بنتي ياعالم جننتني عنيدة وراسها يابس جربت معاها كل الحيل بس 
مافية فايدة اجيها يمين تجيني يسار
طنشت… مافية فايدة
دلعت …. ألعن وألعن
عاقبت … ااااااااااااااااااااااااه
مثلا اليوم ابوها نايم وهو نومة خفيف قلت ياراما بابا تعبان ولازم نخلية يرتاح طيب ؟؟ طيب.. دقيقتين بس وهي عند باب الغرفة تناديني باعلى صوتها ……..مسكت نفسي وقلت اذا صحي بابا ابقول راما ازعجتك ولاتاخذها مشوار تدرون وش قالت :احسن
قلنا ماعليش
راحت مرة ثانية وتدق الباب وتهرب … اخذتها وحطيتها بركن في المطبخ عندي وقلت :لانك ماتسمعين الكلام اجلسي هنا … مرت دقيقة ورى دقيقة والبنت ياعيني خاطرها مكسور قلت احسن خليها تخاف بعد شوي رحت …قلت :تعيدينها مرة ثانية قالت :ايوة
رجعت حطيتها .. والله هذي المرة انقهرت وبعد مارجعت لها ………سالتها نفس السوال تعيديها مرة ثانية : لا والله اخر مرة
بستها دلعتها شوي ..خمس دقايق بالضبط وانا اسمع ابوها ينادي .. دخلت الغرفة وراحت تصحيه
مسكتها من اذنها ولطشتها الين قالت العيد بكرة
هذا مو بس اليوم كل يوم وانا وهي في حرب مستمرة
عند النوم والتلفزيون والاكل
والله ياسوبر ناني لتعجز فيها
انا ماودي اقسى عليها ودي تطلع دلوعة وناعمة وترتاح لي ماودي تطلع عنيدة وعنيفة
بس شسوي المشكلة انا ناوية احمل الفترة هذي واجيب لها اخ او اخت بس المشكلة لو جلست كذا وجا نونو راح تنجن وتجنني معاها
ارجوكم لاتبخلوا علي بالمساعدة وانا راح اتابع حالهتا معاكم اول باول
الف شكر مقدما
ام راما
الله يصلحها لك
بالله تجيك نفس تلطشيها ؟
أنا اقولك ياحلوة .. بنتك فاضية .. وقاعدة تطلع حرها فيك وتجننك .. شوفي لها أنشطة تشغل عقلها وجسمها .
الصراحة الطفل الوحيد متعب كدا .
أنا ماحسيت بدا الشي الا لما راحوا الكبار المدرسة وقعدت لي الصغير لوحده .. كا يهبل في زي كدا .
ومره والله ربي سلم الصغيره جات تجري ونقزت على بطن أختها وهيا نايمه
وأنا جربت معاها كل الحيل من أجيب هدايا للكبيره وأقول لها هذي من أختك تحبها بس تغار منها مره
الله يحفضهم ويهديهم لنا يارب
أدخلى ابنتك حضانه أو اشتركى لها فى نادى تتعلم رياضه مفيده
صدقينى هتختلف أختلاف كلى لأنها هتجد أشياء تفرغ طاقتها وتبدع فيها
وبلاش أسلوب الضرب لانه يؤدى الى العند
وربنا يوفقك وطمنينا
بالله تجيك نفس تلطشيها ؟
اية ياحمرة الورد هي …. والله لو تشوفينها تقولين وش الملاك بس لما تبدأ تعاند والله يجيك نفس تلطشيها وتخنقيها بعد …. وشكرا على الفكرة انا شفت بالمنتدى صور للتلوين راح اطبعها واعطيها تلون ونشوف
الدلوعة****
اذا عن الحمل انا كرهت الخلفة منها .. لكن هذا شر لابد منه وانا شايفتها تغار من الحين لما اشيل طفل صغير تجلس تبكي وتقول مامتي مامتي
تماضر
هذي السنة صعبة شوي انا ساكنة في قرية بحكم عمل زوجي ان شاءالله ننقل السنة الجاية وانا ناوية ادخلها روظة بس من اليوم للسنة الجاية تكون طلعت براسي نخلة
الف شكر على مروركم واهتممامك
بانتظار مزيد من الردود والتجارب
بس والله برضي ما أضربه أتذكر الولد اليي اضطروا يبتروا يدينه عشان أبوه شحوطه بالعصايا
يوووووووووووووووووه صحي ولدي 
.
