كيفكم ياطبخات
هذا اول موضوع ليا في هذا القسم
حبيت اخذ آراء العضوات عن احسن انواع البهارات
يعني كل وحدة تقول هيا ايش تفضل
بالنسبة ليا انا مااستقريت على نوع واحد لأني لسى مبتدأة في الطبخ وجالسة اجرب
كل مرة اخذ نوع واللي اشوفو زبط هو (اسناد)هذا النوع اشوف بهارتو حلوة
عاد اللي عندها خبرة لاتقصر رجاااااااااااااااااااااااااااااااااااااااااااااااا ااااء
وكمان سمعت خبر صدمني انو مرقة ماجي لها اضرار صحية خطيييييييييييييييييييييييييييييييييرة
وبحثت عنها في النت وذهلت من النتائج الله يعيننا بس
اتمنى منكم التفاعل الجاد
وشكرا
انا عن نفسي جربت بهارات (صدف)..
وكانت بتجنن بتعطي نكهه وطعم للاكل كتير طيب..
وشكرا..
والله ماما هي اللي متوليه دا الموضوع بس ماتاخد معلب إلا بالنادر لانها تاخدها من العطارين فرش يعني 
وفي بهارات زي تبعت الشربة تاخذها من وحده صاحبتها تعملها بالبيت وتبيعها وبالنسبة للماجي من زماااااااااااااااااااااااااااااااااان بطلتها لمن عرفت اضرارها
عاد ان شاءالله البنات يفيدوكي
انا عن نفسي لا استخدم مرقة الدجاج من سنين الا نادرا عندما علمت باضرارها واستخم الشوربة او المرقة العادية الناتجة من سلق اللحم او الدجاج
اما البهارات فانا احب ان احضرها سليمة وانا اطحنها بالبيت هذا احسن وانظف
واقوم بطحنها في البيت حسب حاجتي
ولا تنسي ان كل نوع من الأطعمة له بهارات خاصة به
بهارات السمك غير بهارات اللحم او الدجاج
افضل بهار ولايؤذى المعدة وطعمه زاكي الكمون المطحون والكزبرة المطحونة بمقادير متساوية ……هذا استخدامي باستمرار…..وفي النادر استخدم بقية ( البهارات المجمعة ) زى الخولنجان و الكزبرة والهيل والقرفة وقليل قرنفل وشيبة وفلفل اسود وكمون ………اما بالنسبة لماجي ماطمئن له ابدا من زمان وقبل اى طب يتكلم عنه شكله مايريح .
أنا أعمل البهار بالبيت للطبخ الخليجي وللسمك أستعمل نفس البهار وازيد عليه الكزبره والكمون الصحيح المحمص قليلا ثم مدقوق والليمون الأسود المدقوق والكركم يعطي نكهه للسمك وللمحشيات أستعمل البهار الحلو احفظه عندي صحيح واطحن منه بكميات قليله وايضا استعمل القرفه ( الدارسين) و الفلفل الأسود
بس لي التعب اشتريها واطحنها مو هيا تجي جاهزة في السوبر ماركت مغلفة بكرتونها
وكيف يعني في البيت انظف ؟؟؟؟؟؟؟؟؟؟؟؟؟؟؟؟؟؟؟؟؟؟
وانا كان قصدي في السؤال اسماء البهارات
زي مثلا لما اشتري من السوبر ماركت في اسماء كثير للبهارات زي مثلا بهارات اسناد في منها كمون وفلفل اسود……………………والى اخره
يعني على حسب الشركة المصنعة لها
ان شاء الله يكون فهمتوني
واللي عندها خبرة على صنع البهارات في البيت ارجو طرحها والفائدة بتكون للجميع