والقايمه اللي اتعودنا عليها غالبا في معظم المصريين بيطالبوا بيها العريس – لو انا طالبت العريس باقل القليل في مؤخر الصداق والقايمه لارضاء ضميري تجاه ابنتي خاصه وانت عارفه القصه – فاكره
فاكره العريس اللي موت نفسه عليها هو واهله فاكره لما نصحتوني وصلينا استخاره ووافقنا لانه طيب ومكافح – وتحت الاحراج والكسوف والعمايل الجميله اللي عملوها وافقنا وقرينا الفاتحه في عز امتحانات الليسانس بتاع البنت – فاكره انت فرق الشهاده والشكل – وانا قلت لك الاهل فرحانين بالبنت بطريقه لايتخيلها بشر – المهم لما خلصت الامتحانات وقعدنا نتكلم في المهم – وفضينا بقي – انا طلبت قايمه بالمنقولات وخمسه الاف ج مؤخر صداق – في عملي زميلاتي يطلبن لبناتهن مالايقل عن عشرين الف ويتم التفيذ – صدقيني علي يدي- المهم – فوجئت بابو العريس بيقول انه ابنه ح يفضل خاطب بنتي اربع سنين – وانه مسمعش عن حاجه اسمها مؤخر صداق ولما قلت انا مطلبتش حاجه كبيره ده حاجه بسيطه بس علشان خاطر البنت تبقي فرحانه امام زميلاتها ومطالبتش بفرح في قاعه الام هبت فيا
قالت لي منحدش بيعمل خطوبه ياحاجه في قاعه – واحنا مبنعملش مؤخر صداق – تخيلي – ولمين
للبنت اللي الناس كلها بتعتبرها كتير علي ابنهم – يعني احنا عصرنا علي نفسنا ليمونه ورضينا بالهم والهم مش راضي بينا – والبنت الثانيه الاكبر منها ستتزوج خلال شهرين وطبعا كتب الكتاب عندنا بيكون في يوم الزفاف او قبله بيومين – كنا متفقين مع العريس علي القايمه وهذا المؤخر ايضا واليوم
وبعد فتره الخطوبه التي طالت وصبرنا علي العريس وعملنا بمبدا يسروا ولاتعسروا – ست سنوات صبر لغايه
العريس ماكون نفسه لما ذقنا فيهم الامرين – اذا بالعريس يقول انه لايعرف مؤخر الصداق – ولو كتب
مؤخر صداق المحامي بتاعه قال له العروةسه تكتب لك ورقه ضد يعني حين الخلع اطالبها بدفع مبلغ كذا – كل هذا لاني اريد لبنتي قائمه بمنقولاتها وخمسه الاف ج مؤخر صداق ارضاء لغرور البنت
ونحن هنا لانضمن لها الحق فالمستقبل بيد الله – ولكن شكليات امام اهلنا وجيراننا – ارجو ان تثيري هذا الموضوع – وتعرفينا انا واخواتك في المنتدي بالافاده في ذلك –
عزرا لانى ساقوم بالرد واقول رايى لانى مرييت بحلات كتير شوفتها بعينى والموخر كان اهم حاجه
دى مصلحه بنتك ومستقبلها انتى هتامنى العريس على بنتك وعلى كل التجهيزات الى تقدر بالاف الاف
هوا ليه خايف يمضى على قيمه وموخر ؟؟؟؟؟
اذاى مسمعش عن القايمه والمواخر هوا مش عايش فى مصر ايه يضمن مستقبل البنت الشباب الايامدى طايش ومفيش بنت تتجوز كده من غير متاخد حقها سواء مهر او قايمه بالمنقولات
والموخر ده لو لقدر الله حصل خلافات
اسفه مره تانيه انى اتدخلت ورديت
بس ده رايى وهستنى راى الاخت الايازيه طبعا هوا الراى الفاصل فالموضوع
