ابدا مشاركتي معكن بعزومه مشاوي او مكس جريل جامده جدا على الكورنيش بس للأسف مصورتش
اولا:الكباب او الاوصال
عملت 2كيلو لحمه عرق فلتو مكعبات(الفلتو بيستوي اسرع على الفحم)والتتبيل كان كاالاتي:في الخلاط نحط 2طماطم+نص كوب خل+عصير 2ليمونه +6فص ثوم حجم الفص كبيرونضرب كويس ثم نحط بصله كبيره تملي العين مكعبات جزء جزء ونضرب نحط طبعا ملح فلفل اسود بهار مشكل وبهارات ايطالي (عباره عن مجموعة اعشاب زي الزعتر روز ماري …..الخ) ثم نحهم على اللحم وانا سيبتها يوم ونص تقريبافي الثلاجه والطعم كان حكايه
ثانيا:الكفته
برده 2كيلو لحمه مفرومه من الضلوع بتبقى ملبسه دهن وطعمها اطيب تتبل بملح وفلفل وبقدونس بودره و2بصله متوسطه بشرتهاوعصرتها وحطيت التفل على اللحم0ومية البصل بتبلي ايدك فيها وانت بتصبعي على الاسياخ وممكن تبشري 1طماطم علها كمان) وكانت رائعه
ثالثا :الفراخ
جبت فراخ حجم صغير حوالي500جرام وقسمتها نصفين وشرحتها عند المفاصل واكيد انتم عارفيين الطريقه والتتبيل اخذتها من احد الاخوات كان منزلاها قبل كده وهيا
اكوب كاتشب+نص كوب صلصة طماطم +نص كوب عسل +و3فلفله مشوي نص حزمة بقدونس +نص كوب زيت+نص كوب خل+نص كوب صويا صوص+2ليمونه+بصله+2ملعقه ص مسترده+بهارات ملح فلفل زنجبيل كركم كمون زعتر رشه من كل نوع بس كانت الكميه كبيره احتفظت الباقي في الفريزر
رابعا :السمان او الفري
فتحته من الظهر وشرحتها والتبيل كان :زبادي +ثوم مهروس+كاتشب+هوت صوص+زيت+ملح وفلفل كركم وكان برده حلو بفضل الله
السلطات:ثوميه تبوله وسلطه خضرا وطحينه
الثوميه:5فص ثوم مهروس كويس+ملعقه كبيره مايونيز+2ملعقه زبادي+3م ص عصير ليمون+احبة بطاطس متوسطه مسلوقه كويس مع 3فص ثوم (انا بحب طعم الثوم باين)وملح ونضرب مع بعض كويس
وصاحبتي اللي كانت معانا عملت ارز بالبصل والجزر والمشروم والبسله
كان يوم جميل استمتعنا جدا والاهم من الاكل الصحبه والجو الجميل
ارجو ن يكون الاكل عجبكم والمره الجايه هانزلكم الكبده المشويه والشش طاووق وكفتة الفراخ ان شاء الله
ماشاء الله عليكِ عزومة رائعة ….
تسلم ايدك وربي يعطيك الصحة والعافية…
منتظرين وصفاتك الرائعة وصورها الاروع…
ياريت مع الصور
مشكورة حبي
تسلمي عزيزتي مشاركه رائعه
حلو اوي حبيبتي ومنتظرين الصوووووووور
مشكووره
تسلم ايديك
تسلم ايديك
بانتظار مشاركات جديدة
يعطيك العافية
تحياتي