المقادير 1كيلو لحم نص كيلو برغل ناعم , ملعقة بهار , ملعقة طعام من الملح , بصلة واحدة , كوب سمن ونص كوب زيت
اما عن الحشوة يعني حشوة الكبة
5 بصلات مفرومة ناعم ونص كيلو لحمة ناعمة طبعا وكوب من الزيت النباتي او زبدة بس انا استعمل زيت ملعقة صغيرة ملح وملعقة شاي بهار وكوب صنوبر او حسب الرغبة
يللله خلونا نبدا اخواتي
منقشر البصل ويفرم فرم ناعم ويوضع كوب الزيت في مقلاة على نار متوسطة الحرارة ومنحمر الصتوبر ومنرفعه بعدا جانبا
يضاف البصل والملح والبهار الى الزيت واللحم ويحرك على النار لحد ما نشوف استوى ومنرفع الحشوة ومنضيف الصنوبر هيك بكون الحشوة تمام وخالصة
البرغل هلااء منغسله واللحم منفرمه بمطحنة شي مرتين او بصير باليد يدهك بس كتير منيح ومنفرم البصلة ومنضيفها للحمة وبتعجن شوي وبعد منضيفهم للبرغل ويضاف التوابل والملح وتعجن الكبة كتير كويس حتى نشوف صارت متماسكة ومنبلل ايدينا بماء بارد اثناء العجن بعد ما نخلص
منجيب صينية مدورة ومندهن قعر الصينية بالزبدة ومنقسم عجينة الكبة للقسمين القسم الاول يرق على الصينية يعني بايدينا منمدا على الصينة ما تكون كتير سميكة ولاا كتير رقيقه يعني شي سنتيمتر واحد هيك شي وبعد ما صارت الكبة مرقوقة على الصينية مندهن السطح بشوي ماء ومنغطي الكبة كلها بالحشوة يلي سبق وعملناها
وناتي بالنصف الثاني ومنرقها بنفس الطريقة النصف الاول بعدها يبلل الكف ويمسح سطح الكبة بشكل كويس ويوضع كوب السمن والزيت فوق الكبة وتقسم باسكين حاد مثل القلاوة مربعات صغيرة وبعدها بالفرن مدة 20 دقيقة طبعا بكون انا حميت الفرن قبل سخن يعني
وبتقدم سخنة مع اللبن هي بتكفي شي 7 اشخاص
وصحة وهنا يارب وان شاء الله تكون عجبتكم طريقة الكبة من جد سهلة بس انا شرحت لكم بالتفصيل مالها صعبة بس الكلاام كتير 
اختكم ياسمين 
بالفعل صينية الكبة رهيبة ولذيذة في نفس الوقت
وسهلة وسريعة مع شوربة العدس وتعتبر احلى آكلة
بعد ان كنت مدمنة الكبة المقلية …
تسلم الايادي الطيبة
ايه والله طيبة مع شوربة العدس انا بحب كبة المقلية مع شوربة العدس والله يسلمك يارب واسعدني مرورك الطيب ميس شيف
تسلمي يا وسام وان شاء الله انتي وميس شيف تجربوها
اختكم ياسمين
ياخت ياسمين
على الطبخة المزوئة
وعم استنى منك اكلات طيبة
اختك ياسمين