بسم الله الرحمن الرحيم
الموضوع عن تجربتي الشخصية حبيت اطرحها مع شوية نصائح أفادتني وان شالله تفيدكم
خوفا على نعمة الله لانو كتير ناس مشتهيين عشرة بتلمية من يلي نحنا فيه
كثرة العروض الخاصة الموجودة بالسوبر ماركت والإغراءات بالإضافة للتسوق وأنا جوعانة أحيانا كنت أطلع من السوبر ماركت ومعي أشياء إضافية من شوكولاتات وسناكات وخبز وما إلى ذلك
تجي على بالي أكلة أطبخها بكمية تكفي عيلتي وأحيانا تكفي يومين اتفاجا انها تبقى وتبقى واحيانا نهاية الصحن الاخير الزبالة الله يعزكم وكنت استغفر ربي مية مرة على عملتي وفكر انو ربي ممكن يحرمني هالنعمة
قبل ما اطلع السوبر ماركت افتح البراد لشوف شو ناقصني اتفاجأ باشياء خلصت صلاحيتها
خضار بدت تعفن او اشياء ما فتحتها بعدني
وصرت اشعر بالذنب بالذات هون مافي أحياء للفقراء تروحي توديلهم الاكل الزايد
وسمعت من كتير ناس هون بيطبخو وبواقي الاكل بيكبوه وهالشي خلاني فكر كتير عن البطر والاسراف اللي نحنا فيه
هاد غير الملابس يلي منشتريها بالتخفيضات وبعدين بكتشف انو اكتر من قطعة قعدت جديدة وما استعملتها ابدا او ادوات التجميل او اي شي تاني منفكر انو رح نستعمله وبالنهاية ما منستعمله
قررت اتخذ إجراءات والحمد لله نفعتني كتير
1- ما بروح على السوبر ماركت وأنا جوعانة مشان ما اشتري أشياء معدتي اشتهتها في لحظة ضعف بس 
2- استعمل عقلي وركز هل رح اطبخ هالاكلة اليوم أو بكرة مثلا لو حسيت الجواب نعم اشتريتها ولو ممكن بتركها أحسن
3- الكمية بشتري أصغر كمية موجودة بحكم عيلتي صغيرة وممكن ما ياكلو
4- الطبخ بحاول اطبخ كمية ليومين بالكتير وما بطبخ جديد لحتى خلص القديم
5- بالنسبة للملابس صرت اتعقل أكتر وافكر وين وايمتى وكيف رح البس هي القطعة مثلا وعلى حسب جوابي بشتري أو لاء والحمد لله اتعرفت على مركز بياخدو التبرعات العينة كلشي الا الأكل وبيعطوها للاجئين يلي ما عندهم فلوس وبهيك حليت مشكلة الملابس الإضافية وحتى الأشياء التانية متل الكريمات المناشف الحقائب وأي شي ما بحتاجو
هي تجربتي البسيطة ويلي عندها أفكار او عانت متلي تضيف تجربتها لحتى نستفيد
انا كمان كنت زيك
بشس بعدين انتبهت ع حالي
وفعلا عروض السوبر ماركت تخليكي تشتري اشياء ما انتي بحاجتها
بس صرت استغلها بالاشياء اللي لو ظلت فترة طويلة عادي
زي الشامبوهات وغسول الجسم
وسائل الجلي وكل ادوات التنظيف
اما اشياء الاكل زي الاجبان وما الى ذلك بشوف تارخ الصلاحية اولا وبقرر
الملابس الحمدلله عمري ما رميت قطعه بوديه مسجد بحارة صوماليين وبحي فقير والناس تاخذ الاغراض قبل ما تنزل من الترنك فالحمدلله اجره ولاهجره
بالنسبه للدجاج واللحمه هلئ عم بشتري لما اخلص بالفريزر يعني عم بطلع اللحمه الموجوده واشوف شو عندي
بالنسبه للسيل بشتري الاشياء بتكون علي السيل ولقطه مثل منظفات ومعجون الاسنان واشياء ما بتخرب وبطول يعني انا بالصيف كنت بدي انزل علي عمان وبلشت اشتري معجون اسنان ببلاش كوبون 1 دولار اوف وهو حقه 1 دولار كولجيت واشتريت 25 حبه وطلعوا ببلاش ومزيل العرق للنساء لانه بحب اشتري لاختي ولخوات زوجي ونسوان اخواني برضه طلع رخيص بس ما بخرب
الملابس ما بشتري الا اذا خلص اجل العندي يعني كسوه شتا وكسوه صيف واذا في شئ حلو ورخيص وحالبسه طبعا بشتريه غير هيك لا ان اعندي ملابس من قبل الزواج كان زوجي يجيب لي كل شهر لما ينزل سنطه مليانه من فولز وجي سي بيني وبعدهم جداد الشئ الما بلبسه لانه كنت البس قياس 14 وزعته لانه حرام علي الفاضي ملابس الحمل نفس الشئ