المهم اوصيك لا تضربيها .. تخيلي بس إنك تصحي يوم وتلاقيها مافي ؟
اظن رح تخليها تسوي اليي مايتسوى المهم تكون طيبة وسليمة ._ شوفي ترى راعيت شعورك وما حلفتك _
بس من جد لازم تشغليها لحد ماتلاقي وقت تحك راسها .
وإذا تبغي اسوي لك الجدول حق النجوم اعطيني السلوكيات وانا اسوي لك هو.
أولا : شوي شوي على البنت لا أجي أخطفها منك الحين بليلة ظلماااااا ماتدرين وين رحت فيها !! << مجنونة على البناااااات أنا !
عطوورة يالغلا أنا عندي ولدين وأاتمنى ربي يرزقني ببنوته حلوة أدلعها وأهتم فيها وأخليها تشاركني كل شغلي إيد بإيد ..
عطورة اسمحيلي يالغلا انتِ ماعرفتِ تكسبين بنتك حبوووووووه والله صغيرة .. ماتحسين نيتها شر أبد ! عنيدة صارت بسبب عصبيتك وضربك .. فهي تعاملك بالمثل 
حرام عليكِ
بنتك طفشاااااااااانة !
يعني يوم كنتِ بالمطبخ وتدرين ان بنتك حركة وتروح وتجي وتنادي وتزعق .. ليه ماجلستيها عندك بالمطبخ وشغلتيها بأي شي !!
عبودي الصغير عندي عمره سنة ونص !
اذا بكي وأنا بالمطبخ وطفشني
أحطه عندي وأعطيه قدور وملاعق عشان يخبط فيهم !
تدرين وش يسوي فيهم ؟؟؟
يفتح الدولاب المخصص للقدور ويروح يرجعهم في الدولاب ويصك الدولاب ويتأمل فيه وبالانجاز الي عمله !! ويرجع يفتحه مره ثانيه ويطلع القدور ويدخلهم وعلى هالحال
بنتك سوي معها زي كذا .. عطيها اي شي مهم بالمطبخ لكن مو مؤذي وقوليلها رتبيه .. ساعدي ماما يلا ..
حتى لو ترتيب أكياس .. سلة زايدة عندك فيها أغراض أي شي خليها تسويه معاك بالمطبخ ..
واذا كبرت شوي صارت 4 سنوات مثلا .. خليها تعاونك بالتقليب وقت الطبخ !
اي لا تستغربين ..
انا عبدالرحمن من عمره ثلاث سنوات ونصف وهو يعشق عمل المطبخ ولا حرمته
وقت ماكون مقصرة الناااار وفي قدر بصل أمسكه ملعقة خشب وأقوله يلا حرك وقلب بشوووويش .. يلا عشان نقول لبابا دحومي الي طبخ المكرونة مثلا !
وتعالي شوفي الحماس والفرح !
بنتك محتاجة لشي يشغلها محبب لنفسها ماتكون مغصوبة عليه !
أو تجيبين لها لعبة حلوة ومحببة لنفسها وترفعينها .. وقت الأزمة تطلعيتها وتخليها تلعب فيها واذا نامت ارفعيها ونزليها وقت الحاجة عشان لا تمل منها ..
حاولي دايم تكسبين بنتك وتحضنيها وتدلعيها .. آآآآآآآآه بس على البنات فديتهم .. صغيرة بنتك يا عطر الليالي والله رحمتها
وعلى سالفة الحمل بالعكس انا أقولك احممممممممممملي .. صدقيني بالبداية بتعانين .. بس لازم تكثفين الرقابة عليها ..
لكن اذا كبر النونو وصار يتحرك تعالي شوفي محبة بنتك للصغير سواء كان ولد أو بنت ..
خاصة اذا لم تفرقي انتِ بينهم بالتعامل ..
صدقيني حاتحبه لأنكِ تمدحينها وتقولين .. انتِ الكبيرة الشاطرة الي يتعلم منك النونو ..
الله يعينك ياااااارب 
والمهام اكل لعب ترتيب العاب وباقي الوقت نتهاوش على اسكتي وخري عن التلفزيون ( توقف قدامه ماتخلي ابوها يتفرج) البسي وبس