السلام عليكم ورحمة الله وبركاته
اخواتى الاعزاء دى تانى مشاركه ليا بعد تشجيعكم ليا فاحبيت اقدم لكم بسكوت الينسون بطريقتى ويارب تجربوه ويعجبكم لانه جميل جدا خصوصا مع الشاى فى الشتا والبرد ده وفى نفس الوقت سهل جدا وسريع ومش مكلف فى عشر دقايق بيكون عندك صينية بسكوت جاهزه تدخل الفرن بدون مجهود ولا ادوات ولا اطباق كتير تتعبك فى التنضيف وده المهم يعنى طبق النهارده سهل وسريع ولذيذ
يالا نبداء بالمكونات
1 3 الا ربع كوب دقيق
2 3بيض
3 ربع كوب زيت
4 معلقه صغيره فانليا ومعلقه كبيره بكينج بودر
5 معلقه كبيره ينسون متحمصه ومطحونه
6 كوب سكر
الطريقه
فى الخلاط نضع البيض والزيت والفانليا والسكر والينسون ونخلط
نصب الخليط السابق على الدقيق بعد اضافة BB له ونخلط المكونات كلها مع بعض حتى تتكون عجينه لينه جدا تلتصق باليد نجهز صينيه مدهونه زيت ونقوم ايضا بدهن ايدينا بالزيت حتى نستطيع فرد العجينه فى الصينيه واهم حاجه تكون الصينيه كبيره ولو كانت مستطيله تبقى احسن وتبقى حافتها قصيره حتى تكون قطع البسكوت هشه ورفيعه وبعد فرد العجينه نرش على وجهها رشة ينسون بس مش مطحون او ممكن رشة سمسم زى ما انتى عايزه وبعد كده نضع الصينيه فى الفرن وبعد ما تتحمر من تحت نقوم باخراجها وتقطيعها بالسكين الى قطع قبل النضج وبعد كده نرجعها تانى الفرن تحت الشوايه حتى يحمر الوجه ويبقى لونه دهبى نطلعها من الفرن ونسيبها تبرد شويه وبعد كده نطلع قطع البسكوت اللى طعمها هايعجبكم باذن الله وبالهنا والشفا يالا مستنيه ردودكم الحلوه وتتطبيقتكم الاحلى واعذرونى انا ما صورتش غير الصوره النهائيه للطبق لانى لسه جديده فى موضوع الصور ويارب تعجبكم
رااااااااااااااااااااااااااااااائع وسهل وشكله لذيذ يا قمر
تسلم ايديكي غاليتي عالوصفة الحلوة وانا بحب اليانسون كتير
تحياتي يا قمر
كتبت بواسطة cliopatra 
رااااااااااااااااااااااااااااااائع وسهل وشكله لذيذ يا قمر
تسلميلى كليوباترا ده من زوقك واسعدنى مرورك يا جميل
كتبت بواسطة بنوتة لبنان تسلم ايديكي غاليتي عالوصفة الحلوة وانا بحب اليانسون كتير
تحياتي يا قمر
بت يا بنوته ده كلام برضه انسى ديدى حبيبة قلبى والله على بالى دايما ووحشانى مووووت
ونفسى نرغى زى زمان بس متبعاكى يا جميل وبتبسط اوى بمشاركتك ربنا يديم المحبه ويخليكى ليا يا احلى بنوته
جمييييل جدا
اى شىء فى ينسون اموت فيه
تسلم ايدكى وعنيكى
هاتى انتى الطبق وانا اعمل الشاى
كتبت بواسطة YSmSma اى شىء فى ينسون اموت فيه
تسلم ايدكى وعنيكى
هاتى انتى الطبق وانا اعمل الشاى
يا حبيبتى تحت امرك الطبق والشاى كمان تسلميلى يا قمر
كتبت بواسطة امانى61 بت يا بنوته ده كلام برضه انسى ديدى حبيبة قلبى والله على بالى دايما ووحشانى مووووت
ونفسى نرغى زى زمان بس متبعاكى يا جميل وبتبسط اوى بمشاركتك ربنا يديم المحبه ويخليكى ليا يا احلى بنوته
تسلميلي يا حبيبتي والله واحشاني انتي كمان
الله يبسطك علي طول ان شاء الله
ماتغيبيش علينا حبيبتي وخليكي دايما ويانا
تسلم ايدك
فعلا رااااااائع
تسلم الايادي " اماني"