كلما طلب منه أولاده شئ قال من وين ما عندي يبون كسوة ما عندي يبون مصاريف ما عندي روحوا لامكم والام مسيكينه تصرف على البيت والعيال !! زيادة على رواتب الشغالة والسواق !! ولا ننسى الزوج كل بعد فترة يقول عندك خمس ميه سلف!!! مسكين راتبه يجمعه كله يبي يبني عمارة قصدي يبي يسافر للخارج ؟؟؟
كل بداية إجازة بعض الناس تتهنى ويجهزون نفوسهم مع اهاليهم للسفر سواء في الداخل أو الخارج ولكن بعض الأزواج الغير مسؤلين اللا مبالين للأسف ما يهمه إلا نفسه أهم شئ هو يسافر يمتع نفسه …
.وعائلته عادي يروحون لاهلهم وكأن الام والأب للمغثة بس!!!
ما زوجوها علشان يتحملونها كل سنه شهرين هي وعيالها وإذا قالت له هالكلام قال اجل اجلسي ببيتك!!!!
طيب تجلس ببيتها من ينتبه لها ولأولادها وين الغيرة وين الحميه بعدين سفر كل عام ليش للبحث عن الرذيلة أم ماذا !!
لمن شكت علينا صديقه وقلنا ما تخافين يجلب لك الأمراض قالت لاان شاء الله أبونا يخاف الله…
قلنا اجل ليه كل سنه يروح الخارج قالت يشوف الطبيعة والآثار!!! قلت لا يكون أخينا خبير آثار بس
J وضحكن الزميلات !! وخجلت المسكينة قلت تراي امزح يوم حسيت إنها انحرجت…
قالت لا والله معاك حق بس حنا نتغابى نكذب الكذبة و نحاول نصدقها!!!
وش نسوي؛؛ وإلا والله طول العام أشعث اغبر يروع وقبل الاجاز بأسبوعين تشوفينه بس يلمع في خشته تنظيف بشره وتفصيل بدل وقبل السفر بيوم ينزلنا السوق يراضينا ….
خوش رضاه اجل يشتري لكم أغراض قالت لا والله !!!
يحطنا وانا ادفع قلت اجل ماله داعي مدام عندك سواقك يلعب عليك وعلى روحه!!!
هل بهذه الطريقة يرضي ضميره… وهناك بالخارج بعض السعوديين مع صديقات في المطاعم والمقاهي .
متأبطين لهن( أحلى لغه عربية ) والله لو زوجة الواحد حلاله ما مسكها مثل مسكته بعض البنات الداشرات..
لاحياء ولاخوف من الله …..
تقول صديقه يوم سمعتنا نحكي قالت تكفين يا لجوهرة كافي تقليب المواجع علينا … قلت خير وراك ….
قالت حنا أبونا كان كذا وقلبت رأسه كل سنه ليه ماتاخذنا وليه وليه أخر شئ أخذنا ؟
قلت حلو نفع معاه الكلام وانتم أهله أولى … ضحكت ساخرة !!! قالت تدرين وش سوى معانا؟؟؟
استأجر لنا شقه وحكرنا فيها يروح ويجي واستأجر مع زملائه بفندق وحنا مثل القرود بالشقة ماشفنا النور إلا وحنا راجعين من المطار يبي يتوبنا علشان لا نقول بنسافر معاك …..
همسة ….. في أذن الزوج خاف ربك في أسرتك وخاف من العقوبة من رب العالمين الله يمهل ولا يهمل….
زوجتك أبناءك بحاجة إليك عن ماذا تبحث في الخارج عن الآثار على قولة زوجتك !!!
طيب خذ زوجتك وعيالك إذا أنت صادق ليه مالهم رب يتمشون معاك وش أبدى هم ولا اصدقاك ….
سؤاااااااااااال::::: من يحمي النساء من مثل هؤلاء الأزواج الغير مسؤولين وهل هم كفء زوجه وعائلة؟؟؟؟
!!!
الموضوع كتبته بطريقتي التي قد لاتروق للبعض لكن عادي لاتهتمون خذو اللي تبون واتركوا الباقي لي
دمتم بكل خير
ملطوش
بس الحمد لله بعد وجع الراس صار افضل اول كنت اسكت الحين اي حاجه ما فيه وليه وانت موماخذني من الشارع انا عيالي واحد يعني ماراح تقول مصاريف حجرته لين اقتنع والحمد لله
عقب عذاب والله
موضوع جميل صدى الأمل..
بصراحة؛ أحس الواحد لما يترك زوجته وأولاده ويسافر هو لوحده بس عشان يتمشى اعتبره أناني
مهما كانت الظروف قاسية عليه طيب وأولادك المساكين؟؟ يعني ما همه غير نفسه وأصحابه وأولاده
وزوجته بالطقاق!! طيب ليش؟ ما في القلب رحمة؟؟؟
كثير نشوفهم متزوجين لكن عايشين حياتهم كأنهم عزابية.. طيب ليش تتزوجوا وتاخدوا بنات الناس
طالما انكم ما انتم قد المسؤولية والكلمة؟؟ يكون عزابي طول عمره أبرك له!
معليش ادري انه الأسلوب هذا ما يعجب الأغلبية لكن لمتى تكون الزوجة هي الوحيدة اللي تدفع
الثمن ووراها الأولاد؟؟
المشكلة اكبر من ذلك !
في الغالب نجد ان هذا الشخص لديه تراكمات من تصرفات اخرى غير مقبولة ..خاصة اذا كان من النوع الذي يسافر للمتعة وحدها وليس للعمل مثلاً او لضرف آخر يصعب عليه معه اصطحاب زوجته واطفاله ..
الزوج الذي لايخاف الله لن يراعي حق زوجته وابنائه ليس في حقهم المشروع في المتعة معاً وحسب ولكن حتى في التربية والنفقة ..وفي جميع الأمور
لذلك فأن هذه المشكلة هي نتيجة لمشاكل اخرى في خلق الزوج ..
فمتى مااصلح هذا الزوج علاقته بربه اولاً ..سنجد ان هذه المشاكل كلها تختفي وتنصلح من نفسها !
لذلك يكرر المربون والمصلحون النصيحة دائماً – ونحن هنا نكرر معهم – لكل فتاة ان تحرص على الشاب الملتزم ذي الخلق والدين ..مهما قدمت من تنازلات في مجالات اخرى ..
لانها ستجني ثمرة حلوة لحسن اختيارها فيما بعد بحول الله 
هذا والله حال الازواج اللي يسافرون ويتركون ام لعيال ولعيال في الديرة لا والي ولا مصروف
والله ان هذي الفئة من الازواج لا تخاف ولا تستحي لا من الله ولامن خلقه
ما قول الا الله يعين اللي ازواجهم جذي
(اقول عندي سؤال شو معنات داشرات ؟؟)
فعلا
مشكورات اخواتي
الله يعافينا من مثل هذه الانواع
انا مع كلا م الاخت صدى
لان الرجال ماهمه الانفسه ولا يفكرفي لافي زوجة ولا في اولاد
لكن ماتقول الوحدة منا الا ان الله سبحانه يمهل ولايهمل
وشكرا لك ياصدى الامل على هذا الموضوع
صحيح والله انها مشكلة
بس انا اقول متل ما قال المثل (جوزك كيف ما عودتيه وابنك على ما ربيتيه)
يعني عودي جوزك انا معك في مثل هيك مساوير ما برضى لحالك
وهذا طبعا من اول مشوار مش بعد ما يتعود عليك تسمحي بكل شىء وبعدين تصحي
وشكرا كرمله