______________
اقترح على كل واحدة ماهرة في صنف معين او في عدة أصناف , ان كان لديها الوقت والجهد ان تقوم بتسويق منتجاتها
وبالنسبة للمقيمين بمصر ( القاهرة والأسكندرية ودمنهور)
سأ قوم انا بعمل دعاية لهن بين معارفي وكل واحدة فينا أيضا تقوم بالدعاية لزميلاتها وتضع منتجاتها بقسم التجارة والتسوق بالمنتدى
وللعلم أنا كنت من عدة سنوات أقوم بعمل حلويات وتسويقها حسب الطلب اما الأن فليس لدى نفس الجهد كما بالسابق
ولشروط نجاح هذا المشروع
1- يجب أن يكون المنتج جيد ونظيف ومغلف بطريقة جذابة ورخيصة في نفس الوقت
2- ان تكون المواد المستعملة في المنتج مواد غير ضارة مثل الألوان الضارة بالصحة
او خضروات قديمة
3- أن تكون مواعيد التسليم مظبوطة كما يطلبها الزبائن
4- أن لا تقومي بعمل صنف لا تجيديه لمجرد كسب الزبائن واعلمي أن نجاحك بصنف واحد ممكن يكون كافي جدا لأداء هذا المشروع
الأصناف التي ممكن ان تطلب منكن
————–
الحلويات بانواعها
المعجنات
المحاشي
عمل بوفيهات للعزومات إما كاملة او بعض الأصناف التي تجيدينها ببراعة
——————-
ويفضل التنبيه على الزباين بطلب الطلبات قبل الوقت المحدد بعدة أيام
ومن تجد في نفسها القدرة على اقامة هذا المشروع ممكن تضع اعلانها في قسم التجارة والتسوق هنا بالمنتدى ولكن يجب ان تعلمنا أيضا في قسم المطبخ
لأننا سنكون من اوائل المشجعات
ولأى استفسار انا موجودة معكم لأنقل لكم خبرتي في هذا الموضوع
ويمكنكم الإستفسار والنقاش كما يحلوا لكم أو مراسلتي على الخاص ان حبيتم
وعن كيفية تحديد سعر المنتج نتناقش فيه فيما بعد هذا ان كان هناك من ستقوم بعمل هذا المشروع
اختي روزا
و الله انتي بنت حلال انا بقالي مدة بفكر في الموضوع ده بس برجع اتراجع تاني خيفة مقدرش اوفي بالطلبات و كمان للأسف جوزي مش مشجعني انا الحمد لله بعرف اعمل حاجات كتير باتقان بس الفكرة لسه متبلورتش قوي لو عندك خبرة و الله ياريت تكوني مشكورة لو تساعديني
و جزاكي الله كل خير
والهى بجد نفسى اطبقه فى القاهرة
و عندى استعداد بس يوم الجمعه و السبت فقط
وعليكم السلام
لو انت خايفة ما تقدريش توفي بالطلبات يبقى ممكن يكون شغلك مع سوبر ماركت قريب منك بحيث ما تتقيديش بطلبات في وقت محدد بس السوبر ماركت من عيوبة انه بيكون عايز اسعار قليلة جدا علشان يكسب هو كمان
وممكن اصلا ما يوافقش ياخد منك
ونظرا لعدم تشجيع زوجك لك اذن ابدئي بصنف واحد فقط علشان مايتضايقش انك بتقضي وقت طويل بالمطبخ
وعرفي كل من حولك بأنك نويتي على هذا المشروع واعلني هنا بالمنتدى على ان تكون هناك صورة واضحة للصنف
ولو ناوية تعملي معجنات , هناك بعض أصناف المعجنات ممكن بعد خبزها أن توضع بالفريزر وتباع بهذا الوضع مجمدة وهذا طبعا يكون موضح للمشترين بأن الصنف يباع مجمد وهم يسخنوه عند اللزوم
ممكن يوم الجمعة والسبت تحضري شوية حاجات وتشليها في الفريزر زى ما قلت لأم نور
لكن لو طبيخ طبعا لأ
على كل حال كل واحدة ممكن تعمل المشروع حسب ظروفها ووقتها
وتنمياتي لكم بالتوفيق
بس انا سبقتك ياقمرايه
انا فعلا ابتديت وليا عميلاتى ……
وحانزل قايمة الأسعار بتاعتى على ركن التجاره قريب ان شاء الله بس اما افضىىىىىىىىىىى
دعواتك ياقمر
ويللا اعمليلى دعايه وورينى الهمه
حاعملك دعاية بس قوليلي اصنافك وطبعا عايزين اسعار مناسبة وتكون اقل من السوق
وما تنسيش الكشك اللي انا عيزاه
ولو تعمليه مطبوخ وتبعيه يبقى كويس برضه
ياللا يا كارمن بانتظار اصنافك واسعارك
ربنا يوفقك
بالنسبه لأصنافى وأسعارى اوعدك اول مافضى حانزلهم على طول ان شاء الله
ودعواتك
وانتظار كل صاحبة مشروع
ومش مهم الكشك بس انا منتظراه من خالتك زى ما اتفقنا
وشكرا