انا ناويه اعمل القطايف وهذي اول مره لاني دائما
بشتريها جاهزه واحشيها بالبيت
سؤالي هو لما بخبز القطايف على التاوه او الصاج مابقلبها
على الوجه الثاني علشان تستوي من جميع الجهات
واذا حمرتها من جهه وحده بس مابتكون معجنه
وهل فيه طريقه للقطايف غير قليها بالزيت لاني مره
قرأت انه وحده من الاخوات بتدخلها الفرن اذا ممكن الطريقه
وهل اقدر احشي القطايف قشطه او كيري واقليها بالزيت
ارجوا ان تتحملوني على كثر الاسأله لانه كل رمضان
وانا بحوس فيها وزوجي يحبهاااااااا مووووووت خصوصا برمضان
ودائما يقولي قطايفك شاربه الزيت كثير ونفسي هذي
السنه ابيض وجهي معاه
وآآآآآآآسفه جدا على الاطاله
ومبارك عليكم الشهر
وانا من الاخوات التي تخبزها في الفرن وما بقليهاش وطريقتي هي جبي الصنية وادهنيها زيت ثم ضعي القطايف وادهني بالفرشة وجه كل قطعة بالقليل من الزيت واتركيها تتحمر من الاسفل والاعلى
اختي اذا كنت بدك تحشيها قشطة ما بينفع انها تنقلى بالزيت بس احشيها وقدميها مزينة بالفستق
وهذه روابط لعمل القطايف
قطايف لو ذاقها الحلاب رح يسكر محله هههههه
بنقعها بالماء فترة
وبحشيها وبقليها وبالقطر
يمي يمي
وانا معك ناوية أجربها بالبيت
بتعرفوا الاخوات بالسودان ما بيحشوها جوز وقرفة وجوز هند وسكر
بدال الجوز بيحشوها فول سوداني
ناوية أجربها 
رمضان كريم
أنا أيضاً بحطها على نار متوسطة إلى هادئة بمقلاة البانكيك، بدهن بالزيت ولما يصير بالحرارة المناسبة بحط الخليط وما بقلبها أبداً، لأنها الحرارة بتخلل العجينة إلى الأحلى فبتجف.. ولما تشوفي أنه كل السائل جف معناه صارت جاهزة لترفعيها.
حطي منشفة في صينية وضعيها على المنشفة وغطيها فوراً بمنشفة.
أنا بعملها عصافيري وما بعمل المقلية. لكن أمي الخبيرة فيها، العصافيري بحشيها ريكوتا.
بس المقلية فيها خليط المكسرات مخلوط بماء زهر وماء ورد وقرفة وسكر.
بتحشي كل قطعة وبتسكريها تماماً وبتقليها حتى تحمر، وفوراً بتحطيها في وعاء القطر.
ثوان وبتشيليها على صحن الضيافة.
لكن حشوها بالجبنة السائحة أصلاً رح يخليها تطلع من كل جهة وقت القلي، ولكن إن كانت جبنة مثل ما قالت لين وبتقول نفعت معها، فأعتقد أنه ممكن.
ذقت عند ناس العام الماضي قطايف بقشطة طيبة جداً، لكن صراحة ما عرفت كيف عملوها! ولكن القشطة جامدة مطبوخة على اليد.