السلام عليكم ورحمة الله تعالى وبركاته
بسم الله الرحمن الرحيم
كيفكم حبيباتي
الصيف بلش على الأكيد
ودرجة الحرارة عم تخلي الواحد يشرب الماء البارد بكثرة
وطبعاً أولادنا ما فينا نشربهم الماء البارد مثلنا وإلا منكون عم نشتري لهم المرض لا قدر الله تعالى
وطبعاً أطفالنا أكثر منهم بيشتهوا الأيس كريم ما في
وهيدي الوصفة فينا نستبدل لهم فيها الآيس كريم
يكفي أنها وصفة عمل البيت وبنفس الوقت بتغذي لوجود الحليب والبرتقال فيها وبتخليهم يستغوا عن الآيس كريم
هيدي الوصفة كانت تعملها لنا أمي الله يحفظها ويمد عمرها بالخير والعافية يا رب
وكنت متعطشة لها دوماً وأطلب المزيد منها
وأحلى ما فيها أنها لا تستغرق الكثير من الوقت بعملها واقتصادية
البالوظة
الطبقة الأولى: المهلبية
نحتاج ثلاث كاسات حليب
ملعقتين طعام نشاء
سكر حسب الرغبة
وماء زهر حوالي 4 ملاعق طعام كبيرة
نضع في قدر على النار الحليب والسكر ونذوب فيهم النشاء
ونحرك قبل أن يسخن المزيج حتى لا يتكتل النشاء
وعندما يثخن المزيج صبيه في أوعية التقديم
اتركي الأوعية بالبراد لمدة ساعة لساعتين
الطبقة الثانية: البالوظة
أربع كاسات برتقال
أربع ملاعق نشاء
نصف كوب سكر
(يمكن استخدام نصف الكمية لو حبيت وهذا ما عملته أنا)
نضع البرتقال مع النشاء والسكر في وعاء على النار
ونحرك بسرعة قبل أن يسخن المزيج
ونستمر بالتحريك حتى يثخن المزيج
نصبه بلطف فوق المهلبية ونوزعه حسب حجم كل وعاء
نتركه بالبراد حتى يجمد قليلاً
ثم يقدم مع رش الفستق المبشور على الوجه
وصحتين وعافية على قلوبكم وقلوب أطفالكم
مع تحياتي وأمنياتي الدائمة بالخير
أختكم
أم محمد خير وبشرى الخير
صحتين وعافية يارب
نحن بحلب بنعملها فوق الرز بحليب وبنقلها مبطن يعني رز بحليب وبالوظة
بس والله كتير مشتهية عالمهلبية يا عيني
مع ها الحر
ام محمد.. يا عيني عليك وعلى البالوظة ما أحلاها
من زمان وانا بفكر اعملها ونزلها بس المشكلة اني عارفة حالي ما حدا حياكلها غيري مشان هيك مكسلة
من زمان وانا بفكر اعملها ونزلها بس المشكلة اني عارفة حالي ما حدا حياكلها غيري مشان هيك مكسلة
بالمناسبة… لا نحنا ولا اولادي منشرب ماء بارد.. الماء بحرارة الغرفة وبس
تسلم الايادي ويخليلك ولادك والف صحة وهنا
تسلم الايادي والله مشهيه تخيلتها بالفريزر
البالوظه ممممممممم وانشاءالله نطبقها