من فترة في اخت نزلت ريقة للكنافة المدلوقة بس مختلفة من طريقتنا وانا حبيت نزل طريقتي وشارككم فيها عملتها من فترة وما صحلي نزلها
بحكم اني ما عندي كنافة ناعمة فطريقتي كالتالي
الكنافة المجمدة الخشنة انتظرها كي يفك تجميدها وبعدها بحنها بالفود بروسيسر مرتين
بتصير اخشن من النعمة بشوي
في طنجرة واسعة ضيفي الكنافة وكمية كافية من السمنة وقلبي على نار هادية حتى تحسي الكنافة طريت وصارت تلمع من السمنة وامتصت كل السمن
اضيفي لكل كوب كنافة تقريبا تلت كوب سكر وهاد الشي راجع للرغبة انا بضيف اقل بشوي لاني بحبها مو حلوة كتير
وقلبي بالملعقة على نار هادية لاننا ما بدنا الكنافة تنقلى او يتغير لونها بس تغب السمنة ويذوب السكر معاها اضفي النار واتركيها تبرد شوي لحد ما تصير تقدري تلمسيها بايديك
لما تبرد شوي جيبي طبق مدور او صينية تكفي الكمية او ممكن صينيتن مدورين وحطي طبقة كنافة فيها رقيقة يعني واحد سنتيميتر او واحد ونص مو اكتر واضغطي بايدك اذا حسيتيها انها بتفتت شوي ضيفي ملعقة حليب بارد جدا واعجنيها واضغطي عليها
جيبي علبتين قشطة او كمية من القشطة الطازجة واخلطيها جيدا وبعدين صبيها على وجه الكنافة وزينيها بالفستق الحلبي وضعيها بالبراد ساعة فيكم تاكلوها دافية شوي انا بحبها وبس طلع قطعتي من البراد بسخنها لثواني بالمايكرويف 
ملاحظة ( ممكن تخلططي مع القشطة كمية من القريشة يعني لما تفرطي الحليب ويخرج الجبن منه بتخلي القشطة أخف للأكل )
وهي صورة للطبق اعذروني صورت الخطوات بس يمكن بنتي لعبت بالكميرا ما لقيت الصور محذوفين على الاغلب هي الصورة يلي بقيت صورتها على الموبايل بعد ما حطيتها بالبراد
أرجو أن تنال اعجابكم صحتين وهنا
انا بعملها بس بعجينه ناعمه وعلشان تمسك معك بكون افضل تضعى قطر بدل السكر
صحه وهنا على قلبكم والصحن للافطار جزاك الله كل خير
كتبت بواسطة (( ام ماهر )) 
انا بعملها بس بعجينه ناعمه وعلشان تمسك معك بكون افضل تضعى قطر بدل السكر
صحه وهنا على قلبكم والصحن للافطار جزاك الله كل خير
مشكورة على مرورك يا قمر خدي الصحن كلو صحتين وهنا على قلبك واتذكريني بدعوة عند الافطار انا ما عندي عجينة ناعمة هون بس متلجة شغل اليونان لهيك بحاول نعمها قد ما بقدر هههههههه نضحك على حالنا شوي بركي ما منحس انو بالغربة 
بالنسبة للقطر أنا ما جربتها ولا مرة بس بجربها لاني من لما كنت صغيرة هي طريقة أمي وستي الله يرحمها
بس الكنافة الجاية بجربها بالقطر
انا بعملها بكنافة ناعمة برضو متل ام ماهر
ان شاء الله تقومي بالسلامة انتي والبيبي
كتبت بواسطة مجد الاقصى انا بعملها بكنافة ناعمة برضو متل ام ماهر
ان شاء الله تقومي بالسلامة انتي والبيبي
الله يسلمك يارب ويخليلي ياكي على الدعوة الحلوة
ابعتولي كم كيلو كنافة ناعمة انت وأم ماهر جاية على بالي النابلسية الناعمة ومافي كنافة ناعمة عندي ههههههه ( طمعت )
اممممممممم
صحتين وهنا
مما يساعد العضوات في التنويع في تقديم المدلوقة
وعملها بأكثر من طريقة
صحتين وعافية
ورمضان مبارك
شكلها بيشهي
كتبت بواسطة **ام ريان ** الله يسلمك يارب
كتبت بواسطة ملكةالرومانسيه اممممممممم
صحتين وهنا
على قلبك اتفضلي مدي ايديك
كتبت بواسطة وعود الخير مما يساعد العضوات في التنويع في تقديم المدلوقة
وعملها بأكثر من طريقة
صحتين وعافية
ورمضان مبارك
الله يبارك فيكي أختي وعود هي طريقة أهل الشام تقريبا بصنعها وأنا آخدتها من أمي الله يخليها وستي الله يرحمها
ادعو الله يفرج عن
كتبت بواسطة ثِمِال شكلها بيشهي
يسلمك ربي
شرفتو موضوعي جميعا