حاجة أول مرة تقابلنى
ابنى عنده 7 سنوت ونصف وأخته 3 سنوات ونصف
ابنى ولد كويس ومؤدب وشقاوته معقولة جدا يعتبر طفل عادى هو فى سنة اولى ابتدائى متفوق فى دراسته
هذه الايام حالته صعبة جدا
الحكاية ان احنا كنا عند والدتى لمدة أسبوعين عشان اجازة نصف العام ووالده بيسافر وبيرجع كل اسبوعين ويقعد معانا أسبوع
المهم اننا رجعنا من عند والدتى عشان زوجى رجع من السفر
ومن ساعتها وابنى حاله اتبدل أصبح منطوى ودائما بيبكى من غير سبب وأقوله مالك يقولى مش عارف البكاء بيجيلى وعلطول زعلان والمفروض ان الايام اللى بيكون والده موجود فيه بيكون فى منتهى السعادة لكن المرة دى
الموضوع كان مختلف تماما المهم قلت له طيب ترجع عند تيته يقوللى لا انا مبسوط انى رجعت المهم قلت يمكن عشان بس البيت عند والدتى كان فيه أبناء اخواتى وكان مبسوط معاهم ورجع البيت لقى
نفسه لوحده هو واخته قلت يمكن شوية وهيرجع يتعود بس للأسف يرجع لطبيعته كام ساعة ونرجع تانى زى الأول
المهم والده قعد معاه وكلمه وبعد القعدة فعلا اتحسن بنسبة 90% بس برضو انا طبعا أم وحاسة ان ابنى مش على طبيعته انتم عارفين طبعا الأطفال فى السن دى دمها خفيف جدا وهو كان دمه خفيف أوى
المهم المشكلة الأكبر ان والده رجع لشغله وبعدها ابنى حالته أصبحت أصعب من الأول وأنا حزينة انى شايفة ابنى بالحالة دى حاولت معاه بكل الطرق وللأسف كمان بقيت باعنفه واتنرفز عليه عشان يبعد عن الحالة دى بس للاسف بيزيد بكاؤه
المشكلة انه على طول حابس دموعه وانا باتجنن لما باشوفه كده
هل هو كد عنده اكتئاب
أنا عايزة أتعامل معاه فى الموضوع ده باسلوب سليم عشان :
أولا الحالة دى تنتهى نهائيا
ثانيا الحالة دى ما ترجعش تانى أبدا
معلش طولت عليكم بس بجد محتاجة أعرف الحل
اختي العزيزة،، ربنا يحفظلك ابنك ويبارك لك في اولادك جميعا ،، حابه اقترح عليك تقري عليه قران وتحصنيه بأدكار الصباح والمساء ،، حاولي تتقربي منه اكثر وتاخديه مشوار خاص انتي وهو وبس .ويارب الامهات يفيدوكي واللي ليها تجربه مشابهة اكيد حتساعدك.
وادعوله ربنا يصلح له حاله
حصني طفلك في الصبح وفي المساء
وعلميه الاذكار وعلميه الصلاه ونسيه لي هو فيه بعبادة الله
لانه سنه سن التعليم فما تخلي الحالة لي هو فيه تشغلك عن تعليمه ويضيع منك
كتبت بواسطة ريحانة القدس 
حصني طفلك في الصبح وفي المساء
وعلميه الاذكار وعلميه الصلاه ونسيه لي هو فيه بعبادة الله
لانه سنه سن التعليم فما تخلي الحالة لي هو فيه تشغلك عن تعليمه ويضيع منك
والله يا حبيبتى كلامك كله تمام وهو فعلا بيصلى
وفكرت فعلا اعرضه على طبيب بس منتظرة شوية يمكن تكون حالة طارئة
بس صدقينى أنا متابعة الوضوع جدا ومش هتهاون فيه أبدا عشان أتأكد انى عملت الشىء الصح ومش عايزة حاجة تأثر على ابنى فى مراحل حياته بعد كده وأى مشكلة انهيها من جذورها حتى يعيش حياة سليمة
خصوصا أن حياتى والحمد لله لا يوجد بها مشاكل
كتبت بواسطة اوفا وبيبو متشكرة يا عمرى على تفاعلك معى ادعى له ربى يهدى له نفسه
عن تجربة ادعيله بصلاتك بالهناء والتبات والصلاح
وباذن الله تلاقيه بدأ يتغيير
حاولي تتكلمي معاه قد ماتقدري لو تاخذينه وتطلعين لحالكم انت وهو بس
وحاولي تجيبين كل الكلام اللى ممكن يخطر ببالك وانه ممكن يفيدك او حتى
مايفيدك لان من خلال كلامك معاه راح يقولك عن اللى مضايقه
ممكن يكون احد من المدرسة يضحك على شي معين عنده
مثلا لبسه او شنطته اشياء ماتتوقعينها والكلام هذا لاحظته من الاطفال
لما يكون فيه اطفال متعودين يسمعون من اهلهم كلام ان احنا نشتري غالي
والناس هذي ماتشتري الا رخيص او اللى عندنا احلى واللى عندهم قديم
او مو حلو شفتي الافكار هذي وصلتني من بنت عمي لانها عانت مع بنتها
من الكلام هذا من بنات حالتهم المادية اعلى فالاطفال اللى تربو على احنا
احسن واحنا عندنا كل شي ممكن يجرحون الباقين بقصد او من غير قصد
او مثلا يكون سمع ان احد اصحابه طلع مع ابوه وقال له انت ليش ماتطلع مع ابوك
انا احسن منك بابا دايما معانا وانت لا هذي الفكرة بحد ذاتها ممكن تسئ لنفسية الطفل
احنا ككبار نفهم انها ظروف مؤقتة ولابد من الشي هذا عشان تستمر الحياة بالشكل اللى
يريحنا لكن الاطفال ممكن يتقبلونها يوم واليوم الثاني ترجعين للموال نفسه
على فكرة كل الكلام اللى قلبت دماغك فيه افتراضات اتمنى انك ماتسيئين فهمي بس
حبيت اقول لك على هالاشياء لانها مرت علي شخصيا ومن ناس ثقة عانوا من هالكلام
مع اطفالهم منها
الله يعينك ويصبر قلبك