احلى مافي الانترنت …ان الانسان يكتب وهو ماخذ راحته …ومطمئن انه مااحد يعرفه
احيانا تضيق النفس…. وتنحبس الدمعه في العين….ولكن يفرجها الكريم ..
ابكتب لكم عن معاناتي مع الحمل …عندما تزوجت قبل عشر سنين …
تمنيت اني احمل من اول شهر…لكن قدر الله وماشاء فعل
وكنت تمر الايام علي بطيئه وانتظر نهاية كل شهر على احر من الجمر
وانصدم كل مرة ..وتمر السنه الاولى ومافيه حمل …وآه ثم آه من كلام الناس واسألتهم اللي ماتنتهي..ماحملتي؟ ما كشفتوا؟ ؟؟؟؟؟؟
والجواب دايم …ارسم ابتسامه بلهاء على وجهي …باقي بدري …لاحقين على الازعاج
وممكن مايرحموني من اسالتهم…ومايسكتون الا اذا قلت ..ما كتب الله نصيب …
وابتدى مشوار… المستشفيات… والاطباء… والادويه…
والشي اللي يفرح ويحزن في نفس الوقت…انه مافيه او في زوجي اي عيب..
ويمر اربع سنوات ومافيه حمل …ما انسى كلمة احدى قريباتي مره تاخرت …
انتي ايش يأخرك ما عندك طفل يشغلك ويأخرك ولاهم يحزنون..
وعندما رجعت الى بيتي بكيت كما لم ابكي في حياتي…ودعوت ربي بقلب متعلقا به وكان ربي قريب مجيب ..له الحمد والشكر…
وتأتي …ذكريات ..وما ادراك ما ذكريات…طفله اجمل واذكىمما كنت ارجو
ملئت حياتي رعاها الله وحفظها لي قولوا امين…
تقولون وين المشكله..المشكله ماعاد تم حمل…وذكريات نظر العين تعيش في وحده واسألتها ماتنتهي ياماما ليش ماعندنا نونو؟ياماماليش صديقتي عندها اخت وانا ماعندي؟
وعدنا من جديد الى المستشفيات؟؟وهذه المره ارتفاع في الهرمون
يمكن تقولون انتي احسن من غيرك ..عندك طفل..وانا عارفه كذا ..وحامده ربي وشاكرته
لكن تدرون معاناة اللي ماعندها الا وحيد…بغض النظر عن ان الطفل عايش لوحده
ومايلقى اللي يسليه… اللي ماعندها الا واحد هي ماتناظر الافي هالله ثم في هاالطفل 0..ولا تقولون ام الواحد زي ام الاثنين اوالثلاثه ..
هذي الام الله لايقدر على واحد من عيالها..تلقى من تعوض حنانها فيه لكن …ام الوحيد..
الله لا يقدر على احد بشر..
.واعذروني على اطالة الموضوع لكن ..مالي الا الله ثم انتم
اصبحت الان افكر جديا ..بطفل الانابيب…فالله يخليكم اللي عندها خلفيه عن الموضوع لاتبخل
على اخت محتاجه المشوره والنصح ..
وكلمة حق اخيره اقولها في حق زوجي الله لايخليني منه يارب ..اللي عمره مانكد علي في موضوع الحمل بالعكس دائما يحثني على الصبر ويقولي انتي احسن من غيرك؟
وهو صادق….
الله يصلح ويحفظ بنتي ويعطي كل محروم ..قولوا آمييييين
واعذروني على الاطاله