السلام عليكم
بنات مصر عايزه اعرف معلومات عن التمليس ومميزاته وعيوبه وخصوصا فى الاسكندريه لو حد بيعرف يعمله منتظراكم سلام
مهما كانت النتيجه الرائعه التى تتوقعيها من التمليس والتى ستكون الحل الامثل والسريع لمشاكل الشعر فان هذا لا يقارن باى شكل بالاثر الفظيع الذلى يحدث بعد ذلك وخللى بالك اى كوافير ها تروحى له ها يقوللك لا التميس اللى عندى من برة ودة غير اللى عند الناس كلها و الكلام دة كله وبعدين تعانى انتى من مشاكل وتدخلى فى مواويل علاجات قد كدة —الخلاصه انا سمعت كلام الكواغير بعد ما عمللى البحر طحينه واللى شفته بعد عشر ابام فقط من تشاقط فظيع لسه باعالج اثرة لحد دلوقتى من اكثر من سنه ونص وعلى فكرة انا عملته عند حمدى اللى فى سيدى جابر الشيخ الله يسامحه ويسامح البنت اللى عملته لى عندة —لسه بتفكرى برضه تعملى تمليس والا رجعتى فى كلامك
اصل فى بنوته عملت عند وليد جيجى وبتقول حلو جدا ومحتاج بس حمام كريم وتغذيه ايه رايك
ممكن يكون شعر البنوته دى قوى وبيتحمل — عموما الكوافير الامين مفروض يقوللك اذا كان ينفع معاكى او ان شعرك لا يتحمل وتكتفى بالعنايه الفائقه وخلاص —طيب الشعر لما يتملس ها يكون رائع طيب والشعر اللى بينمو بعد كدة طبعا مش متملس ها يكون الفرق بينه وبين المتملس واضح جدا وها يضايقك والاهم من كدة عايزة عنايه اكتر مناللزوم طيب امال انتى كنتى بتعكملى تمليس ليه –عشان ترتاحى شويه والاا تتعبى اكتر فى رعايته —خللى بالك انا جربت التمليس بنفسى زى ما قلتلك مش مجرد سمعت وانا لسه تعبانه بسبب الموضوع دة لحد دلوقت دة غي انى فقدت نصف شعرى واللللللللله بدون مبالغه دة غير انى قصيته لحد ودنى بعد ما كان لنص ظهرى وشديد الكثافه وعلاج وادويه وفيتامينات وبرضه كل شويه اقصه عشان كل المتملس يروح خالص يعنى سنه ونص وانا شعرى لحد ودنى —عموما انا خلصت زمتى من ناحيتك وقلتلك على اللى عندى وربنا يوفقك وانا متاكدة ان معظم بنات االمنتدى ها يشاركونى الراى
اهلا اختى ماروو 
مشكورة الاخت alexess على ردها
و ان شاء الله الاخوات اللى جربوا التمليس يفيدوكى
مشكورات ربنا يوفقنا الى الخير
والله ما اعرف ماجربتو بس بيقولو انو بينزع الشعر