هو فعلا موضوع مهم جدا ، في كثير ما ينتبه على حاله
مثلا انا أشتري بنطلون جميل عجبني واحب عليه تيشرت على لونه ، الاقي تيشرت آخر عجبني أشتريه وأقول يمكن مرة ألاقيه عليه شيء حلو وأشتري تيشرت ىخر للبنطلون
وهيك صار عندي واحد زيادة ما احتاجه إلا أن ألاقي الدولاب مليا ملابس ولا ألحق في بعض المرات ألبسهم
وهكذا نفس الشيء مع الاكل أقول أشتري اليوم وبكرى علشان ما أروح كل يوم
وبلاقي الأكل فاضل من غير لزمة
والله تدبير الامور ليس بالشيء الهيّن ولا بالورقة والقلم
التدبير عقل وحسن التفكير
بارك الله فيك مروة كثير مهم تتنادلوا خبرات بعض في امور التدبير بالغربة
جزاكم الله خيرا
كنت وانا في ابرامنت ما اعرف شو اعمل فيه بس لما نقلت لبيت ثاني صرت حطته للقطط والطيور
اذا كان في شئ زياده واكثر من يومين الي عنا !! ايضا المشتريات بكون عامله نظام الها ما بشتري
شئ الا ليخلص واعرف ان هذا اخر شئ عندي بجدد والخضروات بحب تكون اول بأول فرش لان صراحه
ثلاجتي للخضار معدومه بسرعه بتخرب !! مواد التنظيف الغسيل بشتريها من كاسكو للشهر كامل بلقيها اوفر
الحمد لله فرقت معي اشياء ناقصه للبيت مثل اثاث او شئ معين بوفر كل شهر شوي لحتى احصل عليه وما احتاج
اخد كردت او غيره والحمد لله التدبير للمصروف بفرق كثير مع ام البيت لما ترتب امورها وتنسق كل شئ وعن تجربه
حتى انا طناجري صغيرة وصرت حاول ما كبر طبختي وكيلو اللحم بقسمو على اربع او خمس طبخات بحسب كل طبخة
ومتل ما قالت ام ميرا صرت أخد الاشياء اللي مدة صلاحيتها بتطول
مايا مادام زوجك بيجيب اشيا ما بتلزمكم ليش ما انتي تروحي الشوبينغ ؟ احسن لراسك هيك بحس
سيرين بالفعل حتى أنا متلك بحس راسي وجعني لو بكب شي بالزبالة بس حاولت حط للطيور بقايا الخبز والرز طبعا مافي قطط عنا الا قطط الجيران والاكل تبعهم خاص المهم حطيت الخبز للطيور طلعولي الفيران اعوذ بالله منهم وصار فيني متل أماني في بيتنا فيران فاتو من الحديقة بس الحمد لله قضيت عليهم وربي لا يردهم هههههههههههههههه
بس لاحظت بشكل عام الإسراف والرمي منتشر بهالبلاد كتير بس ربي لا يحرمنا نعمو ويعرفنا قدرا
لانه متوفر وماحدا محروم
ومابتيجي نفسهم بشي الا بيجيبوه
ما حد بيقصر عحاله بالمرة
من غني او فقير
الكل شبعان
هلئيت اول ما جيت شو حسيت بحريه
انني اقدر اكل اللي بدي اياه وما حدا يحكيلي لا
لاننه ببيت اهلي في نظام بهيك مواضيع
وشو الله وكيلكم نروح شوبينغ انا وجوزي
يكون تلات ارباع اللي جبناه شو كلاته وسناكس
وكلام فاضي وانسى اغراض الطبخ
شوفتو شو معدله
بس بعدين وقفت اعمل هيك وصرت جيب اغراض الطبخ
بالاول ولو نفسي في شي بعدين بجيبه بس مابكتر
ولما اجونا الاطفال حاولت اقطع هالاشياء من البيت
وصرت انا اعمل شغلات
واخبز كيك
وخبز ومعجنات
فتعودوا على هالاشياء
وهلئيت بس كبروا شوي صرت
اجيب اشياء مابصنعها بالبيت
شوكلاته كريسبس
بس شو يوم مابيدوقوا منه بيكون حدا داعيلهم
ههههههههه
اكتر شي بحتاجه بس ينكدوا بالسوق عشان يسكتوا
بعطيهم بسكوت او حبه شو كلاته صغيرة والسلام
اما الطبخ فنادرا ما اطبخ على يومين
دايما بطبخ كل يوم والحمد لله
وما بكتر يعني بعرف الكميه اللي محتاجاها
لا خيتي انا ما بحط الاكل بجنب البيت تجنب لهيك شغلات عندي مساحه بعيد عن البيت بستغلها لهيك