اللحمه البارده اللى بحبها جدا بطريقه حبيبه قلب امها وبالصور 2024.

السلام عليكم ورحمه الله وبركاته

اهلا اخواتى بيكم
جايبالكم اليوم طرقتى فى عمل اللحمه البارده او عرق الفلتو طبعا فى طرق كتير لكن انا مش بغير طرقتى دى لانى بحبه بالطريقه دى

طبعا المقادير
عرق فلتو بقرى كان ماشاء الله 3 كيلو
الجزار هو اللى ربطه وخرمه زى ما واضح فى الصوره
كميه كبيره من الثوم نصفه صحيح والنصف الاخر مفروم
قطعه كبيره جنزبيل طازج

ويلا نشوف هنعمل ايه

فى الفتحات دى فى كل فاتحه نضع فص ثوم كامل ونحاول نملاً الفتحات بالشكل ده

بعد ما نملاء معظم الفتحات بالثوم نفرم الجزء التانى من الثوم مع قطعة جنزبيل طازه ان وجدت

بعد الفرم نضع البهارات التاليه
معلقه فلفل اسود
2 معلقه ملح
معلقه بهارت مشكله
2 معلقه مسحوق ( الهيل- اللورا- القرنفل – النعناع الجاف)

بالشكل ده

ونبدا نفرد الخليط ده على عرق الفلتو بالشكل ده

وكل الخطوات دى اعمليها من بليل بحيث تانى يوم ان شاء الله تسويه لفى بقى الصنيه بورق فويل وحطيها فى الثلاجه
لاكي

تانى يوم فتحت على اللحمه وحطيت كوبايتين كبار مايه وقفلت الفويل كويس وبعد ربع ساعه بس طلعتها من الفرن

شايفين المايه اللى تحت اللحمه دى اخذت منها كوبايه وزودت اللحمه مايه تانيه وحطتها فى الفرن تانى والكوبايه اللى اخذتها قطعت خضار بطاطس وكوسه وجرز وحطتهم فى كيس حرارى وصبيت عليهم الكوبايه اللى اخذتهم من اللحمه عشان الخضار ياخد الطعم