع العربي ..
معلومه خارج الموضوع : math Egypt كلهم نصارى إلا اتنين والشركه بها 25 واحد
العربي معظمها اخوه ملتحين وملتزمين وفيها 1 فقط نصراني عشان حقوق المواطنه
المهم : طيب مين الوكيل بتاعك في عقودك مع الله
وَتَوَكَّلْ عَلَى اللّهِ وَكَفَى بِاللّهِ وَكِيلاً(81) النساء
فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ(159)ال عمران
وَدَعْ أَذَاهُمْ وَتَوَكَّلْ عَلَى اللَّهِ وَكَفَى بِاللَّهِ وَكِيلاً(48)الاحزاب
وَمَن يَتَوَكَّلْ عَلَى اللَّهِ فَهُوَ حَسْبُهُ(3) الطلاق
هل رضيت بالله وكيلا ؟؟
وهل هتطمن لما ربنا يقولك …
وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ(40) الحج
عقد :
يَاأَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ(7)محمد
المطلوب : ان تنصر الله
والثمن : نصر الله لك
فاذا نصرت الله
اضمن يا اخي ان ربنا هينصرك …
اضمنهاااااااااااااااااااااااااا
هذا والله يا اخوه من الايمان بالغيب
يا اخوه اللي لا يثق في ضمان ووعد ونصر الله لنا
إيمانه به خلل لانه شك فيما وعد الله وهذا من عدم الايمان بالغيب
و هل هتخاف من مخلوق بعدما سمعت ضمان ..
إِنَّ اللَّهَ يُدَافِعُ عَنِ الَّذِينَ آمَنُوا(38) الحج
المطلوب الايمان
والجزاء ربنا هيدافع عنك
( الله أكبر )
من يقف امام الله ؟ !!!!!!!!!!
لما تسمع
من النبي صلى الله عليه وسلم
إن في كلمتان ثقيلتان في الميزان .. هل لما قولتهم حسيت بده ؟
طيب هل ايمانك بالوعد ده زي ايمانك بورقة ب 100 جنيه تعلم يقينا انها اثقلت محفظتك ؟؟
وبتكون ماشي منفوخ وممكن تتهور كمان وتركب تاكسي وانت مروح .. 
)
اذكركم بهذا الحديث
من أكثر من الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب
الراوي: عبدالله بن عباس – خلاصة الدرجة: إسناده صحيح – المحدث: أحمد شاكر – المصدر: مسند أحمد
لو مشكلتك هم أو غم ؟؟ عندك ضيق في صدرك ؟؟ خايف من قلة الرزق ونفسك تتجوز ؟
لو انت مصدق النبي ؟؟ وضامن كلامه استغفر !!!!!!!!!!!
المطلوب مننا ان نثق في وعد الله
وَمَنْ أَوْفَى بِعَهْدِهِ مِنَ اللّهِ فَاسْتَبْشِرُواْ بِبَيْعِكُمُ الَّذِي بَايَعْتُم بِهِ وَذَلِكَ هُوَ الْفَوْزُ الْعَظِيمُ(111)التوبة
لكنكم قوم تستعجلون ….
قالها النبي في فترة الاستضعاف وجاء النصر بعد 17 سنة من هذه الكلمه في فتح مكه
هم لم يستعجلوا وجاءهم النصر في 17 عام وكان معهم النبي وهم كانوا افضل البشر
امال احنا الواحد ملتزم من 5 أو 6 سنين وعايز كل الدول العربيه والاوربيه يسلموا ويحكموا بما انزل الله وعايزهم يحترموا الملتزمين وا وا وا وبنسئل ليه التمكين إتاخر …
مش شرط اصلاً اننا نشوف النصر!!
عندكم غلام اصحاب الاخدود مات وهو يعلم ان كل من حوله كافرون وبعد ما مات اسلمت القرية .. ( وهي في ميزانه ) ونذكره وشجاعته حتي الان
اخي واختي اعملوا … ومش شرط نشوف النصر
اعملوا لعل وعسي ينصر الله هذا الدين برجل من صلبك من احفاد احفادك ويكون عمله الطيب في ميزانك
وانا حبيت اقرب ليكم الفكره بضرب امثله عن تعاملتنا العاديه في موضوع الضمان
… عشان نقرب الفكره والاحساس بيها ليكم
اسأل الله ان ينفعني واياكم بهذا الكلام