وأنا كمان حبيت أكتب رد وأنتى اللى طلبتى أنك تثير الموضوع انا مصرية برضة وممكن فى أماكن كثيرة فى مصر بتطبق مؤخر الصداق لكن فى منطقتنا ما فيش كده حوالينا لكن فيه قائمة المنقولات ودى حاجة مهمة جدا احنا عندنا دلوقتى 50و60ألف فما فوق ,لكن معرفش وصلت كام بالضبط لكن أنا سمعت عن 85 ودى مش حاجة مش عارفة الأماكن الثانية فيها إيه لكن أنا من رأيى إن القائمة مهمة جدا جدا للأسف معدش فيه التزام زى الأول ومش عيب إن الواحد يضمن حقوق بنته والموضوع ده دايما بيعمل مشاكل كثير وأحسن حاجة إن كل شئ يبقى واضح من الأول وأنا من رأيى القايمة مش حاجة قيمة قوى ولابد لها من تدعيم بالمؤخر يعنى احنا عندنا العروسة تجهز المطبخ والأدوات الكهربية والمطبخ بأدواته واجهزته يكلف كثير جداًورغم إن القايمة بتضم جميع أثاث الشقة عندنا بعض الناس يقولوا نرجع لكم المطبخ ونمزق القايمة وكل واحد يروح لحاله وللأسف حدثت حالات كده كثير وبتبقى تحطيم لعائلة البنتوالناس فعلا مضايقة من كده بس بدأت تظهر والبنت اصبحت حقوقها هشة والرجال يقولوا هى تأخذ مطبخها واحنا نجيب واحدة ثانية ومش هنتكلف حاجة لأن الجديدة هتيجى بمطبخها برضه وعندنا برضة بعض العائلات والأماكن بتكتب الشبكة فى القايمة لكن أنا من رأيى إن مؤخر الصداق مهم جداً جداً عشان يبقى فيه التزام والشارى ميخافش من حاجة زى دى ومش عايزة اللى يقول أنا اديته بنتى بحالها أدور على الحاجات دى وأنا زوجى شخصية اجتماعية ودائما ما يجلس فى لجان عرفية للصلح فى المواضيع اللى زى دى وياما اتعرضت لمواقف بتضيع فيها حقوق البنت بسهولة جداًووأعرف شباب يجوز أكثر من مرة وكل ما يحب يتجوز واحدة بتدخل مطبخ وواحدة تخرج بمطبخ ده لو خديت من أصل لكن مؤخر الصداق حاجة ثانية فلوس هتندفع يخاف ويفكرألف مرة إن الجواز مش لعبة ولما ازهق أرميها وأنا متابعة معاكى يا أم سعاد الموضوع ولما زوجى ييجى هأسأله على رأيه من خبرته وأقول لكم والسلام
انه اللي ماخذ عروسة لبيته وست لبيته وام لالولاده مستقبلا ويجي يناقصش عند قصص شكلية منها الدفع والمؤخر … الخ
هذا مايستاهل له زوجة تحفظ بيته وشرفة واسرته
انا هيك رايي مابعرف شو راي الباقيين
اتمسكى بحقوق البنت لان الاب والام هما اللى بيتسالوا عن حقوق اولادهم ولية فرطوا فيها فى مشاكل كتير بتحصل وبتتاكد البنت ان لازم حقوقها تكون مضمونة انا اعرف واحدة كتبت قايمة بعد 15 سنة جواز علشان تضمن حقها
بس حقيقى انا تعاطفت معك جدااا وكان الله ف عونك وانا فعلا حاسه بيكى……
انا عرفه احساس الام اما تتاخر فتره الخطوبه ووش الناس وكلامهم….
بس انا مع الاخوات ان العريس الى مش شارى بنتى وبيتكلم ف امور بسيطه
زى دى ما يستهلش ضفرها ولو بقالها 15 سنه مخطوبه ….. هو مش عايش ف مصر ولا
ايه؟؟؟؟؟؟؟؟؟؟؟؟؟
ام سعاد
يمكن انا صغيره على الرد عليكى ولاكن انا ذى بنتك وبقالى كتير مخطوبه ولاكن لو خطيبى جه دقق فى حاجه هايفه ذى دى وكمان مش مدى امان انوا يكتب قائمه ومؤخر 5الاف جنيه
اذاى انا اديلوا امان على نفسى دا انتى هتديلوا بنتك اللى مال الدنيا كله ميسويش ضفرها
نصيحه منى ليكى خليكى حازمه فى الموضوع دا بجد اللى ذى دا كان اتكسف من نفسوا ومردلكوش اى طلب بعد ما صبرتوا عليه كل دا وفتحتوالوا بيتكم
لو حسستيه بس انك خايفه من كلام الناس هيذيد فى اللى هو فيه حسيسيه ان لو ابل الفرح بيوم عمل حاجه مش مرضيه انكوا ممكن تسيبوه
اما بنتك نصبها هيجلها هيجلها ادعلها وسيبيها لله اللى يعمل كدا تخافى منوا على بنتك ممكن بعد الجواز يتغير اكتر واكتر
اسفه انى تدخلت لاكن بصراحه مقدرتش امسك نفسى من الغيظ من خطيب بنتك
يارب يسترها على بنتك دنيا وأخرى يارب ويهديكوا للعمل الصح اللى فيه الخير لبنتك .
