ببساطه يا اخواتى بعمل العجين عادى بتاع البيتزا دقيق وماء دافىء لبن بودره ورشه ملح
وبالنسبه للخميره بعملها بره علشان اضمن انها تكون نشيطه
وبسيب العجين مش ساعتين 
لا ثلات واربع ساعات والعجين بيقى زى ما سبته
بس بجد انا بقالى فتره على الحال ده ومش عارفه بجد ايه السبب
ياريت لو فى اخت عندها اقتراح افضل او تقولى السبب لفشلى الذريع
بجد هادعيلكم
من اسباب فشل الخميرة
-الماء يكون ساخن اكثر من الازم
او باااااااااااااارد
المفروض يكون فاتر
-الخميرة لازم تكون طازجة
-ما تخلي الملح و الخميرة يلتمسوا مباشرة ما بتتفاعل الخميرة
-لو بتستعملي خميرة طرية اعمليها فكوب مع رشة سكر و شوية ماء دافي و اتركيها حتى ترتفع ثم اضيفيها للعجين
بانتظار الغوالي يفيدوك اكثر
و اتمنى تشرحي لنا طريقة العجن اكثر لنعرف فين الغلط و نستفد جميعا
اولا بسخن ماء علشان الخميره الفوريه واسم الخميره اللى بستعملها الرحاب ونوع تانى اسمه حلو الشام
وبستنى لما تنشط ( مش هى لو ارتفعت شويه يبقى كده نشطت) صح ولا ايه
والدقيق بحط عليه لبن بودره وشويه زيت مش كتير وطبعا ماء دافىء ورشه ملح
وبعجنها كويس جدا واسيبها
والصدمممممممممممممممممممممممممممممممممممممممممه
بعد ساعتين الاقيها زى ما هى
بقالى كتيير على الحاله دى
بجد بدأت يجيلى احباط
مع انى بحب العجن اوى
استخدمي ماء دافئ من الحنفية او دفي المية لا تجعليها تصل للغليان اكيد ده السبب
ما تعجنى الا بعد ما تشوفى الخميرة نشطت بعد اضافة السكر والماء الدافئ اليها
ممكن تضعى اناء به ماء ساخن بجانب العجين
ممكن تكون كمية الخميرة قليلة بالنسبة لكمية الدقيق
طبعا ام البنات قالت على بعض الملاحظات ….وكمان بعض الاخوات جزاهم الله خيرا جميعا
عن نفسى انا كمان كانت تواجهنى نفس المشكلة والسبب اكتشفته ان النوع الخميرة اللى انتى بتستعمليه مش كويس انا كمان جربت الرحاب وحلو الشام وعملو معايا كدة بالضبط وبقيت استخدم اما من الفرن (الخميرة الطازة)او لما تيجى فرصة والاقى النوع الازرق اللى عليه الخباز (مش عارفة اسمو )وهو مستورد (وممكن تلاقيه فى المحلات الكبيرة ..كارفور.. وفتح الله .)…اشتريه بكمية واشيلو فى التلاجة حسب تاريخ صلاحيته واستعملو والنوع ده ممتاز يا ريت تدورى عليه
يعنى من الآخر جربى نوع تانى مع مراعاة الظروف التانية اللى بتخلى الخميرة تتفاعل
1-درجة الحرارة (تقدرى تحطى اصبعك فيها وهى دافية وتعدى لحد 10 (فى مرة شيف قال كدة )
2- لازم تحطى سكر عشان تتغذى عليه الخميرة وتتفاعل …ومعنى تتفاعل انها تعمل رغوة وتبدا فى الزيادة داخل الكوب اللى ذوبتيها فيه ثم تبداى تشتغلى بيها لو عملت الرغوة دى
ان شاء الله اكون افدتك واكيد باقى الاخوات هيعطوكى ملاحظاتهم برضو
كتبت بواسطة el-haboba 
طبعا ام البنات قالت على بعض الملاحظات ….وكمان بعض الاخوات جزاهم الله خيرا جميعا
عن نفسى انا كمان كانت تواجهنى نفس المشكلة والسبب اكتشفته ان النوع الخميرة اللى انتى بتستعمليه مش كويس انا كمان جربت الرحاب وحلو الشام وعملو معايا كدة بالضبط وبقيت استخدم اما من الفرن (الخميرة الطازة)او لما تيجى فرصة والاقى النوع الازرق اللى عليه الخباز (مش عارفة اسمو )وهو مستورد (وممكن تلاقيه فى المحلات الكبيرة ..كارفور.. وفتح الله .)…اشتريه بكمية واشيلو فى التلاجة حسب تاريخ صلاحيته واستعملو والنوع ده ممتاز يا ريت تدورى عليه
يعنى من الآخر جربى نوع تانى مع مراعاة الظروف التانية اللى بتخلى الخميرة تتفاعل
1-درجة الحرارة (تقدرى تحطى اصبعك فيها وهى دافية وتعدى لحد 10 (فى مرة شيف قال كدة )
2- لازم تحطى سكر عشان تتغذى عليه الخميرة وتتفاعل …ومعنى تتفاعل انها تعمل رغوة وتبدا فى الزيادة داخل الكوب اللى ذوبتيها فيه ثم تبداى تشتغلى بيها لو عملت الرغوة دى
ان شاء الله اكون افدتك واكيد باقى الاخوات هيعطوكى ملاحظاتهم برضو
كلامك كله صح 100% غاليتي الحبوبه جزاكِ الله كل خير
انا كمان جربت نوعين الخميره دول ولقيتهم مش حلوين نهائيا
وبجيب خميره مستورده اللي عليها الخباز فعلا ممتازه
ودي صورتها
وتلاقيها زي كلام حبوبه في اي سوبر ماركت كبير
حتلاقي ان مخبوزاتك ومعجناتك اختلفتوا تماما ان شاء الله
مع مراعاتك للظروف المناسبه لتفاعل الخميره زي ما الاخوات القمرات قالوا
شكرا ام البنات وام هيا والباجورى والحبوبه الجميله
بجد انتم نعم الاخوات