الطعمية الاسبوع المصرى 2024.

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

المقادير:
فول مدشوش(مقشر ومكسر انصاف) منقوع من الليل للصباح(12 ساعة)

قليل من الخضرة المشكلة (كزبرة-بقدونس)
ويمكن الاستغناء عنها لانها تجعل الفلافل لونها غامق مش فاتحة زى بتاعة السوق لكن انا اضعها لفوائدها ومش مهم اللون الغامق لان الطعم زى ماهو جميل

الطريقة:
* نخلط الكل ويفرم مرتين او ثلاثة حتى ينعم فى الكبة او الفودبروسيسور او المفرمة وهنا انا استخدمت المفرمة

** عند القلى اضيف قليل من الكربوناتو والملح والفلفل الاسود والكمون المطحون والكزبرة الجافة المطحونة واخفقها جيدا بالشوكة واشكلها اقراص واقليها فى زيت غزير ساخن
* ويمكن اضافة بيضة للخليط قبل القلى وخفقها معه
* ويمكن تقليبها فى سمسم قبل القلى

واحيانا بدل القلى باعمل طريقة اخف وهى انى اضيف للعجينة طماطم مبشورة وملعقتين زيت وملعقة بيكنج بودر وبيضتين وافردها فى صينية مدهونة واضعها فى الفرن حتى تحمر واقطعها مربعات واحشيها فى السندويتشات نفس الطعم واخف والذ
مرة تانية ان شاء الله اعمل الصينية واصورها لكم
واتمنى تعجبكم طريقتى

الله يسلمك حبيبتى
مشكورة على الرد
والله الموضوع تعبنى قعدت ساعتين اكتبه وارفع الصور صورة صورة ومن بين ال 24 اللى شافوه انتى الوحيدة اللى رديتى
انا عارفة انها مش جديدة بس قلت جايز افيد بشيئ من طريقتى
جزاك الله خيرا

تسلم الأيادي يا اسما

وعلى فكرة انا بحب اللون الغامق والخضار الكثيرة في الطعمية بتكون اطيب واطعم

صحتين وعافية

الله يسلمك حبيبتى وعود
دايما منورة موضوعاتى
وانا برضه باحب اللون الغامق والخضار مفيد جدا خاصة للبنات والستات للبشرة والشعر والعيون

الله يسلمك حبيبتى
الكرات مفيد وبيعطى لون حلو للفلافل
مشكورة على الرد

ما شاء الله فلافل ولا اروع من ايدينك
بارك الله فيك