** الفطاير المظفوره بالخضار وفطاير الكوسه بالصامولي 2024.

حبيت اشارك بوصفتين لاسبوع الخضار

الوصفه الاولى

الفطاير المظفوره

العجينه

تعملي اي عجينة فطاير تضبط معاك او هذه المقاديرلعجينتي

3 كاس دقيق ابيض
3 ملاعق كبيره حليب بودره
2 ملعقه كبيره خميره
م ك بكنج بودر
2 ملعقه كبيره سكر
رشة ملح
2 ملعقه كبيره زيت او سمن
كاس ماء للعجن او اقل
تعجن كل المكونات وتترك تخمر

الحشوه

بصل مفروم وثوم مطحون
كرنب مغسول ومفروم وممكن تضيفي كرنب احمر ايضا بس ما كان عندي
فلفل رومي مفروم وممكن تضيفي فلفل حار حبتين
جزر مقشر ومغسل ومقطع مكعبات صغيره
كوسه نفس الشيء
بطاطس نفس الشيء
ممكن اضافة بزاليا (حطي كل الخضار اللي عندك في الثلاجه)
بقدونس مفروم
حبة ما جي
ملح وفلفل اسود وبهارات التكا (فيها حراره شوي)
جبنه موزريللا

نحط في طاوه زيت ونحط البصل ونقلب الين يصفر نضيف الثوم ونقلب ثم الفلفل ونقلب ثم الكرنب والخضار بالتوالي ما عدا البقدونس والماجي والبهارات وقلبي حتشوفي سائل نزل من الخلطه هدي النار وغطي الخلطه الين تشرب مويتها وتذوقي الخضار اذا لسه ما استوت اضيفي قليل ماء القليل القليل ما ابغى الخضار تنهري مستويه ومتماسكه وما فيها ماء

طفي النار وخليها تبرد ثم اضيفي البقدونس

افتحي قطعه من العجينه بشكل مستطيل وحطي الحشوه في النصف ورشي عليها جبنه وقطعي بالسكين اطراف العجين مثل الصوره توضح اكثر وابدئي الضفر

[IMG][/IMG]

[IMG][/IMG]

بعدين تدهني وجهها بيض وحليب وترشي سمسم اذا حبيتي

[IMG][/IMG]

وتحطيها في الفرن تنخبز من تحت ثم تتحمر من فوق

[IMG][/IMG]

[IMG][/IMG]

[IMG][/IMG]

[IMG][/IMG]

يتبع

فطاير الكوسه كنت عاملتها قبل كدا بخبز البرجر

خبز صامولي يقطع من المنتصف ثم يقطع مستطيلات ويوضع الجزء المحمر من اسفل والابيض من فوق تزيلي قليل من اللب ويدهن الوجه مايونيز (اللب خليه ينشف واطحنيه للبقسماط )

كوسه تقطع من المنتصف وتقطع مثل انصاف القمر وتقلى في الزيت وتصفى
تفرمي بصل وطماطم بنفس طريقة تقطيع الكوسه وملح وفلفل اسود وتقلبي الخليط

افردي الخليط على المايونيز ورشي جبنه موزريللا وضعيها في الفرن من فوق فقط تذوب الجبن وتقدم

سهله ولذيذه

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

ان شاء الله تعجبكم اطباقي وبالهنا والعافيه