هذه هي اول مشاركة لي في منتدى لك اللي بحبه قوي واتمنى ان تنال اعجابكم ندخل في الموضوع وهو البيتي فور واعذروني اني منزلتش الموضوع قبل العيد لظروف خاصة عندي يعنى نقدر نعتبرها حاجة كدة من ريحة العيد وكل سنة وانتم طيبين
المقادير
2كوب دقيق
2 صفار بيضتين
1/3 كوب سكر ناعم
3/4 كوب سمن
فانيليا
بيكنج بودر
ذرة ملح
للحشو والتزيين
مربى + شكولاتة + جوزة الهند
الطريقة
نضع السكر والسمن وصفار البيضتين والفانيليا معا ويتم ضربهم ضربا مبرحا بالمضرب الكهربائي
ثم نضيف عليهم الدقيق ( بعد ان اضفنا عليه البيكنح بودر والملح ) شوية شوية مع التقليب حتى تتكون عجينة متماسكة ليست بالقاسية
بعدها تشكليه زي منتي عاوزه وتسخني الفرن وتخبزيه بس حسبي احسن يتحرق منك ولما يخرج من الفرن استني لما يبرد وابتدي احشيه جزء بالمربى وجزء بالشكولاتة وتزينيه بجوزة الهند ثم يوضع بالثلاجة وبعدها حسبوا على صوابعكو وبالهنا والشفا
تسلم يدك سناء واول مشاركه ليكي وبيتي فور يا ريت مع الصورؤ حياكي حبيبتنا معانا في بيتك التاني ومع اخواتك منورة
بس سوال هل بيكون هششش مثل المحلات
مشكورة حبيبة على الطريقة الحلوة
و بارك الله فيك
لكن لو كنتي طبقتي الوصفة و صورتيها … لكانت أوضح من هكي
و تكوني مشكورة هلبة
و كل عام و انتي بخير
