صباح الفل والورد عليكم يا أجمل صحبة وهافضل أقولها دايما
ازيكم كلكم واحشتوني جدااا
زمانكم بتقولي
(زهقتنا سلامات خليها تدخل في الموضوع بقى) 
)))
واقولكم على شوية حاجات لعلها تفيدكم بجد لان ده هدفنا الأساسي من ورا كل كلمة بنكتبها
انت دلوقتي طبختي طبخة حلوة ، حتى لو كانت أكله بسيطة
اهم حاجة بعد الطعم الجميل طبعا ً
التزيين
انك تزيني او بمعني تاني تزوقي الأكل ( العين بتاكل قبل الفم )
حتى لو ما كنتيش ماهرة او ما عندكيش افكار لتزيين الأكل
أقولك على حاجات بسيطة تعمليها :
هاتي سلطانية او طبق من بتوع الاكل غويط شوية وحطي فيه الرز واقلبيه في الطبق اللى هايكل فيه وطبعا طبقك كمان اعمليه زيّه ولا انت مالكيش نفس يعني 
احنا اتفقنا ندلع نفسنا برده
وندللها زي ما بتعملي لزوجك أحلى حاجة بيحبها برده اعملي لنفسك الحاجة اللى تفتح نفسك معاه وبتحبيها
المهم قلبنا الطبق حطي فوقه حبة بقدونس صغيرين على القمة من فوق بس او زتوناية خضرا
او وردات حوالين الرز من الفلفل الأخضر
زيني طبق السلطة بالخضروات بألوانها المختلفة
( طبق السلطة مهم جدااا لصحتنا ولصحة اولادنا )
قشري طماطميه واعملي بقشرتها وردة وحطيها في طبقه
وزي ما اتفقناو طبقك انت كمان
أو في منتصف السرفيس الكبيربتاع تقديم الاكل
الجزر سواء مبشور او مقطع أصابع طويلة لونه بيبقى روعة وبيدي شكل حلو للأكل
ايه تاني ….
قطعي شوية بقدونس او ك***ة خضرا ( المهم حاجة خضرا ) وانثريها فوق الفراخ او اللحمة او اي طبق هتعمل شغل حلو برده
البطاطس المحمرة سواء شبسي مقرمش او صوابع
ترنشات الليمون المدورة روعة جداا مع الأسماك والجمبري والمأكولات البحرية
وصلتك فكرة التزويق يا قمر
طيب نجي بقى لسفرة تكون نظيفة ومرتبة في حط الأكل عليها وممكن اوي تعملي بحث عن الاتيكيت في وضع الأكل على المائدة وتعمليه
او تحطي لمساتك الجمالية البسيطة انت على السفرة
عملت بحث عن الأطعمة الى بتجلب السعادة وحبيت احطها هنا تكون مرجع ليه وليكم
من الأطعمه دي :
الأسماك لانها بتحتوي لا أوميجا 3 فابتساعد على تهدئة الأعصاب
الموز فيحتوي على مركب كيميائي طبيعي يمنح الثقة بالنفس، وكمان بيقوي الذاكرة واظن كلنا الزهايمر بادء معانا من بدري ومحتاجين كل يوم يجي 3 او 4 موزات )))))))
وبالنسبة للجريب فروت فهو غني بفيتامين سي اللي يزيد من مقاومة
الجسم للإجهاد.
والخبز الأسمرفإن الكربوهيدرات تزيد من إفراز الهرمون المسئول عن مقاومة الاكتئاب.
وتحتوي السبانخ على حامض الفوليك الذي يؤدي إلى انخفاض الإصابة بالتوتر والقلق.
و الكرز 
بيقولو عليه الأطباء في الغرب الأسبرين الطبيعي
عشان بيمنح كل من يتناوله شعوراً عارماً بالسعادة.
و كمان من المأكولات اللي
تساعد على التفكير الإيجابي ومن ثم تزيد من الشعور بالسعادة
وتهدأ الأعصاب لاحتوائها على عناصر يحتاجها الجسم فى تحسين الحالة المزاجية
الشوفان : نظراً لاحتوائه على المواد الكربوهيدراتية والتى تحسن المزاج وتمنحك مزيداً من الطاقة .
الجوز : غنى بمادة الأوميجا 3 والزنك.
البنجر : أثبتت الدراسات أن الأشخاص الذين يعانون من الاكتئاب عادة ما ينقصهم حامض الفوليك ولأن البنجر غنى بحامض الفوليك فهو من أكثر المأكولات التي تجلب السعادة .
ودمتم سالمين يا حبايبي
وعشان الجنة كله يهووووووون
حبايبي يا عسل
عموما مشكوره