يمكن انا صغيره على الرد عليكى ولاكن انا ذى بنتك وبقالى كتير مخطوبه ولاكن لو خطيبى جه دقق فى حاجه هايفه ذى دى وكمان مش مدى امان انوا يكتب قائمه ومؤخر 5الاف جنيه
اذاى انا اديلوا امان على نفسى دا انتى هتديلوا بنتك اللى مال الدنيا كله ميسويش ضفرها
نصيحه منى ليكى خليكى حازمه فى الموضوع دا بجد اللى ذى دا كان اتكسف من نفسوا ومردلكوش اى طلب بعد ما صبرتوا عليه كل دا وفتحتوالوا بيتكم
لو حسستيه بس انك خايفه من كلام الناس هيذيد فى اللى هو فيه حسيسيه ان لو ابل الفرح بيوم عمل حاجه مش مرضيه انكوا ممكن تسيبوه
اما بنتك نصبها هيجلها هيجلها ادعلها وسيبيها لله اللى يعمل كدا تخافى منوا على بنتك ممكن بعد الجواز يتغير اكتر واكتر
اسفه انى تدخلت لاكن بصراحه مقدرتش امسك نفسى من الغيظ من خطيب بنتك
يارب يسترها على بنتك دنيا وأخرى يارب ويهديكوا للعمل الصح اللى فيه الخير لبنتك .
ان قرايه الفاتحه تمت في عز المذاكره لليسانس – قلنا ياجماعه بعد الامتحانات نتكلم واهي فرصه الاول يشوفوا لوفيه قبول بينهم ولالا – بس لو بعد الامتحان رجعت في كلامها متزعلوش قالوا لا مش حترجع انشاء الله لما خلصت الامتحانات طلبنا نقعد بقي ونتفق فوجئت بالكلام ده وانا لاني خجوله لم اطلب اكثر من هذا المبلغ والقايمه وان الزواج مايطولش عن سنتين لانه ابنهم الوحيد وله اخت كمان فقط وميسورين – فطلبوا مهله للزفاف اربع سنين – لااقدر اكتب كتاب بنتي لمده اربع سنين – ولااقدر
اسيبها مخطوبه برضه اربع سنين داخل طالع علينا العريس – لان ده محرم – ورغم انهم مبهورين بالبنت ومندهشين منها وفرحانين بيها جدا الا انهم اصروا علي طلبهم بنتي ليسانس اداب – الولد بكالوريوس جامعه عماليه – الشكل طبعا – اقروا الموضوع الاولاني وانتوا تعرفوا الفارق كبير حتي
في الفاظ الولد – والفاظ البنت مقدرش اقول انه مش مؤودب ولكن الفاظ ه مش راقيه وابنتي تتكلم همسا ورقيقه جدا ومتدينه جدا يدخن – لايصلي ولما طلبت منه البنت ان يصلي – احسسنا ان الصلاه
تكون امامنا فقط – التدخين لايستطيع الاستغناء عنه ولا النسكافيه ولاكوب الشاي مع السيجاره
ويقول شاي من غير سيجاره زي الشباك من غير ستاره – ابنتي تصلي الفجر حاضر منذ عشر سنوات
ولكنها مع معسول الكلام ومعامله اهله الحنونه جدا جدا جدا لها تعلقت به بعض الشيء ولكن اطمنوا
ياحبايبي انا انهيت موضوعهم وفسخت الفاتحه – اما كبري بناتي التي ستتزوج في خلال شهرين بعد ست سنوات خطبه – هذا موضوعها يقول العريس انه مقابل الخمسه الاف مؤخر – يريد ورقه تسمي
ورقه ضد اي عند الخلع تدفعي لي كذا وهو منن عاملته مثل ابني لانه اول عريس يدخل بيتي وكانت فرحتي به عارمه ولم الزمه بفسح ولاهدايا ولامواسم وقلت له التقيله عليا والخفيفه عليك ده كله لابنتي – ودلعته وجعلته ابنا لم الده لاني ليس لي صبيان بس هذا هو موضوعي اشكركم جدا علي
وقوفكم معي واشكركم علي الافاده – وكنت اظن انني مخطئه في طلبالتي ولكن انتوا نبهتوني اكتر
ونورتوني الله يكرمكم وفي انتظار ردودكم عليا