انا قبل يومين عملت ششبرك بس شو طلع بجنن وخاصه لما الجو كان بارد وكان ما بده الا ششبرك وطبخته بلبن الماعز العملته بالبيت
وهدا الرابط تبعه *تطبيق احترافي *تعالي يا تغريد شوفي ترويبي للحليب
المقادير
لحمه مفرومه ومحيوسه مع بصل ومبهره
لبن مطبوخ
كزبره وشويه تومه للوجه
عجينه انا عملت كميه قليله كوب طحين مع رشه ملح وماء ونفردها ونقطعها بفنجان قهوه صغير
بس انا بعد ما حشيتها حمرتها شوي وتطلع طيبه وما بتلزق مع بعض
وبعد ما طبخت اللبن ديرت الششبرك عليه وحركته بهداوه وخففت الحراره وتركتها شوي حتي نضجت منيح مع بعض وبعدين ديرت دقه الثومه مع الكزبره علي الوجه وحركتها شوي وصبيتها في صحون التقديم
الحشوه
انا هون بعد ما قطعه العجينه حطيت العجينه وسكرتها وهي علي الكاوله وبعدين شكلتها مضبوط طلع اسرع لي
وصحتين وعافيه علي قلبكم
كتبت بواسطة ناني2017 
وايديكي يا ناني وفيكي كمان
تسلم ايدك اماني بشهي طالع من تحت ايدك يا قمر
ما في أطيب من لبن الماعز والغنم بالطبخ
صحتييين وهنا يا رب
ماشاء الله روعة
ربي يعطيك الصحة ان شاء الله
