السلام عليكم يا صبايا ويسعد صباحكم يا رب
اليوم حنزل طبق خفيف ولذيذ… وكمان عاملتلكم تغيير وأخدتلكم الصور عندي بحديقة المنزل 
تغيير هواء
تغيير هواء هاد الطبق أنا عادة بعملو بالدجاج وبضيف حمص حب .. بس نهار السبت الماضي كان عنا ناس على الغدا وبينهم شخص نباتي فهالمرة عاملتو على الطلب… نباتي وبدون حمص…هيك الطلب
بس والله طيبة وخفيفة والأحلى من هيك أني عاملة بس شوي يعني تشكيلة جنب الأطباق التانية بس الكل تركوا الأكل كلو وهجموا على هاد الطبق المسكين
بسم الله نبدأ
الكسكس بالخضار
المقادير
بصلة كبيرة مقطعة عريض
كوسى
باذنجان
بطاطا
ملفوف
بندورة (أنا حطيتها مهروسة)
صلصة البندورة
سنين ثوم مفرومين
شوية زيت زيتون
بقدونس مفروم
سبع بهارات وملح
فليفلة خضراء ممكن حلوة وممكن حارررررررررررر
جزر
وحبوب الكسكس
كوسى
باذنجان
بطاطا
ملفوف
بندورة (أنا حطيتها مهروسة)
صلصة البندورة
سنين ثوم مفرومين
شوية زيت زيتون
بقدونس مفروم
سبع بهارات وملح
فليفلة خضراء ممكن حلوة وممكن حارررررررررررر
جزر
وحبوب الكسكس
ممكن إضافة البازيلا والقرع كمان
الطريقة
الخضار كلها بقطعها كبيرة..
نضع الزيت ونقلب مع البهار والملح ثم نضيف الخضار وبعدين نضيف المرق والصلصة..
نتركهم على نار خفيفة بعد ما يغلوا مدة ساعة..
نضيف البقدونس ومنطفي النار..
الكسكس أنا جايبته ميبس.. حطيت بالطنجرة كاستين ماء وملح وزيت ولما غليوا ضفت كاستين كسكس وطفيت النار وخليتهم مغطايين لحد ما تشربوا الماء
وحركتهم بالشوكة عشان ما يلزقوا ببعض ..وخلصت القصة
وحركتهم بالشوكة عشان ما يلزقوا ببعض ..وخلصت القصة
أترككم مع الصور
ما شاء الله ولا قوة إلا بالله
هون البخة بعد ما خلصت مباشرة
وها بالجاط ورشيت حوليها المخلل الكورنيشون الصغير..
وهاي صورة كمان مع قرن فلفل مشلفط ..
وهاي للصبايا الغاليات
وان شاء الله يكون عجبكم ولا تنسوني من دعواتكم حبيبات قلبي
روعة يا لبنان
كتبت بواسطة moon and stars 
طبعا يعجبنا اموت في الكسكس طبقي المفضل و خصوصا مع الفلفل المشلفط حلوه مشلفط
روعة يا لبنان
ههههههههه.. ربي يسعد قلبك يا عسل….
أنت الأروع يا حبيبة قلبي…
كتبت بواسطة حبيبة48 تسلمي طبق رائع بيشهي
الله يسلمك حبيبتي مشكورة
وفوق هيك شكلها روعة
لك شكري
ممممم
بتشهي
يسلموو ام ادم
